ନୂଆଦିଲ୍ଲୀ,୫ା୮ ଆଜାଦୀ କି ଅମୃତ ମହୋତ୍ସବ ଅବସରରେ ପତଞ୍ଜଳି ଯୋଗପୀଠର ସାଧାରଣ ସମ୍ପାଦକ ତଥା ପତଞ୍ଜଳି ବିଶ୍ୱବିଦ୍ୟାଳୟର କୁଳପତି ଆଚାର୍ଯ୍ୟ ବାଲ୍କ୍ରିଷ୍ଣାଙ୍କ ୫୦ ତମ ଜନ୍ମଦିବସ ପରିପ୍ରେକ୍ଷୀରେ ସ୍ବର୍ଣ୍ଣ ଜୟନ୍ତୀ ମହୋତ୍ସବ ବା ଜଡ଼ିବୁଟ ଦିବସ ଭାବେ ପାଳନ କରାଯାଇଥିଲା। ଏପରିକି ସ୍ବାଧୀନତାର ୭୫ତମ ବର୍ଷ ଅବସରରେ ଆଚାର୍ଯ୍ୟ ବାଲ୍କ୍ରିଷ୍ଣାଙ୍କ ଦ୍ୱାରା ରଚିତ ୭୫ଟି ଲେଖା ଜନସାଧାରଣଙ୍କ ଉଦ୍ଦେଶ୍ୟରେ ଉତ୍ସର୍ଗ କରାଯାଇଥିଲା। ସେହିଭଳି ବିଭିନ୍ନ ରୋଗର ଚିକିତ୍ସା ପାଇଁ ୫୧ଟି ନୂତନ ଔଷଧର ଲୋକାର୍ପଣ କରାଯାଇଥିଲା।
ଏହି ଅବସରରେ ଉତ୍ତରାଖଣ୍ଡ ରାଜ୍ୟପାଳ ଏଲ୍ଜି ଗୁରୁମିତ ସିଂହ ବାଲ୍କ୍ରିଷ୍ଣାଙ୍କର ୫୦ ତମ ଜନ୍ମଦିନରେ ଆଚାର୍ଯ୍ୟଙ୍କୁ ଶୁଭେଚ୍ଛା ଜଣାଇଥିଲେ। ସେହିଭଳି ସ୍ବାମୀ ରାମଦେବ କହିଛନ୍ତି, ଭାରତୀୟ ଜ୍ଞାନ କ୍ଷେତ୍ରରେ ଆୟୁର୍ବେଦ ପରମ୍ପରାରେ ସମ୍ମାନିତ ଆଚାର୍ଯ୍ୟ କେବଳ ଇତିହାସ ଲେଖି ନାହାନ୍ତି ବରଂ ଇତିହାସ ସୃଷ୍ଟି କରିଛନ୍ତି। ସ୍ବାଧୀନତାର ୭୫ତମ ବର୍ଷ ଅବସରରେ ୭୫ଟି ପୁସ୍ତକ ପତଞ୍ଜଳିରୁ ଗ୍ରହଣ କରାଯାଉଛି। ଆଜି ତିନୋଟି ବଡ କାମ ଏକାସାଙ୍ଗରେ କରାଯାଉଛି। ପ୍ରଥମ- ଭାରତୀୟ ଜ୍ଞାନ ପରମ୍ପରାରେ ଏକ ନୂତନ ଅବଦାନ, ଯାହା ଆଗାମୀ ସମୟରେ, ଯେତେବେଳେ ବି ଆୟୁର୍ବେଦର ଇତିହାସ ହଜାର ହଜାର ବର୍ଷ ସ୍ମରଣୀୟ ହୋଇ ରହିବ,ଆଚାର୍ଯ୍ୟଙ୍କର ଅବଦାନ ସୁବର୍ଣ୍ଣ ଅକ୍ଷରରେ ଲେଖାଯିବ। ଦ୍ୱିତୀୟ- ଆୟୁର୍ବେଦରେ ଅନେକ ରୋଗ ବିଷୟରେ ଉଲ୍ଲେଖ କରାଯାଇ ନ ଥିଲା, ସମୟ ସହ ରୋଗ ବଢ଼ିବାରେ ଲାଗିଲା, ସେମାନଙ୍କ ଚିକିତ୍ସା ପାଇଁ ୫୧ଟି ନୂତନ ଔଷଧ ତିଆରି କରି ପତଞ୍ଜଳି ମାଧ୍ୟମରେ ଔଷଧ କ୍ଷେତ୍ରରେ ବହୁତ ବଡ଼ କାର୍ଯ୍ୟ ଚାଲିଛି। ପତଞ୍ଜଳି ମାଧ୍ୟମରେ ଆମେ ଆମର ପୂର୍ବଜମାନେ ଦେଇଥିବା ଜ୍ଞାନରେ ନୂତନ ଜ୍ଞାନ, ନୂତନ ଅନୁସନ୍ଧାନ, ନୂତନ ଆଧ୍ୟାତ୍ମିକ ଅଭ୍ୟାସ ଏବଂ ନୂତନ ସେବା ଅନ୍ତର୍ଭୁକ୍ତ କରିଛୁ। ଆଜି ଯୋଗ-ଆୟୁର୍ବେଦ ଏକ ଜନ ଆନ୍ଦୋଳନରେ ପରିଣତ ହୋଇଛି। ତୃତୀୟ-ଭାରତୀୟ ଶିକ୍ଷା ବୋର୍ଡ ଗଠନ ଯେଉଁଠାରେ ଗୋଟିଏ ପଟେ ସମଗ୍ର ବିଶ୍ୱ ଶିକ୍ଷାର ନୂତନ ଦିଗ ଖୋଜୁଥିଲା।
