ଦ୍ୱିଶତକ ପରେ କାହାକୁ ‘ଫ୍ଲାଇଙ୍ଗ୍ କିସ୍’ ଦେଇଥିଲେ ଜୟସ୍ବାଲ: ନିଜେ କଲେ ଖୁଲାସା
07 ବିଶାଖାପାଟନମ୍,୪।୨: ପାଞ୍ଚ ଇଂଲଣ୍ଡ ବିପକ୍ଷ ଟେଷ୍ଟ ମ୍ୟାଚରେ ଯଶସ୍ବ ଜୟସ୍ବାଲ ଭାରତ ପାଇଁ ଦ୍ୱିଶତକ ଅର୍ଜନ କରିଛନ୍ତି। ବିଶାଖାପାଟନମରେ ସେ ପ୍ରଥମ ଇନିଂସରେ ୨୦୯ ରନ ସଂଗ୍ରହ କରିଥିଲେ। ଜୟସ୍ବାଲ ଏହି ଦ୍ୱିଶତକ ପରେ ପଡ଼ିଆରେ ଏକ ଆକର୍ଷଣୀୟ ଢଙ୍ଗରେ ସେଲିବ୍ରେଶନ କରିଥିଲେ। ସେ ଦୁଇ ହାତକୁ ଚୁମ୍ବନ ଦେଇ ଖୁସି ବ୍ୟକ୍ତ କରିଥିଲେ। ମ୍ୟାଚ ପରେ ଜୟସ୍ବାଲ ତାଙ୍କ ଇନିଂସକୁ ନେଇ ପ୍ରତିକ୍ରିୟା ପ୍ରକାଶ କରିଥିଲେ। ପଡିଆରୁ ସେ କାହା ପାଇଁ ନିଜର ପ୍ରେମ ବ୍ୟକ୍ତ କରିଛନ୍ତି ସେ ତାହାର ଖୁଲାସା କରିଛନ୍ତି।
ଭାରତରେ କ୍ରିକେଟ ବୋର୍ଡ ଅଫ କଣ୍ଟ୍ରୋଲ ଏକ ଭିଡିଓ ଶେୟାର କରିଛି। ଆରମ୍ଭରେ ଜୟସ୍ବାଲ ଏକ ଫଟୋ ସୁଟ କରିଥିବାର ନଜର ଆସିଛନ୍ତି। ଏହି ସମୟରେ ସେ ପଡ଼ିଆରେ ଘଟିଥିବା କାର୍ଯ୍ୟକୁ ପୁନରାବୃତ୍ତି କରୁଥିବା ଦେଖାଯାଏ। ଦ୍ୱିଶତକ ଉପରେ ମଧ୍ୟ ସେ ପ୍ରତିକ୍ରିୟା ପ୍ରକାଶ କରିଥିଲେ। ଜୟସ୍ବାଲ କହିଛନ୍ତି, ମୁଁ ପ୍ରତ୍ୟେକ ବଲକୁ ଉପଭୋଗ କରିଥିଲି। କିପରି ବ୍ୟାଖ୍ୟା କରିବି, ମୋର ପାଖେ ଶବ୍ଦ ନାହିଁ। ମୁଁ ଏହି ଇନିଂସକୁ ଉପଭୋଗ କଲି ଏବଂ ବହୁତ ଖୁସି ଅଟେ। ମୁଁ ମୋର ପ୍ରଶଂସକମାନଙ୍କ ପାଇଁ ଚୁମ୍ବନ ଦେଇଥିଲି(ପଡ଼ିଆରେ ହାତକୁ ଚୁମ୍ବନ ଦେଇଥିଲେ)।
ସୂଚନାଯୋଗ୍ୟ ଯେ ବିଶାଖାପାଟନମ ଟେଷ୍ଟରେ ପ୍ରଥମେ ବ୍ୟାଟିଂ କରୁଥିବା ଟିମ ଇଣ୍ଡିଆ ୩୯୬ ରନ ସଂଗ୍ରହ କରିଥିଲା। ଭାରତର ପ୍ରଥମ ଇନିଂସରେ ଜୟଶ୍ୱାଲ ୨୯୦ ବଲ ସମ୍ମୁଖୀନ ହୋଇ ୨୦୯ ରନ ସଂଗ୍ରହ କରିଥିଲେ। ତାଙ୍କ ଇନିଂସରେ ୧୯ ଚୌକା ଓ ୭ ଛକା ସାମିଲ ଥିଲା। ଜୟସ୍ବାଲଙ୍କ ବ୍ୟତୀତ କୌଣସି ଖେଳାଳି ବିଶେଷ କିଛି କରିପାରି ନ ଥିଲେ।