ନୂଆଦିଲ୍ଲୀ,୧୦।୧୨: ବିବାହ ବିଚ୍ଛେଦ ଆଇନରେ ଆପୋସ ବୁଝାମଣାରେ ଛାଡ଼ପତ୍ର ଆବେଦନ କରିବା ଲାଗି ବର୍ଷେ କିମ୍ବା ତଦୂର୍ଦ୍ଧ୍ୱ ସମୟ ସ୍ବାମୀ ସ୍ତ୍ରୀ ଅଲଗା ରହିବା ଅସାମ୍ବିଧାନିକ ସର୍ତ୍ତ ବୋଲି କେରଳ ହାଇକୋର୍ଟ କହିଛନ୍ତି। ଏହି ସର୍ତ୍ତ ମୌଳିକ ଅଧିକାରର ଉଲ୍ଲଂଘନ କରୁଥିବା ଜଷ୍ଟିସ୍ ଏ. ମହମ୍ମଦ ମୁସ୍ତାକ ଏବଂ ଶୋବା ଆନ୍ନାମ୍ମା ଏଆପେନ୍ଙ୍କ ଖଣ୍ଡପୀଠ କହିଛନ୍ତି। ବୈବାହିକ ବିବାଦରେ ସ୍ବାମୀ ସ୍ତ୍ରୀଙ୍କ ଭଲ ପାଇଁ ଦେଶରେ ସମାନ ବିବାହ ଅଧିନିୟମ କାର୍ଯ୍ୟକାରୀ କରିବା ଦିଗରେ କେନ୍ଦ୍ର ସରକାର ଗୁରୁତର ସହ ବିଚାର କରିବା ଆବଶ୍ୟକ ବୋଲି ଖଣ୍ଡପୀଠ ଟିପ୍ପଣୀ ଦେଇଛନ୍ତି। ଧର୍ମ ଆଧାରରେ ପକ୍ଷଙ୍କୁ ପରସ୍ପରଠାରୁ ଅଲଗା ରହିବା ସର୍ତ୍ତ ରଖାଯାଇଛି। ଏକ ଧର୍ମନିରପେକ୍ଷ ରାଷ୍ଟ୍ରରେ ନାଗରିକମାନଙ୍କ ସାଧାରଣ କଲ୍ୟାଣକୁ ଆଇନଗତ ପ୍ରାଥମିକତା ମିଳିବା ଆବଶ୍ୟକ ବୋଲି ଖଣ୍ଡପୀଠ କହିଛନ୍ତି। ଛାଡ଼ପତ୍ର ଆଇନ, ୧୮୬୯ର ଧାରା ୧୦ଏ ଅନୁଯାୟୀ ସର୍ବନିମ୍ନ ୧ ବର୍ଷ ଅଲଗା ରହିବାକୁ ଏକ ଖ୍ରୀଷ୍ଟିଆନ ଦମ୍ପତିଙ୍କୁ କୁହାଯାଇଥିବାବେଳେ ଏହାକୁ ସେମାନେ କେରଳ ହାଇକୋର୍ଟରେ ଚ୍ୟାଲେଞ୍ଜ କରିଥିଲେ।
