୨୦୨୨ ବର୍ଷ ଫିଲ୍ମ ଜଗତର ତାରକାମାନଙ୍କ ପାଇଁ ଏକ ଖଟା ଏବଂ ମିଠା ଅନୁଭୂତି ଆଣିଦେଇଥିଲା। ବିଶେଷକରି ଚଳିତ ବର୍ଷ ବକ୍ସ ଅଫିସରେ ଜବରଦସ୍ତ ପ୍ରତିଯୋଗିତା ଦେଖିବାକୁ ମିଳିଥିଲା। ବର୍ଷ ଶେଷ ହେବାକୁ କେବଳ କିଛି ଦିନ ବାକି ଅଛି। ଏହାପୂର୍ବରୁ ଆଇଏମ୍ଡିବି ପକ୍ଷରୁ ବର୍ଷର ଟପ ରେଟେଡ ଫିଲ୍ମର ତାଲିକା ମଧ୍ୟ ପ୍ରକାଶ ପାଇଛି। ଜାଣନ୍ତୁ ବର୍ଷର କେଉଁ ଫିଲ୍ମ ରେଟିଂରେ ଆଗରେ ଥିଲା।
ଆରଆରଆର
୨୦୨୨ରେ ଆରଆରଆର ଫିଲ୍ମ ସର୍ବଶ୍ରେଷ୍ଠ ବିବେଚିତ ହୋଇଥିଲା। ଜୁନିଅର ଏନଟିଆର ଏବଂ ରାମଚରଣଙ୍କ ଅଭିନୀତ ଏହି ଫିଲ୍ମ ଆଏମ୍ଡିବି ରେଟିଂରେ ଏକ ନମ୍ବର ସ୍ଥାନରେ ଥିଲା।
ଦ କଶ୍ମୀର ଫାଇଲ୍ସ
ଚଳିତ ବର୍ଷ ବିବେକ ଅଗ୍ନିହୋତ୍ରୀଙ୍କ ନିର୍ଦ୍ଦେଶିତ ଫିଲ୍ମ ‘କଶ୍ମୀର ଫାଇଲ୍ସ’ ସିନେମା ହଲରେ ବହୁ ଟଙ୍କା ରୋଜଗାର କରିଛି। ଏହି ଫିଲ୍ମରେ ଅନୁପମ ଖେରଙ୍କ ଅଭିନୟକୁ ମଧ୍ୟ ବହୁତ ପ୍ରଶଂସା କରାଯାଇଛି। ଯଦିଓ ଏହି ଫିଲ୍ମଟି ବିବାଦ ଘେରରେ ରହିଆସିଛି, କିନ୍ତୁ ଆଏମ୍ଡିବିର ଟପ ୧୦ ତାଲିକାରେ ଏହି ଫିଲ୍ମ ଦୁଇ ନମ୍ବରରେ ସ୍ଥାନ ପାଇଛି।
କେଜିଏଫ୍ ୨
୨୦୨୨ ବର୍ଷର ସବୁଠାରୁ ଲୋକପ୍ରିୟ ଫିଲ୍ମ ମଧ୍ୟରୁ ‘କେଜିଏଫ ଚାପ୍ଟର ୨’ ଅନ୍ୟତମ। ଫିଲ୍ମଟି ରିଲିଜ ହେବା ମାତ୍ରେ ପ୍ରେକ୍ଷାଳୟରେ ଧମାଲ କରିଥିଲା। ମୁଖ୍ୟ ଭୂମିକାରେ ଅଭିନେତା ୟଶ ଏବଂ ସଞ୍ଜୟ ଦତ୍ତଙ୍କ ଅଭିନୀତ ଏହି ଫିଲ୍ମଟି ଏକ ବ୍ଲକବଷ୍ଟର ସାବ୍ୟସ୍ତ ହୋଇଥିଲା। ବର୍ଷର ଆଏମଡିବି ତାଲିକାରେ ଏହି ଫିଲ୍ମଟି ତୃତୀୟ ସ୍ଥାନ ପାଇଛି।
ବିକ୍ରମ
ଦକ୍ଷିଣ ଭେଟେରାନ ଅଭିନେତା କମଲ ହାସନଙ୍କ ଆକ୍ସନ ଡ୍ରାମା ଫିଲ୍ମ ‘ବିକ୍ରମ’ ଚଳିତ ବର୍ଷର ସିପରହିଟ୍ ଫିଲ୍ମ ଥିଲା। ବକ୍ସ ଅଫିସରେ ଭଲ ରୋଜଗାର କରିବା ବ୍ୟତୀତ ଫିଲ୍ମଟି ଶ୍ରେଷ୍ଠ ୧୦ ଆଇଏମଡିବି ତାଲିକାରେ ଚତୁର୍ଥ ନମ୍ବରରେ ସ୍ଥାନ ପାଇଛି।
କାନ୍ତାରା
