ଚାଷ ପ୍ରତି ବଢ଼ୁଛି ମହିଳାଙ୍କ ଆଗ୍ରହ

ସମ୍ବଲପୁର,୨୧ା୧୦(ବ୍ୟୁରୋ): ମହିଳା ସଶକ୍ତୀକରଣ ଉପରେ ଗୁରୁତ୍ୱ ଦେଇ ରାଜ୍ୟ ସରକାର ବିଭିନ୍ନ ଯୋଜନା କରିଛନ୍ତି। ସେମାନଙ୍କୁ ତାଲିମ ଦେଇ ଆତ୍ମନିର୍ଭର କରାଯାଉଛି। ଏପରିସ୍ଥଳେ ସମ୍ବଲପୁର ଜିଲାରେ ଚାଷ ପ୍ରତି ମହିଳାଙ୍କ ଆଗ୍ରହ ବୃଦ୍ଧି ପାଉଥିବା ଦେଖାଯାଉଛି। ଏହା ଦ୍ୱାରା ସେମାନେ ରୋଜଗାରକ୍ଷମ ମଧ୍ୟ ହୋଇପାରିଛନ୍ତି। ମିଶନ ଶକ୍ତି ଯୋଜନା, ଓଡ଼ିଶା ଜୀବିକା ମିଶନ ସହିତ ଉଦ୍ୟାନ ବିଭାଗ, କୃଷି ବିଭାଗ, ମତ୍ସ୍ୟ ବିଭାଗ, ଆଇଟିଡିଏ ଭଳି ୧୫ରୁ ଅଧିକ ବିଭାଗ ପକ୍ଷରୁ ସେମାନଙ୍କୁ ପ୍ରୋତ୍ସାହନ ଦିଆଯାଉଛି। ମିଳିଥିବା ସୂଚନା ଅନୁଯାୟୀ ଜିଲାରେ ୫୭ ଉତ୍ପାଦକ ଗୋଷ୍ଠୀ ଓ ୪ ପ୍ରଡ୍ୟୁସର କମ୍ପାନୀରେ ୭ହଜାରରୁ ଅଧିକ ମହିଳା ସାମିଲ ହୋଇଛନ୍ତି।
ସମ୍ବଲପୁର ଜିଲାର ବିଭିନ୍ନ ବ୍ଲକରେ ମହିଳାମାନେ ସରକାରୀ ଯୋଜନାର ଲାଭ ଉଠାଇ ଆର୍ଥିକ, ସାମାଜିକ କ୍ଷେତ୍ରରେ ସ୍ବତନ୍ତ୍ର ପରିଚୟ ସୃଷ୍ଟି କରିପାରିଛନ୍ତି। ଏପରି କି ରାଜ୍ୟ ଓ ଜାତୀୟ ସ୍ତରରେ ସେମାନେ ଚାଷ ପାଇଁ ପୁରସ୍କୃତ ହୋଇଛନ୍ତି। ଜୟବାୟୁ ପରିବର୍ତ୍ତନ ଯୋଗୁ ଅଦିନିଆ ବର୍ଷା, ରୋଗପୋକ, ମରୁଡ଼ି ଆଦି ଅନେକ ସମସ୍ୟା ଦେଇ ଚାଷୀ ଗତି କରୁଛି। ଅମଳ ହେବା ପୂର୍ବରୁ ଫସଲ ନଷ୍ଟ ହୋଇଯାଉଛି। ଏହା ସତ୍ତ୍ୱେ ମହିଳାମାନେ ଚାଷକୁ ରୋଜଗାରର ପନ୍ଥା ଭାବେ ଆପଣେଇ ନେଇଛନ୍ତି। ମାଛଚାଷ, ଗୋପାଳନ, ଛତୁଚାଷଠାରୁ ଆରମ୍ଭ କରି ପନିପରିବା, ଫୁଲଚାଷ ଓ ଆମ୍ବ ତଥା ଅନ୍ୟାନ୍ୟ ଫଳଚାଷରେ ସେମାନେ ନିଜକୁ ନିୟୋଜିତ କରିଛନ୍ତି। ବିଭିନ୍ନ ବିଭାଗ ପକ୍ଷରୁ ଏସ୍‌ଏଚ୍‌ଜି ମହିଳାଙ୍କୁ ତାଲିମଦେଇ ରୋଜଗାର ପ୍ରଦାନ କରାଯାଉଛି। ଜିଲାର ବିଭିନ୍ନ ବ୍ଲକରେ ୩ବର୍ଷରେ ୫୭ଟି ଉତ୍ପାଦକ ଗୋଷ୍ଠୀଙ୍କୁ ସାମିଲ କରାଯାଇଥିବା ବେଳେ ପ୍ରାୟ ଏକବର୍ଷ ହେବ ଯୁଯୁମୁରା, କୁଚିଣ୍ଡା, ଜମନକିରା, ନାକଟିଦେଉଳ ବ୍ଲକରେ ୪ଗୋଟି ପ୍ରଡ୍ୟୁସର କମ୍ପାନୀ କାର୍ଯ୍ୟକ୍ଷମ ଅଛନ୍ତି। ଏଥିରେ ସାମିଲ ଥିବା ମହିଳା ଚାଷୀଙ୍କୁ ମାଗଣା ବିହନ, ସାର, କୀଟନାଶକ ପ୍ରଦାନ କରାଯାଉଛି। ଅନେକ ସ୍ଥାନରେ ସେମାନଙ୍କୁ ଅଧିକ ରିହାତି ଦେଇ ଏହି ସାମଗ୍ରୀ ଯୋଗାଇ ଦିଆଯାଉଛି। କୃଷି ବିଜ୍ଞାନ କେନ୍ଦ୍ର ବିଶେଷଜ୍ଞମାନେ ମଧ୍ୟ ଏଥିରେ ସହାୟତା କରୁଛନ୍ତି। ସେମାନଙ୍କୁ ଚାଷ କରିବାଠାରୁ ଆରମ୍ଭ କରି ଉତ୍ପାଦନ ପର୍ଯ୍ୟନ୍ତ ବିଭିନ୍ନ ସମୟରେ ପରାମର୍ଶ ଓ ସଚେତନ କରାଯାଉଛି। ବ୍ୟାଙ୍କ, ସମବାୟ ସମିତି, ଲାମ୍ପ୍ସରୁ ବିନା ସୁଧରେ ଋଣ ପ୍ରଦାନ କରାଯାଉଛି। ଏଥିରେ ପଞ୍ଚାୟତସ୍ତରରୁ ଜିଲାସ୍ତରୀୟ ଅଧିକାରୀଙ୍କୁ ନିୟୋଜିତ କରାଯାଉଛି।
ଯୁଯୁମୁରା ବ୍ଲକ ସବୁଜ ସନାତନପାଲି ଫାର୍ମର ପ୍ରଡ୍ୟୁସର କମ୍ପାନୀ ସିଇଓ ପ୍ରାଚୀ ପଟେଲ କହିଛନ୍ତି, ଆମ କମ୍ପାନୀରେ ସମୁଦାୟ ୭୪୦ଜଣ ଚାଷୀ ପଞ୍ଜୀକୃତ ହୋଇଛନ୍ତି। ସେମାନଙ୍କ ମଧ୍ୟରୁ ୪ଶହରୁ ଊର୍ଦ୍ଧ୍ୱ ମହିଳା ଚାଷୀ ଅଛନ୍ତି। ୨୫ଟି ଏସ୍‌ଏଚ୍‌ଜି ଗ୍ରୁପ୍‌ ମଧ୍ୟ ସାମିଲ ହୋଇଛନ୍ତି। ମହିଳାମାନଙ୍କୁ ସମସ୍ତ ବିହନ, କୀଟନାଶକ ମାଗଣା ଓ ରିହାତି ଦରରେ ଦିଆଯାଉଛି। ସନାତନପାଲି ଗ୍ରାମରେ ଏକ କୋଲ୍ଡ ଷ୍ଟୋରେଜ ରହିଛି। ଫଳରେ ଉତ୍ପାଦିତ ଫସଲ ସୁରକ୍ଷିତ ରଖାଯାଇ ବିକ୍ରି କରାଯାଉଛି। ମହିଳା ଚାଷୀମାନେ ବେଶ୍‌ ଉତ୍ସାହିତ ହୋଇ ପରିବା, ଛତୁ, ମାଛଚାଷ କରୁଛନ୍ତି। ପ୍ରତିଦିନ ପରିବା ଓ ଛତୁ ବିକ୍ରି କରି ମହିଳାମାନଙ୍କ ପାଖକୁ ଟଙ୍କା ଆସୁଥିବା ସେ କହିଥିଲେ। ଏହିପରି ଭାବେ ଗ୍ରୁପ୍‌ରେ ସାମିଲ ଥିବା ଜଣେ ଜଣେ ମହିଳା ବାର୍ଷିକ ୨ରୁ ୫ଲକ୍ଷ ଟଙ୍କା ଗୋଜଗାର କରୁଛନ୍ତି। ଏହି ଗ୍ରୁପ୍‌ର ମହିଳାଙ୍କ ଦାବି ଅନୁଯାୟୀ ପ୍ରତି ପଞ୍ଚାୟତରେ ଶୀତଳଭଣ୍ଡାର ସହ ପ୍ରୋସେସିଂ ୟୁନିଟ୍‌ ନିର୍ମାଣ କରାଯାଉ। ଫଳରେ ଚାଷୀମାନେ ଉତ୍ପାଦିତ ଫସଲକୁ ପ୍ରୋସେସିଂ ଓ ପ୍ୟାକିଂ କରି ବଜାରରେ ସୁବିଧାରେ ବିକ୍ରି କରିପାରିବେ। ପ୍ୟାକିଂ କରାଗଲେ ମିଳୁଥିବା ମୂଲ୍ୟଠାରୁ ଅଧିକ ମୂଲ୍ୟ ମିଳିବ। ଅଧିକ ମହିଳାଙ୍କୁ ଏହି ଗୋଷ୍ଠୀ ମାଧ୍ୟମରେ ସାମିଲ କରାଯାଇ ପାରିଲେ ସାମାଜିକ କ୍ଷେତ୍ରରେ ସେମାନଙ୍କ ଭୂମିକା ସୁଦୃଢ଼ ହୋଇପାରିବ। ଏ ସମ୍ପର୍କରେ ଓର୍‌ମାସ୍‌ ଜିଲା ସଂଯୋଜକ ଶ୍ରୀବନ୍ତ ହୋତା କହିଛନ୍ତି, ସରକାରୀ ସ୍ତରରେ ଉତ୍ପାଦକ ଗୋଷ୍ଠୀ ଓ ପ୍ରଡ୍ୟୁସର କମ୍ପାନୀକୁ ସମସ୍ତ ସୁବିଧା ଯୋଗାଇ ଦିଆଯାଉଛି। ବଜାର ବ୍ୟବସ୍ଥା, କୋଲ୍ଡ ଷ୍ଟୋରେଜ ଓ ପ୍ରୋସେସିଂ ୟୁନିଟ୍‌ ପର୍ଯ୍ୟାୟକ୍ରମେ ସମସ୍ତ ବ୍ଲକରେ ସ୍ଥାପନ କରାଯିବ। ଅଧିକ ମହିଳାମାନଙ୍କୁ ଏଥିରେ ସାମିଲ କରାଯିବ ବୋଲି କହିଥିଲେ।


