ସମ୍ବଲପୁର,୨୦।୧୨(ବ୍ୟୁରୋ)-ସମ୍ବଲପୁର ଜିଲା ପୋଲିସ ଶୁକ୍ରବାର ଏଟିଏମ୍ ଠକେଇ ରାକେଟ୍ର ପର୍ଦ୍ଦାଫାଶ କରିଛି। ଏଥିରେ ପୋଲିସ ୪ଜଣଙ୍କୁ ଗିରଫ କରିଛି। ଅଭିଯୁକ୍ତମାନେ ହେଲେ ବିହାର ନନ୍ଦପୁରର ରାଜେଶ ପ୍ରସାଦ ସିଂ( ୩୭), ଗୟା ଜିଲାର ସ୍ବରୁଭ କୁମାର( ୨୭), ଶଶୀ ଭୂଷଣ କୁମାର(୨୦) ଓ ସମ୍ବଲପୁର ଜିଲା ଅଇଁଠାପାଲି ଥାନା ସିମ୍ପାଲି ଗ୍ରାମର ସ୍ବାଧୀନ ବହିଦାର। ଘଟଣାର ମୁଖ୍ୟ ଅଭିଯୁକ୍ତଙ୍କ ସହ ଅନ୍ୟ ୨ ଜଣ ଫେରାର ଅଛନ୍ତି। ଗିରଫ ଅଭିଯୁକ୍ତଙ୍କ ନିକଟରୁ ୧ ଲକ୍ଷ ୪୬ ହଜାର ଟଙ୍କା ସହ ଲାପଟପ୍, ମୋବାଇଲ, ସ୍କାନିଙ୍ଗ ମେଶିନ, କୋଲିନ ମେଶିନ, ହାର୍ଡଡିକ୍ସ ଆଦି ସାମଗ୍ରୀ ସହ ଦୁଇଟି କାର ଜବତ କରାଯାଇଛି। ଏ ନେଇ ଅଇଁଠାପାଲି ଥାନାରେ କେସ ନଂ ୩୨୧/୧୯ରେ ଏକ ମାମଲା ରୁଜୁ ହୋଇଥିବା ଅଫିସ ପରିସରରେ ଶୁକ୍ରବାର ଆୟୋଜିତ ଖବରଦାତା ସମ୍ମିଳନୀରେ ଏସ୍ପି କନୱର ବିଶାଲ ସିଂ କହିଛନ୍ତି ।
