ନୂଆଦିଲ୍ଲୀ,୧୧।୧୧: ସୋସିଆଲ ମିଡିଆରେ ବଡ଼ ଭିଡିଓର ଛୋଟ ଛୋଟ କ୍ଲିପ ପ୍ରସ୍ତୁତ କରି ସେୟାର କରିବାର ଧାରା ଦ୍ରୁତ ଗତିରେ ବୃଦ୍ଧି ପାଉଛି। ଏହାଦ୍ୱାରା କେବଳ ଭିଡିଓକୁ ଅଧିକରୁ ଅଧିକ ଲୋକଙ୍କ ନିକଟରେ ପହଞ୍ଚାଇବାରେ ସାହାଯ୍ୟ ମିଳେ ନାହିଁ, ବରଂ କ୍ରିଏଟରମାନଙ୍କ ପାଇଁ ରୋଜଗାର କରିବାର ସୁଯୋଗ ମଧ୍ୟ ସୃଷ୍ଟି ହୁଏ। X ଏହି କାମକୁ ସହଜ କରିବା ପାଇଁ ଏହାର ପ୍ଲାଟଫର୍ମରେ ଏକ ନୂତନ ଭିଡିଓ କ୍ଲିପିଂ ଟୁଲ ଆଣିଛି। ଏହାର ସାହାୟତାରେ ୟୁଜରମାନେ କୌଣସି ବଡ଼ ଭିଡିଓର ପସନ୍ଦର ଅଂଶକୁ କାଟି ସେଥିରେ ନିଜର ମତ ଲେଖିପାରିବେ ଏବଂ ସିଧାସଳଖ ନିଜ ଟାଇମଲାଇନରେ ସେୟାର କରିପାରିବେ। ସବୁଠାରୁ ବଡ଼ କଥା ହେଲା ଯେ ଏହି ଫିଚର୍ ମାଧ୍ୟମରେ କ୍ଲିପ ପ୍ରସ୍ତୁତ କରୁଥିବା ୟୁଜର ଏବଂ ମୂଳ (original) ଭିଡିଓର କ୍ରିଏଟର୍ଉଭୟେ ରୋଜଗାର କରିବାର ସୁଯୋଗ ପାଇବେ।
X ସୋମବାର ଦିନ ଏହି ନୂତନ ଫିଚରର ଘୋଷଣା କରିଛି। ଏହାର ସାହାୟତାରେ ୟୁଜରମାନଙ୍କୁ ଭିଡିଓ ଡାଉନଲୋଡ କରି ଅନ୍ୟ କୌଣସି ଏଡିଟିଂ ଆପ କୁ ଯିବାର ଆବଶ୍ୟକତା ପଡ଼ିବ ନାହିଁ। ସେମାନେ X ଭିତରେ ହିଁ ଭିଡିଓର ଛୋଟ ଅଂଶ ବାଛି କ୍ଲିପ ପ୍ରସ୍ତୁତ କରିପାରିବେ। ଏହାପରେ ସେଥିରେ ନିଜର ମତ ବା ବିଚାର ଯୋଡ଼ି ସିଧାସଳଖ ଟାଇମଲାଇନରେ ପୋଷ୍ଟ କରିପାରିବେ। ବର୍ତ୍ତମାନ ଏହି ଫିଚର୍ iOS ଏବଂ Android ୟୁଜରମାନଙ୍କ ପାଇଁ ଉପଲବ୍ଧ କରାଯାଉଛି। ୱେବ ଭର୍ସନରେ ଏହାର ସପୋର୍ଟ ପରେ ଆସିବ।
ଏହି ଫିଚରର ବ୍ୟବହାର ପାଇଁ X କିଛି ନିୟମ ମଧ୍ୟ ସ୍ଥିର କରିଛି। ୟୁଜରମାନେ କେବଳ ପୂର୍ୱରୁ ରେକର୍ଡ ହୋଇଥିବା ସେହିଭଳି ଭିଡିଓର କ୍ଲିପ ବନାଇ ପାରିବେ, ଯାହାର ଲମ୍ୱ ଅତିକମରେ ୨ ମିନିଟ ଥିବ। ପ୍ରସ୍ତୁତ କରାଯାଉଥିବା କ୍ଲିପ ୫ ରୁ ୬୦ ସେକେଣ୍ଡ ମଧ୍ୟରେ ହେବା ଆବଶ୍ୟକ। ଏହା ବ୍ୟତୀତ କ୍ଲିପ୍ର ଲମ୍ୱ ମୂଳ (original) ଭିଡିଓର ମୋଟ ସମୟର ୩୦ ପ୍ରତିଶତରୁ ଅଧିକ ହେବା ଉଚିତ୍ ନାହିଁ। ବର୍ତ୍ତମାନ ଲାଇଭ କ୍ଲିପ ପ୍ରସ୍ତୁତ କରିବାର ବିକଳ୍ପ ଦିଆଯାଇ ନାହିଁ, କିନ୍ତୁ କମ୍ପାନୀ ଶୀଘ୍ର ଏଥିରେ ମଧ୍ୟ ଏହି ସୁବିଧା ଯୋଡ଼ିବାର ପ୍ରସ୍ତୁତି କରୁଛି।
