ନୂଆଦିଲ୍ଲୀ,୧୮।୧୧: ରବିବାର ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ବିଶ୍ୱକପର ଅନ୍ତିମ ମ୍ୟାଚ ଖେଳାଯିବ। ଏହି ମ୍ୟାଚରେ ଭାରତ ଏବଂ ଅଷ୍ଟ୍ରେଲିଆ ମୁହାଁମୁହିଁ ହେବେ। ଏହି ହାଇ ପ୍ରୋଫାଇଲ ମ୍ୟାଚର ସିଧା ପ୍ରସାରଣ କେବଳ ଭାରତ ନୁହେଁ ସାରା ବିଶ୍ୱ ଦେଖିବ। ତେବେ ସମସ୍ତେ ଷ୍ଟାଡିୟମକୁ ଯାଇ ମ୍ୟାଚ ଦେଖିବାକୁ ଚାହଁୁଥିବାବେଳେ ଫ୍ଲାଇଟ ଟିକେଟ୍ ଓ ହୋଟେଲ ଭଡା ଯୋଗୁ ସେମାନେ ହଟଷ୍ଟାରରେ ମ୍ୟାଚ ଦେଖିବେ। ବର୍ତ୍ତମାନ ଦେଶର ବିଭିନ୍ନ ସହରରୁ ଅହମ୍ମଦାବାଦ ପର୍ଯ୍ୟନ୍ତ ବିମାନ ଭଡା ବହୁତ ମହଙ୍ଗା ହୋଇଯାଇଛି। ଯଦି ଆପଣ ଷ୍ଟାଡିୟମକୁ ଯାଇ ମ୍ୟାଚ ଦେଖିବାକୁ ଚାହୁଁଛନ୍ତି ଏଇଟା ଆଣଙ୍କ ପାଇଁ ଖୁସି ଖବର। ବିମାନ ଭଡା ମହଙ୍ଗା ହୋଇଯାଇଥିବାରୁ ଏହାକୁ ଦୃଷ୍ଟିରେ ରଖି ଭାରତୀୟ ରେଳବାଇ ସ୍ବତନ୍ତ୍ର ଟ୍ରେନ ଚଳାଇବା ନେଇ ନିଷ୍ପତ୍ତି ନେଇଛି। ଏହି ଟ୍ରେନଗୁଡିକ ଦିଲ୍ଲୀ ଏବଂ ମୁମ୍ବାଇରୁ ଚଳାଚଳ କରିବ। ବିଶେଷ କଥା ହେଉଛି ଏହି ଟ୍ରେନ ଭଡା ଆଦୌ ମହଙ୍ଗା ହେବ ନାହିଁ। ଟ୍ରେନ ଟିକେଟରେ ଆପଣ ୮୫ରୁ ୯୦ପ୍ରତିଶତ ସଞ୍ଚୟ କରିବେ।
ଶନିବାର ସାରେ ଏକ ସ୍ବତନ୍ତ୍ର ଟ୍ରେନ ଦିଲ୍ଲୀରୁ ଅହମ୍ମଦାବାଦ ଅଭିମୁଖେ ଯାତ୍ରା କରିବ। ପରଦିନ ଅର୍ଥାତ ରବିବାର ସକାଳେ ଏହି ଟ୍ରେନ ପହଞ୍ଚିବ। ମ୍ୟାଚ ପରେ ଭୋର ୨ଟା ୩୦ରୁ ଟ୍ରେନ ଅହମ୍ମଦାବାଦରୁ ଦିଲ୍ଲୀ ଅଭିମୁଖେ ଯାତ୍ରା କରିବ। ଜାଣି ଖୁସି ହେବେ ଏହି ଟ୍ରେନର ଟିକେଟ ବିମାନ ଟିକେଟ ଠାରୁ ବହୁତ କମ ଅଟେ। ସ୍ଲିପର ସିଟର ଦାମ ୬୨୦ ଟଙ୍କା ହୋଇଥିବାବେଳେ ଫାଷ୍ଟ କ୍ଲାସ ଏସି ଟିକେଟର ଦାମ ୩୪୯୦ ଟଙ୍କା ରହିଛି। 3AC ଇକୋନମିି ଏବଂ 3AC ସିଟ ମୂଲ୍ୟ ଯଥାକ୍ରମେ ୧୫୨୫ ଏବଂ ୧୬୬୫ ଟଙ୍କା ରହିଛି।
ଯଦି ଦିଲ୍ଲୀରୁ ଅହମ୍ମଦାବାଦ ପର୍ଯ୍ୟନ୍ତ ବିମାନ ଭଡା ବିଷୟରେ କହିବା, ତେବେ ଶନିବାର ସାରେ ବିମାନର ଭଡା ୨୬ ହଜାରରୁ ଅଧିକ ରହିବାକୁ ଥିବାବେଳେ ରବିବାର ସକାଳେ ଭଡା ୨୮ହଜାରରୁ ଅଧିକ ଅଟେ। ଯଦି ଆପଣ ଏହାକୁ ଫାଷ୍ଟ କ୍ଲାସ ଏସି ଟିକେଟ ଭଡା ସହିତ ତୁଳନା କରନ୍ତି, ତେବେ ଆପଣ ୮୫ ପ୍ରତିଶତରୁ ଅଧିକ ସଞ୍ଚୟ କରିବେ। ରେଲୱେ ଦ୍ୱାରା ମୁମ୍ବାଇରୁ ଅହମ୍ମଦାବାଦ ପର୍ଯ୍ୟନ୍ତ ତିନୋଟି ସ୍ବତନ୍ତ୍ର ଟ୍ରେନ ଚଳାଚଳ କରିବ।