ରିଷଭ ଶେଟ୍ଟୀଙ୍କ ନିର୍ଦ୍ଦେଶିତ ତଥା ଅଭିନୀତ ଫିଲ୍ମ ‘କାନ୍ତାରା’ ଅନ୍ୟ ଫିଲ୍ମ ତୁଳନାରେ ବହୁତ କମ ବଜେଟ ଫିଲ୍ମ ହୋଇଥିଲେ ମଧ୍ୟ ଏହାର ଦୃଢ ଼ କାହାଣୀ ଏବଂ ଜବରଦସ୍ତ ଆକ୍ସନ ଯୋଗୁ ବକ୍ସଅଫିସ୍ରେ ଭଲ ରୋଜଗାର କରିଥିଲା। ଆଇଏଡିବିରେ ମଧ୍ୟ ଫିଲ୍ମଟି ୫ ନମ୍ବର ସ୍ଥାନରେ ରହିଛି।
‘ରକେଟ୍ରି ଦି ନାମ୍ବି ଇଫେକ୍ଟ’
ଅଭିନେତା ଆର ମାଧବନଙ୍କ ଫିଲ୍ମ ‘ରକେଟ୍ରି ଦି ନାମ୍ବି ଇଫେକ୍ଟ’ ଇସ୍ରୋ ବବୈଜ୍ଞାନିକ ନମ୍ବି ନାରାୟଣଙ୍କ ଜୀବନୀ ଉପରେ ଆଧାରିତ ଥିଲା। ଏହି ଫିଲ୍ମକୁ ସମସ୍ତେ ପ୍ରଶଂସା କରିଥିଲେ। ଫିଲ୍ମଟି ଆଇଏମ୍ଡିବି ଟପ ୧୦ ତାଲିକାରେ ଷଷ୍ଠ ସ୍ଥାନରେ ଅଛି।
ମେଜର
ଶଶି କିରଣ ଟିକ୍କାଙ୍କ ନିର୍ଦ୍ଦେଶିତ ‘ମେଜର’ ଫିଲ୍ମ ମେଜର ସନ୍ଦୀପ ଉନିକ୍ରିଷ୍ଣନଙ୍କ ଜୀବନ ଉପରେ ଆଧାରିତ। ଏହି ଫିଲ୍ମରେ ମୁଖ୍ୟ ଭୂମିକାରେ ଅଭିନୟ କରିଛନ୍ତି ଆଦିବି ଶେଶ। ଆଇଏମଡିବି ରେଟିଂରେ ଫିଲ୍ମଟି ସପ୍ତମ ସ୍ଥାନରେ ଅଛି।
ସୀତା ରାମନ
ଅଭିନେତ୍ରୀ ମୃନାଲ ଠାକୁର ଏବଂ ସଲମାନ ଦୁଲକରଙ୍କ ଅଭିନୀତ ଫିଲ୍ମ ‘ସୀତା ରାମନ’ ପ୍ରଥମେ ତେଲୁଗୁ, ତାମିଲ ଏବଂ ମାଲାୟାଲମରେ ମୁକ୍ତିଲାଭ କରିଥିଲା କିନ୍ତୁ ଦର୍ଶକଙ୍କ କୌତୁହଳ ଦେଖି ଫିଲ୍ମଟି ହିନ୍ଦୀରେ ରିଲିଜ ହୋଇଥିଲା। ଏହା ବହୁ ଆୟ କରିଥିଲା। ଫିଲ୍ମଟି ଆଇଏମ୍ଡିବି ଟପ ୧୦ ତାଲିକାରେ ଅଷ୍ଟମ ସ୍ଥାନରେ ଅଛି।
ପୋନିୟିନ ସେଲଭାନ ୧
ସାଉଥର ଐତିହାସିକ ଡ୍ରାମା ପୋନିୟିନ ସେଲଭାନ ଥିଲା ଏକ ମଲ୍ଟିଷ୍ଟାରର୍ ଫିଲ୍ମ। ଏଥିରେ ବଲିଉଡ ଅଭିନେତ୍ରୀ ଐଶ୍ୱର୍ଯ୍ୟା ରାୟ ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି। ମଣିରତ୍ନମଙ୍କ ନିର୍ଦ୍ଦେଶିତ ଏହି ଫିଲ୍ମଟି ଚଳିତ ବର୍ଷ ଆଇଏମଡିବି ରେଟିଂରେ ନବମ ସ୍ଥାନ ଅଧିକାର କରିଛି।
୭୭୭ ଚାର୍ଲି
କିରଣ ରାଜଙ୍କ ନିର୍ଦ୍ଦେଶିତ ଏବଂ ରାକ୍ଷୀ ଶେଟ୍ଟୀଙ୍କ ଅଭିନୀତ ‘୭୭୭ ଚାର୍ଲି’ ନିର୍ଦ୍ଦେଶିତ ଏକ ମଣିଷ ଏବଂ କୁକୁର ମଧ୍ୟରେ ଦୃଢ ବନ୍ଧନ ଉପରେ ପର୍ଯ୍ୟବେସିତ। ୨୦୨୨ ବର୍ଷର ଆଇଏମଡିବି ରେଟିଂ ତାଲିକାରେ ଏହା ଦଶ ନମ୍ବରରେ ଅଛି।
