ନିମାପଡ଼ା,୧।୪(ଡି.ଏନ.ଏ.): ମହାମାରୀ କରୋନା ସଂକ୍ରମଣ ସଚେତନତା ପରିପ୍ରେକ୍ଷୀରେ ଅଲ୍ ଓଡ଼ିଶା ଟେଲର ଶ୍ରମିକ ଆସୋସିଏଶନ ପକ୍ଷରୁ ନିମାପଡ଼ା ପୂର୍ଣ୍ଣେଶ୍ୱର ମହାଦେବଙ୍କ ମନ୍ଦିର ନିକଟରେ ୫ଶହ ଲୋକଙ୍କୁ ହାତତିଆରି ମାସ୍କ ବଣ୍ଟନ କରାଯାଇଛି। ଆସୋସିଏଶନର ରାଜ୍ୟ ସଭାପତି କୁନଚନ୍ଦ୍ର ବେହେରା, ରାଜ୍ୟ ସମ୍ପାଦକ କୃଷ୍ଣଚନ୍ଦ୍ର ବିନ୍ଧାଣି ରତ୍ନ ପ୍ରମୁଖ ଲୋକମାନଙ୍କୁ ମାଗଣାରେ ମାସ୍କ ବଣ୍ଟନ କରିଥିଲେ। ଏହାସହ କରୋନା ସମ୍ପର୍କରେ ସାରା ଦେଶ ଓ ରାଜ୍ୟରେ ପାଳିତ ହେଉଥିବା ଲକ୍ଡାଉନ ବ୍ୟବସ୍ଥା ଓ ସାମାଜିକ ଦୂରତା ରକ୍ଷା, ଜରୁରୀ ନ ଥିଲେ ଘରୁ ନ ବାହାରିବା, ହ୍ୟାଣ୍ଡଓ୍ବାଶରେ ହାତ ଧୋଇବା ପାଇଁ ଆସୋସିଏଶନର କର୍ମକର୍ତ୍ତାମାନେ ଲୋକମାନଙ୍କୁ ସଚେତନ କରିଥିଲେ। ବଣ୍ଟାଯାଉଥିବା ଏହି ମାସ୍କଗୁଡିକ ଟେଲର ଭଉଣୀଭାଇମାନେ ନିଜେ ପ୍ରସ୍ତୁତ କରିଥିବା ସଭାପତି ବେହେରା ଓ ସମ୍ପାଦକ ବିନ୍ଧାଣୀରତ୍ନ କହିଛନ୍ତି।
