ଭୁବନେଶ୍ୱର,୧୮।୨(ବ୍ୟୁରୋ): ୨୦୨୦-୨୧ ଆର୍ଥିକ ବର୍ଷ ପାଇଁ ରାଜ୍ୟ ଅର୍ଥମନ୍ତ୍ରୀ ନିରଞ୍ଜନ ପୂଜାରୀ ମଙ୍ଗଳବାର ଅପରାହ୍ନରେ ବଜେଟ୍ ଉପସ୍ଥାପନ କରିବେ। ଆସନ୍ତା ବଜେଟ୍ ୧.୫ ଲକ୍ଷ କୋଟି ଟଙ୍କା ରହିବ। ଗତ ରାଜ୍ୟ ମନ୍ତ୍ରୀ ପରିଷଦ ବୈଠକରେ ଏହାକୁ ଅନୁମୋଦନ କରାଯାଇଛି। ଆର୍ଥିକ ମାନ୍ଦାବସ୍ଥା ସତ୍ତ୍ୱେ ରାଜ୍ୟ ସରକାର ଗତ ବଜେଟ୍ ତୁଳନାରେ ୧୪ରୁ ୧୫ ପ୍ରତିଶତ ବୃଦ୍ଧି କରିଥିବା କୁହାଯାଉଛି। ବଜେଟ୍ରେ ପୁରୀ ଶ୍ରୀମନ୍ଦିର ଏବଂ ଲିଙ୍ଗରାଜ ମନ୍ଦିରର ଚତୁଃପାର୍ଶ୍ୱ ବିକାଶ କରିବା ପାଇଁ ସ୍ବତନ୍ତ୍ର ବ୍ୟୟ ବରାଦ କରାଯାଇଛି। ତେବେ ପ୍ରସ୍ତାବିତ ବଜେଟ୍ରେ କୌଣସି ନୂଆ ଯୋଜନା ନ କରି ସରକାର ଚାଲୁ ରହିଥିବା ଯୋଜନାଗୁଡିକୁ ଅଧିକ ଫୋକସ କରିବେ ବୋଲି ଜଣାପଡିଛି।
