ନୂଆଦିଲ୍ଲୀ,୧୮।୧: ସୁନ୍ଦର ଦେଖାଯିବା ମହିଳା ମାନେ ବିଭିନ୍ନ ପ୍ରକାର ପ୍ରସାଧନ ସାମଗ୍ରୀ ବ୍ୟବହାର କରିବା ସହ ବିଭିନ୍ନ ପ୍ରକାର ଫେସିଆଲ ଟ୍ରିଟମେଣ୍ଟ କରୁଛନ୍ତି। ଲୋକଙ୍କ ମନରେ ସୁନ୍ଦରତାକୁ ନେଇ ଏବେ ଏପରି ଏକ ଛବି ସୃଷ୍ଟି ହୋଇଛି ଯାହାକୁ ପାଇବା ପାଇଁ ଲୋକେ ବିପଦରୁ ବିପଦଜ୍ଜନକ ଟ୍ରିଟମେଣ୍ଟ କରିବାକୁ ପଛାଉ ନାହାନ୍ତି। ନିକଟରେ ବ୍ରାଜିଲର ଜଣେ ମହିଳା ଇନଫ୍ଲୁଏନସର ଲୁଆନା ଆଣ୍ଡ୍ରେଡ ଲିପୋସକଶେନ ସର୍ଜରୀ କରିଥିଲେ। ଯାହାଦ୍ୱାରା ତାଙ୍କୁ କାର୍ଡିଆକ ଆରେଷ୍ଟ ଆସି ଜୀବନ ଚାଲିଯାଇଥିଲା।
ତେବେ ନିକଟରେ ଏପରି ଏକ ଫେସିଆଲ ଟ୍ରିଟମେଣ୍ଟର ଚାହିଦା ବଢି ଯାଇଛି ଯାହାକୁ ଆଣ୍ଟି ଏଜିଙ୍ଗ ପାଇଁ ବ୍ୟବହାର କରାଯାଉଛି। ହଲିଉଡ ଷ୍ଟାରମାନେ ମଧ୍ୟ ଏହି ଟ୍ରିଟମେଣ୍ଟ ଟ୍ରାଏ କରିବାକୁ ବେଶୀ ପ୍ରିଫର କରୁଥିବା ଦେଖିବାକୁ ମିଳିଛି। କହିରଖୁଛୁ କି, ଏହି ଟ୍ରିଟମେଣ୍ଟ ସାଲମନ ମାଛର ସ୍ପର୍ମ ଦ୍ୱାରା କରାଯାଉଛି। ସାଲମନ ମାଛର ସ୍ପର୍ମରୁ ମିଳୁଥିବା ଏକ ପଦାର୍ଥକୁ ସିରିଞ୍ଜରେ ତରଳ ଭାବରେ ଭର୍ତ୍ତି କରାଯାଇ ମୁହଁରେ ଇଞ୍ଜେକ୍ଟ କରାଯାଉଛି।
ଇଞ୍ଜେକ୍ସନର କୋଲେଜନ, ରକ୍ତ ଓ ପୋଷକ ତତ୍ତ୍ୱକୁ ଉତ୍ତେଜିତ କରିବା ପାଇଁ ଏହି ସ୍ପର୍ମ ଟ୍ରିଟମେଣ୍ଟକୁ ଆଖି ଚାରିପାଖରେ ଥିବା ଚର୍ମରେ ଦିଆଯାଇଥାଏ। ଏହାଦ୍ୱାରା ମୁହଁରେ ରିଙ୍କେଲ କମିବା ସହ ତ୍ୱଚା ଉଜ୍ଜଳ ଦେଖାଯାଏ। ଏହି ସାଲମନ ସ୍ପର୍ମ ଫେଶିଆଲର ଗୋଟିଏ ସେଶନ କରିବାକୁ ହେଲେ ୨୭୫ପାଉଣ୍ଡ(୨୮ ହଜାର ଟଙ୍କା) ଖର୍ଚ୍ଚ କରିବାକୁ ପଡିଥାଏ।