X ଏହି କଥା ପ୍ରତି ମଧ୍ୟ ଧ୍ୟାନ ଦେଇଛି ଯେ ଛୋଟ କ୍ଲିପ ପ୍ରସ୍ତୁତ କରିବା ଚକ୍କରରେ ମୂଳ ଭିଡିଓ ର୍ନିମାଣ କରିଥିବା କ୍ରିଏଟରଙ୍କ କ୍ରେଡିଟ ନ ଛଟକିଯାଏ। ଏଥିପାଇଁ ସେୟାର କରାଯାଇଥିବା ପ୍ରତିଟି କ୍ଲିପ ଉପରେ ’Clip from’ ର ଲେବଲ ନଜର ଆସିବ। ଯେତେବେଳେ ଜଣେ ୟୁଜର୍ ଏହି ଲେବଲ ଉପରେ ଟ୍ୟାପ କରିବେ, ସେତେବେଳେ ସେ ସିଧାସଳଖ ମୂଳ ଭିଡିଓର ସେହି ଅଂଶରେ ପହଞ୍ଚିଯିବେ, ଯେଉଁଠାରୁ କ୍ଲିପ୍ଟି ପ୍ରସ୍ତୁତ କରାଯାଇଥିଲା। ଏହାଦ୍ୱାରା ଲୋକଙ୍କୁ ମୂଳ ଭିଡିଓ ଏବଂ ଏହାର କ୍ରିଏଟର୍ ପାଖରେ ପହଞ୍ଚିବାରେ ସହଜ ହେବ।
ଏହି ଫିଚର୍ର ସବୁଠାରୁ ବଡ଼ ବିଶେଷତା ହେଲା ରୋଜଗାରର ସୁଯୋଗ। X ର Original Content Rewards ପ୍ରୋଗ୍ରାମ ଅଧୀନରେ କ୍ଲିପ ପ୍ରସ୍ତୁତ କରୁଥିବା ୟୁଜର୍ ଏବଂ ମୂଳ ଭିଡିଓର କ୍ରିଏଟର୍ଉଭୟେ ଟଙ୍କା ରୋଜଗାର କରିପାରିବେ। ତଥାପି, ଏଥିପାଇଁ କିଛି ସର୍ତ୍ତ ପୂର୍ଣ୍ଣ କରିବାକୁ ପଡ଼ିବ। ୟୁଜରଙ୍କ ପାଖରେ X Premium ର ସବ୍ସକ୍ରିପ୍ସନ ରହିବା ଆବଶ୍ୟକ। ଏହା ବ୍ୟତୀତ ଅତିକମରେ ୫୦୦ ଭେରିଫାଏଡ ଫଲୋଅର୍ସ ଏବଂ ଗତ ୯୦ ଦିନ ଭିତରେ ୫ ଲକ୍ଷ ଭେରିଫାଏଡ ଇମ୍ପ୍ରେସନ ରହିବା ଜରୁରୀ ଅଟେ।
ବର୍ତ୍ତମାନ ମୂଳ ଭିଡିଓ ର୍ନିମାଣ କରୁଥିବା କ୍ରିଏଟରମାନଙ୍କ ପାଖରେ ଏଭଳି କୌଣସି ବିକଳ୍ପ ନାହିଁ, ଯାହା ଦ୍ୱାରା ସେମାନେ ଅନ୍ୟମାନଙ୍କୁ ନିଜ ଭିଡିଓର କ୍ଲିପ ପ୍ରସ୍ତୁତ କରିବାରୁ ରୋକି ପାରିବେ। ତଥାପି, X ଏହିପରି ଏକ ଅପ-ଆଉଟ (opt-out) ଫିଚର୍ ଆଣିବା କାମରେ ଲାଗିଛି। ଅର୍ଥାତ୍ ଆଗାମୀ ସମୟରେ କ୍ରିଏଟରମାନେ ସ୍ଥିର କରିପାରିବେ ଯେ ଅନ୍ୟ ୟୁଜରମାନେ ସେମାନଙ୍କ ଭିଡିଓରୁ କ୍ଲିପ ପ୍ରସ୍ତୁତ କରିପାରିବେ କି ନାହିଁ। ଯଦି କୌଣସି କ୍ରିଏଟର୍ ନିଜର ମୂଳ ଭିଡିଓ ଡିଲିଟ କରିଦିଅନ୍ତି, ତେବେ ତାହା ଦ୍ୱାରା ପ୍ରସ୍ତୁତ ସମସ୍ତ କ୍ଲିପ ମଧ୍ୟ ଆପେ ଆପେ ହଟିଯିବ।
