ନୂଆଦିଲ୍ଲୀ,୧୮।୧୧: ବିଶ୍ୱକପ ଫାଇନାଲ ମ୍ୟାଚ ନଭେମ୍ବର ୧୯କୁ ଅହମ୍ମଦବାଦର ନରେନ୍ଦ୍ର ମୋଦି ଷ୍ଟାଡିୟମରେ ଅନୁଷ୍ଠିତ ହେବାକୁ ଯାଉଛି। ଫାଇନାଲରେ କଙ୍ଗାରୁ ଟିମ୍ ଓ ଇଣ୍ଡିଆ ଟିମ୍ ମୁହାଁମୁହିଁ ହେବାକୁ ଯାଉଛନ୍ତି। ଭାରତ ଜିତିବା ନେଇ ସାରା ଭାରତୀୟ ଆଶାବାନ୍ଧି ବସିଥିବାବେଳେ ରବିବାର ମ୍ୟାଚ ପାଇଁ ଉତ୍ସୁକତାର ସହ ଅପେକ୍ଷା କରିଛନ୍ତି। କିଏ ଜିତିବ ଆଉ କିଏ ହାରିବ ଏନେଇ ସୋସିଆଲ ମିଡିଆରେ ପୋଷ୍ଟ ଭାଇରାଲ ହେଉଥିବାବେଳେ ନିକଟରେ ଗୋଟିଏ ଖାସ୍ ପୋଷ୍ଟ ଖୁବ୍ ଭାଇରାଲ ହେଉଛି।
Anyone interested in going to the World Cup final in a helicopter, I’m looking for 2 people to join us. Leave Sat from Blr airport, fly to Ahmedabad, have breakfast watch the match then fly home.
DM if interested, pref someone with a helicopter and tickets, otherwise we can’t go
— Ayush Pranav (@ayushpranav3) November 17, 2023
ସୋସିଆଲ ମିଡିଆ ଏକ୍ସରେ ଜଣେ ୨ayushpranav3 ନାମକ ୟୁଜର୍ସ ସୋସିଆଲ ମିଡିଆରେ ଏକ ପୋଷ୍ଟ କରିଛନ୍ତି। ସେ କହିଛନ୍ତି, ଫାଇନାଲ ମ୍ୟାଚ ଦେଖିବାକୁ ଇଛୁକ ଥିବା ବ୍ୟକ୍ତି ମୋ ସହ ହେଲିକପ୍ଟରରେ ଅହମ୍ମଦବାଦ ଯାଇପାରିବେ। ମୁଁ ଆଉ ୨ଜଣଙ୍କୁ ସାଙ୍ଗ କରିବାକୁ ଚାହୁଁଛି। ଶନିବାର ବିଏଲଆର ଏୟାରପୋର୍ଟରୁ ଅହମ୍ମଦବାଦ ପାଇଁ ଯାତ୍ରା କରିବା। ସେଠାରେ ପହଞ୍ଚି ବ୍ରେକଫାଷ୍ଟ କରିବା ସହ ମ୍ୟାଚ ଦେଖିସାରି ଘରକୁ ଫେରିବା।
ତେବେ ପୋଷ୍ଟ ଶେଷରେ ସେ କହିଛନ୍ତି, ମ୍ୟାଚ ଦେଖିବା ପାଇଁ ଇଛୁକ ତ ମୋତେ ଡିଏମ କରନ୍ତୁ। କିନ୍ତୁ ଆପଣଙ୍କ ପାଖରେ ହେଲିକପ୍ଟର ଓ ମ୍ୟାଚ ପାଇଁ ଟିକେଟ୍ ଥିବା ଦରକାର। ନହେଲେ ଆମେ ଯିବା କେମିତି?
ଏହି ପୋଷ୍ଟଟି ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି। ୩ଲକ୍ଷରୁ ଅଧିକ ଲୋକ ଏହାକୁ ଲାଇକ୍ କରିବା ସହ ମଜାଦାରା କମେଣ୍ଟ ଦେଉଛନ୍ତି।
