ଯୋଧପୁର,୫ା୧୧: ରାଜସ୍ଥାନର ଯୋଧପୁରରେ ଜଣେ ୩୮ ବର୍ଷୀୟ ଯୁବକ ଶୁକ୍ରବାର ତାଙ୍କ ପରିବାରର ୪ ଜଣଙ୍କୁ ହତ୍ୟା କରିବା ପରେ ନିଜେ ଆତ୍ମହତ୍ୟା କରିଛନ୍ତି। ଲାଲ୍ ନାମକ ଯୁବକ କ୍ଷେତରେ କାମ କରୁଥିବା ତାଙ୍କ ବାପା ସୋନାରାମ (୬୫)ଙ୍କୁ କୁରାଢ଼ିରେ ହାଣି ହତ୍ୟା କରିବା ପରେ ମାଆ ଚମ୍ପା (୫୫)ଙ୍କ ଜୀବନ ନେଇଥିଲେ। ଏହା ପରେ ଲାଲ୍ ତାଙ୍କ ପୁଅ ଲକ୍ଷ୍ମଣ(୧୪) ଏବଂ ଦିନେଶ(୮)ଙ୍କୁ ହତ୍ୟା କରିଥିଲେ ବୋଲି ଲୋହାଓ୍ବତ ଏସ୍ଏଚ୍ଓ ବଦ୍ରି ପ୍ରସାଦ କହିଛନ୍ତି। ମୃତଦେହଗଡ଼ିକୁ ସେ ଘର ପଛପଟେ ଥିବା ପୋଖରୀରେ ପକାଇଦେଇଥିଲେ। ପରେ ସେ ନିକଟରେ ଥିବା ତାଙ୍କର ଜଣେ ସମ୍ପର୍କୀୟଙ୍କ ଘରକୁ ଯାଇ ସେଠାରେ ଥିବା ଏକ ପୋଖରୀକୁ ଡେଇଁ ଆତ୍ମହତ୍ୟା କରିଥିଲେ। ଚାଷ କାର୍ଯ୍ୟ କରୁଥିବା ଲାଲ୍ ଅଫିମ ଖାଇଥାନ୍ତି। ସେ ତାଙ୍କ ପରିବାର ସଦସ୍ୟଙ୍କୁ ନିଶା ଦେବା ପରେ ହତ୍ୟା କରିଥିବା ପୋଲିସ ସନ୍ଦେହ କରୁଛି। କାରଣ ପରିବାରରେ ତାଙ୍କ ସ୍ତ୍ରୀ ଓ ଅନ୍ୟ ସଦସ୍ୟ ଥିଲେ ମଧ୍ୟ ସେମାନେ ହତ୍ୟାକାଣ୍ଡ ସମ୍ପର୍କରେ ଜାଣିପାରି ନ ଥିଲେ।
