କରୋନା ଯୋଗୁ ଚଳିତ ବର୍ଷ ୟୁଏଇରେ ଆଇପିଏଲ ୨୦୨୦ ଖେଳାଯାଉଛି। ଏହି ଟୁର୍ନାମେଣ୍ଟ ପାଇଁ ଅଧିକାଂଶ ଖେଳାଳି ସେମାନଙ୍କ ପରିବାରକୁ ସାଙ୍ଗରେ ନେଇ ନାହାନ୍ତି। ତଥାପି, କିଛି ଖେଳାଳିଙ୍କ ପରିବାର ସେମାନଙ୍କୁ ଏବଂ ଦଳକୁ ସମର୍ଥନ କରିବାକୁ ସେଠାରେ ଅଛନ୍ତି। ଏହିପରି ଜଣେ ଖେଳାଳି ହେଉଛନ୍ତି ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର ସ୍ପିନର ୟୁଜଭେନ୍ଦ୍ର ଚହଲ। ଚହଲଙ୍କ ଭାବି ସ୍ତ୍ରୀ ଧନଶ୍ରୀ ତାଙ୍କ ଚିୟର କରିବା ପାଇଁ ୟୁଏଇରେ ପହଞ୍ଚିଛନ୍ତି। ଧନଶ୍ରୀ କେବଳ ୟୁଏଇରେ ପହଞ୍ଚି ଚହଲ ଏବଂ ଆରସିବିକୁ ସମର୍ଥନ କରୁନାହାଁନ୍ତି, ବରଂ ମଜା ମଧ୍ୟ କରୁଛନ୍ତି। ସମସ୍ତେ ଜାଣନ୍ତି ଧନଶ୍ରୀ ଜଣେ କୋରିଓଗ୍ରାଫର। ଏହିପରି, ସେ ୟୁଏଇରେ ନିଜର ନୃତ୍ୟ ଦକ୍ଷତା ମଧ୍ୟ ପ୍ରଦର୍ଶନ କରୁଛନ୍ତି। ଧନଶ୍ରୀ ସୋସିଆଲ ମିଡିଆରେ ବହୁତ ସକ୍ରିୟ ଏବଂ ଇନଷ୍ଟାଗ୍ରାମରେ ଅନେକ ସମୟରେ ତାଙ୍କ ଡ୍ୟାନ୍ସ ଭିଡିଓ ଶେୟାର କରନ୍ତି। ଏହି କ୍ରମରେ ଧନଶ୍ରୀ ପୁଣି ଥରେ ତାଙ୍କ ପ୍ରଶଂସକଙ୍କ ପାଇଁ ଏକ ଡ୍ୟାନ୍ସ ଭିଡିଓ ଶେୟାର କରିଛନ୍ତି। ଧନଶ୍ରୀଙ୍କ ଏହି ଡ୍ୟାନ୍ସ ଭିଡିଓ ଅତ୍ୟନ୍ତ ସ୍ବତନ୍ତ୍ର, କାରଣ ଏଥିରେ ସେ ଦୁବାଇର ସମୁଦ୍ର କୂଳରେ ବାଲି ଉପରେ ନାଚୁଛନ୍ତି। ସେ ଟୋନି କକ୍କରଙ୍କ ନାଚ୍ ମେରୀ ଲୈଲା ଗୀତରେ ନାଚୁଛନ୍ତି। ପ୍ରଶଂସକମାନେ ମଧ୍ୟ ଏହି ଭିଡିଓକୁ ବହୁତ ପସନ୍ଦ କରୁଛନ୍ତି।