Enter your email to get our daily news in your inbox.

All Right Reserved By Dharitri.Com

ଦିଲ୍ଲୀରେ ଚାଞ୍ଚଲ୍ୟ: ଟ୍ରାଏଲ୍‌ ରୁମ୍‌ରେ ମହିଳା କର୍ମଚାରୀଙ୍କୁ ଗଳାକାଟି ହତ୍ୟା

ନୂଆଦିଲ୍ଲୀ,୧୫ା୧୧: ଦିଲ୍ଲୀର ଏକ ପୋଷାକ ଶୋ’ରୁମ୍‌ରେ କାମ କରୁଥିବା ଜଣେ ୧୮ ବର୍ଷୀୟା କର୍ମଚାରୀଙ୍କୁ ଟ୍ରାଏଲ୍‌ ରୁମ୍‌ରେ ଗଳାକାଟି ହତ୍ୟା କରାଯାଇଛି। ବ୍ୟକ୍ତିଗତ ସମ୍ପର୍କରେ ଫାଟ ଏବଂ…

ଏହି ୪ଟି ରାଶି ପାଇଁ ଆଗକୁ ରହିଛି କଠିନ ସମୟ, ସତର୍କ ନ ରହିଲେ ବଡ଼ ବିପଦ…

୧୬ ନଭେମ୍ବର ୨୦୨୬ରେ ସୂର୍ଯ୍ୟଦେବ ବିଛା ରାଶିକୁ ପ୍ରବେଶ କରିବେ। ଜ୍ୟୋତିଷ ଶାସ୍ତ୍ର ଅନୁସାରେ, ଏହି ଗୋଚରର ପ୍ରଭାବ କିଛି ରାଶିର ଜାତକଙ୍କ ଜୀବନରେ ପଡ଼ିପାରେ। ବିଶେଷକରି…

