ଭୁବନେଶ୍ୱର, ୭।୪(ବ୍ୟୁରୋ): କୋଭିଡ୍ ଟିକା ପାଇଁ କେନ୍ଦ୍ର ସ୍ବାସ୍ଥ୍ୟ ସଚିବଙ୍କୁ ରାଜ୍ୟ ସରକାର ଚିଠି ଲେଖିଛନ୍ତି। ଅତି କମ୍ରେ ୧୫ରୁ ୨୦ଲକ୍ଷ ଡୋଜ୍ କୋଭିଶିଲ୍ଡ ଟିକା ଯୋଗାଇଦେବା ପାଇଁ ସ୍ବାସ୍ଥ୍ୟ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ପ୍ରଦୀପ୍ତ କୁମାର ମହାପାତ୍ର ମଙ୍ଗଳବାର କେନ୍ଦ୍ର ସ୍ବାସ୍ଥ୍ୟ ସଚିବଙ୍କୁ ଚିଠି ଲେଖିଛନ୍ତି। ସେ ଚିଠିରେ ଉଲ୍ଳେ୍ଖ କରିଛନ୍ତି ଯେ, ରାଜ୍ୟରେ ଏ ପର୍ଯ୍ୟନ୍ତ ୩୫ଲକ୍ଷରୁ ଊର୍ଦ୍ଧ୍ୱ ଟିକାକରଣ ହୋଇସାରିଲାଣି। ଦୈନିକ ପ୍ରାୟ ୨.୩୧ଲକ୍ଷ ଟିକାଦାନ କରାଯାଉଛି। ମଙ୍ଗଳବାର ସକାଳ ୧୦ଟା ପର୍ଯ୍ୟନ୍ତ ରାଜ୍ୟର କୋଲ୍ଡ ଚେନ୍ ପଏଣ୍ଟରେ ୩,୪୭,୧୮୦ ଡୋଜ୍ କୋଭିଶିଲ୍ଡ ଓ ୧,୩୬,୮୨୦ ଡୋଜ୍ କୋଭାକ୍ସିନ ଟିକା ରହିଛି। ଆଞ୍ଚଳିକ ଓ ଜିଲା ଭ୍ୟାକ୍ସିନ ଷ୍ଟୋରରେ ଆଦୌ ଟିକା ଗଚ୍ଛିତ ନାହିଁ। ତେବେ ମଙ୍ଗଳବାର ଅପରାହ୍ନରେ ରାଜ୍ୟକୁ ୩,୪୯,୧୩୦ ଡୋଜ୍ କୋଭିଶିିଲ୍ଡ ଟିକା ଆସି ପହଞ୍ଚତ୍ଛି। ଗଚ୍ଛିତ ଥିବା ଟିକା ଆଗାମୀ ତିନିଦିନ ପର୍ଯ୍ୟନ୍ତ ଯିବ। ଫଳରେ ଦ୍ୱିତୀୟ ଡୋଜ୍ ଟିକାକରଣ ପାଇଁ ସମସ୍ୟା ସୃଷ୍ଟି ହେବ। ତେଣୁ ୧୫ରୁ ୨୦ଲକ୍ଷ ଡୋଜ୍ କୋଭିଶିଲ୍ଡ ଟିକା ଦେବା ପାଇଁ ମହାପାତ୍ର ଚିଠିରେ ଲେଖିଛନ୍ତି। ସୂଚନାଯୋଗ୍ୟ ମଙ୍ଗଳବାର ରାଜ୍ୟରେ ୧,୭୩,୩୦୭ଜଣ ଟିକା ନେଇଛନ୍ତି। ଏପର୍ଯ୍ୟନ୍ତ ମୋଟ ୩୭,୪୧,୧୧୭ଜଣ ଟିକା ନେଇସାରିଲେଣି।
