ପୁଣେ,୧୧।୧- ଉଇକେଟକିପର ବ୍ୟାଟ୍ସମ୍ୟାନ ସଞ୍ଜୁ ସାମସନ ଶ୍ରୀଲଙ୍କା ବିପକ୍ଷ ଅନ୍ତିମ ଟି୨୦ରେ ଭାରତୀୟ ଦଳ ପାଇଁ ଖେଳିଥିଲେ। ପ୍ରଥମ ବଲରେ ଛକା ମାରି ଅନ୍ତର୍ଜାତୀୟ କ୍ରିକେଟକୁ ଫେରିଥିବା ଘୋଷଣା କରିଥିଲେ। କିନ୍ତୁ ପରବର୍ତ୍ତୀ ବଲରେ ସେ ଏଲବିଡବ୍ଲ୍ୟୁ ଆଉଟ୍ ହୋଇ ନିରାଶ ହୋଇଥିଲେ। ସେ ଟି୨୦ ଫର୍ମାଟରେ ୩ ହଜାରରୁ ଊଦ୍ଦର୍ବ ରନ୍ କରିଥିଲେ ମଧ୍ୟ କେବଳ ଦୁଇଟି ଟି୨୦ ଅନ୍ତର୍ଜାତୀୟ ମ୍ୟାଚ୍ ଖେଳିଛନ୍ତି। ସାମସନ ୨୦୧୫ରେ ଜିମ୍ବାଓ୍ବେ ବିପକ୍ଷରେ ଭାରତ ପାଇଁ ଟି୨୦ ପଦାର୍ପଣ କରିଥିଲେ। ଦୀର୍ଘ ୫ ବର୍ଷ ପରେ ଦ୍ୱିତୀୟ ମ୍ୟାଚ୍ରେ ଖେଳିବାକୁ ସୁଯୋଗ ପାଇଥିଲେ। ଏହି ସମୟରେ ଭାରତ ୭୩ଟି ଅନ୍ତର୍ଜାତୀୟ ଟି୨୦ ଖେଳିସାରିଛି। ଯେକୌଣସି ଭାରତୀୟ ଖେଳାଳିଙ୍କ ପାଇଁ ଦୁଇ ଅନ୍ତର୍ଜାତୀୟ ମ୍ୟାଚ୍ ଖେଳିବା ମଧ୍ୟରେ ଏହା ସର୍ବାଧିକ ବ୍ୟବଧାନ। ପୂର୍ବରୁ ଏହି ରେକର୍ଡ ଭାରତୀୟ ପେସର ଉମେଶ ଯାଦବଙ୍କ ନାମରେ ଥିଲା। ଉମେଶ ୨୦୧୨ରୁ ୨୦୧୫ ମଧ୍ୟରେ କୌଣସି ଅନ୍ତର୍ଜାତୀୟ ଟି୨୦ ଖେଳି ନ ଥିଲେ। ସେହି ସମୟ ମଧ୍ୟରେ ଭାରତ ୬୫ ଟି୨୦ ଖେଳିଥିଲା। ସାମସନ୍ ଗତ ୮ଟି ଟି୨୦ ମ୍ୟାଚ୍ରେ ଭାରତୀୟ ଦଳରେ ସାମିଲ ଥିଲେ। ହେଲେ ଚୂଡ଼ାନ୍ତ ଏକାଦଶରେ ପ୍ରଥମ ଥର ପାଇଁ ସୁଯୋଗ ଦିଆଯାଇଥିଲା।