ଅତି ଖରାପ ସ୍ଥିତିରେ ଦିଲ୍ଲୀ ବାୟୁ ଗୁଣବତ୍ତା, ଘେରି ରହୁଛି ଧୂଳି, ଧୂଆଁର ଘନ ଆସ୍ତରଣ

ନୂଆଦିଲ୍ଲୀ,୧୫ା୧୧: ଦିଲ୍ଲୀର ବାୟୁ ଗୁଣବତ୍ତା ସୂଚକାଙ୍କ (ଏକ୍ୟୁଆଇ) ରବିବାର ସକାଳେ ଅଧିକାଂଶ ପର୍ଯ୍ୟବେକ୍ଷଣ କେନ୍ଦ୍ରରେ ଅତି ଖରାପ ଦର୍ଶାଇଥିବା ବେଳେ ୭ଟିରେ ଗମ୍ଭୀର ସ୍ଥିତି ଦର୍ଶାଇଛି। ମୋଟାମୋଟି…

ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ: ଏକାଠି ହେଲେ କନ୍ଧମାଳ,ଗଜପତିର ଆଦିବାସୀ ସମାଜ

ବ୍ରାହ୍ମଣୀଗାଁ,୧୫।୧୧(ମନୋରଞ୍ଜନ ରଣା): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅନ୍ତର୍ଗତ ବ୍ରାହ୍ମଣୀଗାଁ ଶିବ ମନ୍ଦିର ପଡ଼ିଆରେ ରବିବାର ଭଗବାନ ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ ପାଳିତ ହୋଇଯାଇଛି।…

ଗୁଣପୁରରେ ମହିଳାଙ୍କୁ ଧାରୁଆ ଅସ୍ତ୍ରରେ ମରଣାନ୍ତକ ଆକ୍ରମଣ

ଗୁଣପୁର,୧୫।୧୧(ସୁଜାତା ପାଢ଼ୀ): ରାୟଗଡ଼ା ଜିଲା ଗୁଣପୁର ଥାନା ଅନ୍ତର୍ଗତ ହାଉସିଂ ବୋର୍ଡ କଲୋନୀରେ ଜଣେ ମହିଳାଙ୍କୁ ମରଣାନ୍ତକ ଆକ୍ରମଣ ହୋଇଥିବା ଘଟଣା ସାମ୍ନାକୁ ଆସିଛି। ମିଳିଥିବା ସୂଚନା…

କେରଳ ହାଇକୋର୍ଟଙ୍କ ବଡ଼ ପ୍ରସ୍ତାବ, କିଶୋର ବୟସର ସୀମା ୧୮ରୁ ୧୬ ବର୍ଷକୁ ହ୍ରାସ….

କୋଚି,୧୫ା୧୧: ନାବାଳକ ବୟସ ସୀମାକୁ ନେଇ ବଡ଼ କଥା କହିଛନ୍ତି କେରଳ ହାଇକୋର୍ଟ । ଅପରାଧର ବଦଳୁଥିବା ସ୍ବରୂପ ଏବଂ ପିଲାମାନଙ୍କଠାରେ ଦେଖାଯାଉଥିବା ପରିପକ୍ୱତାକୁ ଦୃଷ୍ଟିରେ ରଖି…

ଠେଙ୍ଗାରେ ଆକ୍ରମଣ କରି ହତ୍ୟା ଉଦ୍ୟମ, ଜେଲ ଗଲେ ଅଭିଯୁକ୍ତ

ଦିଗପହଣ୍ଡି,୧୫।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ସାନଖେମୁଣ୍ଡି ବ୍ଲକ ଶ୍ରୀଚନ୍ଦନପୁର ଗ୍ରାମର ବିରୁପାକ୍ଷ ମହାପାତ୍ରଙ୍କୁ ଗ୍ରାମର ହିନ ଗଉଡ଼(୫୦) ଶନିବାର ଅପରାହ୍ନରେ ଏକ ଠେଙ୍ଗାରେ ଆକ୍ରମଣ କରି…

ମାଡ଼ି ଆସୁଛି ବାତ୍ୟା: ମୁକାବିଲା ପାଇଁ ଗଞ୍ଜାମ ପ୍ରଶାସନର ଆଗୁଆ ପ୍ରସ୍ତୁତି

ପୁରୁଷୋତ୍ତମପୁର,୧୫।୧୧(ସବିତା ମିଶ୍ର): ପୁଣି ଏକ ସାମ୍ଭାବ୍ୟ ବାତ୍ୟାର ମୁକାବିଲା ପାଇଁ ପୁରୁଷୋତ୍ତମପୁର ପ୍ରଶାସନ ପକ୍ଷରୁ ଆଗୁଆ ପ୍ରସ୍ତୁତି ସହ ବ୍ୟାପକ ସତର୍କତାମୂଳକ ପଦକ୍ଷେପ ଗ୍ରହଣ କରାଯାଇଛି। ଏନେଇ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?