ଚେନ୍ନାଇ,୧୪।୧୧ : ତିରୁଚିରାପଲ୍ଲୀ ପୋଲିସ ମଙ୍ଗଳବାର ଦିନ ଆଇପିସିର ବିଭିନ୍ନ ବିଭାଗ ଏବଂ ମୋଟର ଯାନ ଅଧିନିୟମ ଅନ୍ତର୍ଗତ ୧୦ ଜଣଙ୍କୁ ମୋଟରସାଇକେଲ ଚଲାଇ ବାଣ ଫୁଟାଉଥିବା ବେଳେ ବିପଜ୍ଜନକ ଷ୍ଟଣ୍ଟ ପ୍ରଦର୍ଶନ କରୁଥିବା ଅଭିଯୋଗରେ ଗିରଫ କରିଛି।
ତ୍ରିଚି ଏସପି ବରୁଣ କୁମାର କହିଛନ୍ତି ସର୍ବସାଧାରଣ ରାସ୍ତାରେ ଷ୍ଟଣ୍ଟ କରୁଥିବାରୁ ଆଇପିସି ଧାରା ଏବଂ ମୋଟର ଯାନ ଅଧିନିୟମର ବିଭିନ୍ନ ବିଭାଗ ଅନ୍ତର୍ଗତ ତ୍ରିଚି ଜିଲା ପୋଲିସ ୧୦ ଜଣଙ୍କୁ ଗିରଫ କରିଛି। ଏହା ରାସ୍ତାରେ ପଥଚାରୀଙ୍କ ପାଇଁ ବିପଦ ସୃଷ୍ଟି କରିଥିଲା।
ଦିୱାଲୀ ପାଳନ କରୁଥିବା ବେଳେ ତିରୁଚିରାପଲ୍ଲୀରେ ଷ୍ଟଣ୍ଟ କରୁଥିବା ବେଳେ ଏକ ବାଇକ ଆରୋହୀ ରକେଟ ବାଣ ଫୁଟାଇଥିବାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
ମଦୁରାଇ ସିଟି ପୋଲିସ କମିଶନର କହିଛନ୍ତି, ଦିୱାଲୀରେ ରାଜ୍ୟ ସରକାର ଦେଇଥିବା ନିର୍ଦ୍ଧାରିତ ସମୟ ସୀମାଠାରୁ ଅଧିକ ସମୟ ଧରି ବାଣ ଫୁଟାଉଥିବା ନେଇ ଜିଲାରେ ୧୪୭ ମାମଲା ରୁଜୁ ହୋଇଛି।
One person was arrested after video showing him fixing firecrackers onto his bike went viral from Tamil Nadu’s Tiruchirapalli. Another person, seen fixing firecrackers to his car is yet to be arrested.#TamilNadu #Firecrackers #Viral #ViralPosts #ViralReels #ViralVideo… pic.twitter.com/b0jpzAjqlH
— Vani Mehrotra (@vani_mehrotra) November 14, 2023
