ଟିକିରି,୨୮ା୬(ଡି.ଏନ୍.ଏ.): ରାୟଗଡ଼ା ଜିଲା କାଶୀପୁର ବ୍ଲକ ଟିକିରି ଥାନା ଅଧୀନ ସୋରିଷପଦର ଗ୍ରାମରେ ଏକ ଅଭାବନୀୟ ଘଟଣା ଘଟିଛି। ଉଚ୍ଚଶକ୍ତି ସମ୍ପନ୍ନ ବିଦ୍ୟୁତ୍ ତାର ସଂସ୍ପର୍ଶରେ ଆସି ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି। ସେ ହେଲେ ବ୍ଲକ ଅନ୍ତର୍ଗତ ସେମିଳିଗୁଡ଼ା ଗ୍ରାମର ଜୟମନ ନାଏକ(୫୦)।
ସୂଚନା ଅନୁଯାୟୀ, ଜୟମନ ଛେଳି ପାଇଁ ଗଛରୁ ଡାଳ ସଂଗ୍ରହ କରିବାକୁ ନିକଟସ୍ଥ ସେମିତିଗୁଡ଼ା ଗ୍ରାମକୁ ଯାଇଥିଲେ। ଡାଳ କାଟିବା ସମୟରେ ନିମ୍ବଗଛ ଉପର ଦେଇ ଯାଇଥିବା ବିଦ୍ୟୁତ୍ ତାର ସଂସ୍ପର୍ଶରେ ଆସି ଗୁରୁତର ହୋଇପଡିଥିଲେ। ଗ୍ରାମବାସୀ ତାଙ୍କୁ ଉଦ୍ଧାର କରି ଓଷପଡ଼ା ଡାକ୍ତରଖାନାକୁ ନେଇଥିଲେ। ସେଠାରେ ଡାକ୍ତର ଜୟମନଙ୍କୁ ମୃତ ଘୋଷଣା କରିଥିଲେ।
