ଗଞ୍ଜାମ,୨୫।୪(ଡି.ଏନ୍.ଏ.): ଜିଲାପାଳଙ୍କ କାର୍ଯ୍ୟାଳୟରୁ ଆସିଛି। ୧୯୯୯ ମହାବାତ୍ୟାରେ ହୋଇଥିବା କ୍ଷୟକ୍ଷତି ଟଙ୍କା ମିଳିବ କହି ଜଣେ ବୃଦ୍ଧଙ୍କଠାରୁ ୧୦ ହଜାର ଟଙ୍କା ଠକି ନେଇଥିବା ଅଭିଯୋଗ ହୋଇଛି।
ଅଭିଯୋଗ ମୁତାବକ, ଗତ ଶନିବାର ପୂର୍ବାହ୍ନରେ ଏକ ବାଇକ୍ରେ ଜଣେ ଯୁବକ ଗଞ୍ଜାମ ଥାନା ଅଧୀନ ଦାମୋଦରପୁର ଗ୍ରାମ ଗୁରେନ୍ଦ୍ର ବେହେରା(୭୪)ଙ୍କ ଘରକୁ ଆସିଥିଲେ। ସେ ଜିଲାପାଳଙ୍କ କାର୍ଯ୍ୟାଳୟରୁ ଆସିଥିବା ଗୁରେନ୍ଦ୍ରଙ୍କୁ କହି ବିଶ୍ୱାସ ଜନ୍ମାଇଥିଲେ। ପରେ ସେ ଗୁରେନ୍ଦ୍ରଙ୍କୁ ବାତ୍ୟା ସହାୟତା ୩ ଲକ୍ଷ ୫୦ ହଜାର ଟଙ୍କା ଆସିଥିବା କହିଥିଲେ। ଏପରି କି ଯୁବକ ଜଣକ ୨୫ ହଜାର ୫ ଶହ ଟଙ୍କା ଦେଲେ ଷ୍ଟେଟ୍ ବ୍ୟାଙ୍କରୁ ଚେକ୍ ଆଣି ଦେବେ ବୋଲି କହିଥିଲେ। ହେଲେ ଗୁରେନ୍ଦ୍ର ଏତେ ଟଙ୍କା ପାଖରେ ନ ଥିବା କହିଥିଲେ। ଯୁବକ ଜଣକ ପାଖରେ ଯାହା ଅଛି ଦେବାକୁ କହିଥିଲେ। ଏନେଇ ଗୁରେନ୍ଦ୍ର ୧୦ ହଜାର ଟଙ୍କା ଯୁବକଙ୍କୁ ଦେଇଥିଲେ। ପରବର୍ତ୍ତୀ ସମୟରେ ଯୁବକ ଜଣକ ଗୁରେନ୍ଦ୍ରଙ୍କୁ ବାଇକ୍ରେ ବସାଇ ଗଞ୍ଜାମ ନେଇଥିଲେ। ସାନବଜାର ନିକଟରେ ଗୁରେନ୍ଦ୍ରଙ୍କୁ ଛାଡ଼ି ବ୍ୟାଙ୍କରୁ ଆସୁଥିବା କହିଥିଲେ। ହେଲେ ଯୁବକ ଜଣକ ଆଉ ଆସି ନ ଥିଲେ। ଠକେଇର ଶିକାର ହୋଇଥିବା ନେଇ ଗୁରେନ୍ଦ୍ର ଅଭିଯୋଗ କରିଛନ୍ତି। ଏପରି କି ସେ ଥାନାରେ ଅଭିଯୋଗ କରିବେ ବୋଲି କହିଛନ୍ତି। ଏହି ଘଟଣା ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି।
