ନୂଆଦିଲ୍ଲୀ,୨୮।୧୧: ଆଇପିଏଲ୍ ୨୦୨୫ ଲାଗି ମେଗା ଅକ୍ସନର ଆୟୋଜନ କରାଯାଇଥିଲା। ଏହି ଅକ୍ସନରେ ଖେଳାଳିଙ୍କ ଉପରେ ରେକର୍ଡ ଟଙ୍କା ବର୍ଷା କରାଯାଇଥିଲା। ଏବେ କ୍ରିକେଟ ପ୍ରଶଂସକ ଆଉ ଏକ ଅକ୍ସନ ଦେଖିବାକୁ ପାଇବେ। ଏଥୀ ମହିଳା ପ୍ରିମିୟର ଲିଗ୍ ୨୦୨୫ ଲାଗି ଖେଳାଳି ନିଲାମ ହେବେ। ଆଇପିଏଲ୍ ପରେ ଡବ୍ଲ୍ୟୁପିଏଲ୍ ଅକ୍ସନ ତାରିଖକୁ ନେଇ ବଡ଼ ଅପ୍ଡେଟ୍ ସାମ୍ନାକୁ ଆସିଛି।
ଡବ୍ଲ୍ୟୁପିଏଲ୍ରେ ୫ ଟିମ୍ ଖେଳିଥାଏ। ପ୍ରତିଟିମ୍ରେ ୬ ବିଦେଶୀ ଖେଳାଳୀଙ୍କ ସମେତ ୧୮ ଖେଳାଳି ହୋଇପାରେ। ସେହିଭଳି ପ୍ରତିଟିମ୍ର ପର୍ସରେ ୧୫ କୋଟି ଟଙ୍କା ରହିଛି। ଏହି ମାସ ଆରମ୍ଭରେ ଟିମ୍ ପକ୍ଷରୁ ରିଟେନ୍ ଲିଷ୍ଟ ଘୋଷଣା କରାଯାଇଥିଲା।
ଡବ୍ଲ୍ୟୁପିଏଲ୍ ଲାଗି ଡିସେମ୍ବର ୧୫ରେ ବେଙ୍ଗାଲୁରୁ ମିନି ଅକ୍ସନର ଆୟୋଜନ କରାଯିବ। ଏଥର ଗୁଜରାଟ ଟିମ୍ ସର୍ବାଧିକ ୪.୪୦ କୋଟି ଟଙ୍କା ପର୍ସ ସହ ଓହ୍ଲାଇବ। ସେହିଭଳି ୟୁପି ଓ୍ବାରିୟର୍ସ ଟିମ୍ର ପର୍ସରେ ୩.୯୦ କୋଟି ଟଙ୍କା ରହିଛି। ସେ ଅକ୍ସନରେ ଅଧିକରୁ ଅଧିକ ୩ ଖେଳାଳିଙ୍କୁ କିଣିପାରିବ। ଏହା ମୋଟ ୧୫ ଖେଳାଳିଙ୍କୁ ରିଟେନ କରିଛି।