X ର ଏହି ନୂତନ ଟୁଲ ପ୍ଲାଟଫର୍ମରେ ଅଧିକ କ୍ରିଏଟର୍ ଏବଂ ଦର୍ଶକଙ୍କୁ ଯୋଡ଼ିବାର ଏକ ବଡ଼ ଯୋଜନାର ଅଂଶ ଅଟେ। କମ୍ପାନୀ ୨୦୨୨ ମସିହାରେ ବଡ଼ ଭିଡିଓର ଫିଚର୍ ନେଇ ଆସିଥିଲା, ଯାହା ପ୍ଲାଟଫର୍ମରେ ବେଶ ଲୋକପ୍ରିୟ ହୋଇଥିଲା। ଏହା ପରେ ପ୍ରିମିୟମ ୟୁଜରମାନଙ୍କ ପାଇଁ ପୋଷ୍ଟର ପାରମ୍ପରିକ କ୍ୟାରେକ୍ଟର ଲିମିଟ ହଟାଇ ଦିଆଯାଇଥିଲା, ଯାହାଦ୍ୱାରା ସେମାନେ ବଡ଼ ବଡ଼ ବ୍ଲଗ ପୋଷ୍ଟ ମଧ୍ୟ ଲେଖିପାରିବେ।
X ମାର୍ଚ୍ଚ ମାସରେ ଏକ୍ସକ୍ଲୁସିଭ ଥ୍ରେଡ୍ସର ଫିଚର୍ ଆରମ୍ଭ କରିଥିଲା। ଏହାର ସାହାୟତାରେ କ୍ରିଏଟରମାନେ ସେମାନଙ୍କର କିଛି କଣ୍ଟେଣ୍ଟକୁ ପେୱାଲ ପଛରେ ରଖିପାରିବେ। ଏହା ପରେ ଜୁଲାଇ ମାସରେ କମ୍ପାନୀ ଲାଇଭ୍ଷ୍ଟ୍ରିମିଂ ଷ୍ଟୁଡିଓ ଲଞ୍ଚ କଲା ଏବଂ ଲାଇଭ ଆସୁଥିବା କ୍ରିଏଟରମାନଙ୍କୁ ପୁରସ୍କୃତ କରିବା ପାଇଁ ଏକ ବଡ଼ କ୍ୟାସ ଫଣ୍ଡ ମଧ୍ୟ ରଖିଲା। ବର୍ତ୍ତମାନ ଭିଡିଓ କ୍ଲିପିଂ ଟୁଲ ଜରିଆରେ କମ୍ପାନୀ ସର୍ଟ ଭିଡିଓ କଣ୍ଟେଣ୍ଟ କ୍ଷେତ୍ରରେ ନିଜର ପାଦ ଦୃଢ଼ କରିବାକୁ ଚାହୁଁଛି।
ଭିଡିଓ କଣ୍ଟେଣ୍ଟ ମାମଲାରେ X ଏଭଳି ଏକମାତ୍ର ପ୍ଲାଟଫର୍ମ ନୁହେଁ, ଯିଏ ନୂଆ ପ୍ରୟୋଗ କରୁଛି। Instagram ମଧ୍ୟ ନିଜ ଆପ୍ରେ ବଡ଼ ଭିଡିଓ ଆଣିବାର ପ୍ରସ୍ତୁତି କରୁଛି। କମ୍ପାନୀ ବର୍ତ୍ତମାନ ’Features’ ନାମକ ଏକ ନୂତନ ଫର୍ମାଟ୍ର ଟେଷ୍ଟିଂ କରୁଛି। ଏହା ଅଧୀନରେ ୟୁଜରମାନେ ୯୦ ମିନିଟ ପର୍ଯ୍ୟନ୍ତ ହରିଜୋଣ୍ଟାଲ ଭିଡିଓ ଅପ୍ଲୋଡ କରିପାରିବେ। ଏହିପରି ଭାବରେ ସୋସିଆଲ ମିଡିଆ ପ୍ଲାଟଫର୍ମଗୁଡ଼ିକ ମଧ୍ୟରେ କ୍ରିଏଟର୍ ଏବଂ ଭିଡିଓ ଦର୍ଶକଙ୍କୁ ନିଜ ଆଡ଼କୁ ଆକର୍ଷିତ କରିବାର ପ୍ରତିଯୋଗିତା ବୃଦ୍ଧି ପାଉଛି।