ଶ୍ରୀନଗର,୧୫।୧: ଆମକୁ ସୁରକ୍ଷିତ ଏବଂ ସୁଖରେ ରଖିବା ପାଇଁ ଯବାନଙ୍କ ତ୍ୟାଗର ତୁଳନା ନାହିଁ। ସମସ୍ତଙ୍କ ସୁରକ୍ଷା ପାଇଁ ନିଜ ଜୀବନକୁ ବାଜି ଲଗାଇ ଦେଇଥାନ୍ତି ଭାରତୀୟ ସେନା। ଏହାର ଏକ ସଦ୍ୟତମ ଉଦାହରଣ ଦେଖିବାକୁ ମିଳିଛି ଜମ୍ମୁ-କଶ୍ମୀରରେ। ଏଠାରେ ଦୀର୍ଘ ୪ ଘଣ୍ଟା ବରଫରେ ଚାଲି ଜଣେ ଗର୍ଭବତୀ ମହିଳାଙ୍କୁ ଡାକ୍ତରଖାନାରେ ପହଞ୍ଚାଇଛନ୍ତି ୧୦୦ଜଣ ଯବାନ। ଜମ୍ମୁ-କଶ୍ମୀର ଘାଟିରେ ଏବେ ପ୍ରବଳ ବରଫପାତ ହେଉଛି। ଫଳରେ ଅଣ୍ଟା ପର୍ଯ୍ୟନ୍ତ ବରଫ ଜମା ହୋଇଛି। ଫଳରେ ଜନଜୀବନ ଅସ୍ତବ୍ୟସ୍ତ ହୋଇପଡିଛି। ସମୀନା ନାମକ ଜଣେ ମହିଳାଙ୍କ ପ୍ରସବ ଯନ୍ତ୍ରଣା ହେବାରୁ ତାଙ୍କୁ ତୁରନ୍ତ ଡାକ୍ତରଖାନାରେ ଭର୍ତ୍ତି କରିବାର ଥିଲା। ଯେଉଁ ଗାଁରେ ସମୀନା ରହୁଥିଲେ ସେଠାରେ ଡାକ୍ତରଖାନା ନେବାକୁ କୌଣସି ସୁବିଧା ଉପଲବ୍ଧ ନ ଥିଲା। ଫଳରେ ୧୦୦ ଯବାନ ଏବଂ ୩୦ଜଣ ସ୍ଥାନୀୟ ଲୋକେ ମିଶି ଅଣ୍ଟାଏ ବରଫ ଭିତରେ ପଶି ସମୀନାଙ୍କୁ ଷ୍ଟ୍ରେଚର ଯୋଗେ ଡାକ୍ତରଖାନା ନେଇଥିଲେ। ଯବାନଙ୍କ ଏଭଳି ଉଲ୍ଲେଖନୀୟ କାର୍ଯ୍ୟକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସଲାମ କରିଛନ୍ତି।
