ନୂଆଦିଲ୍ଲୀ,୨୬।୩: ଇସ୍ରାଏଲ, ଆମେରିକା ଏବଂ ଇରାନ ମଧ୍ୟରେ ଚାଲିଥିବା ଉତ୍ତେଜନା ଏବେ ସାଧାରଣ ଲୋକଙ୍କ ଜୀବନକୁ ପ୍ରଭାବିତ କରୁଛି। ଏହା ବିଶ୍ୱର ଶକ୍ତି ଯୋଗାଣ ଏବଂ ଇନ୍ଧନ ବଜାରକୁ ପ୍ରଭାବିତ କରିଛି। ଏହି ପରିସ୍ଥିତି ଭାରତ ଭଳି ଦେଶ ପାଇଁ ବିଶେଷ ଭାବରେ ଜଟିଳ ହେଉଛି । ଏତିକି ଭିତରେ ଲୋକଙ୍କ ମନରେ ଏବେ ଗୋଟିଏ ପ୍ରଶ୍ନ ଉଠୁଛି ଦେଶକୁ ପୁଣିଥରେ ଫେରିବକି ୱାର୍କ ଫ୍ରମ୍ ହୋମ୍ । ତେବେ ଚାଲନ୍ତୁ ସେ ସବୁ ବିଷୟରେ ଏଠାରେ ଆଲୋଚନା କରିବା ।
ତେବେ ସୋମବାର ଦିନ ସଂସଦରେ ପ୍ରଧାନମନ୍ତ୍ରୀ ମୋଦି ସୂଚିତ କରିଥିଲେ ଯେ ଏହି ସଙ୍କଟ ଆହୁରି ଲମ୍ବା ହୋଇପାରେ, ତେଣୁ ଆମକୁ ଏକତା ଏବଂ ପ୍ରସ୍ତୁତ ରହିବାକୁ ପଡିବ। ପ୍ରଧାନମନ୍ତ୍ରୀ ସ୍ପଷ୍ଟ ଭାବରେ ମଧ୍ୟପ୍ରାଚ୍ୟରେ ଚାଲିଥିବା ଯୁଦ୍ଧକୁ ଇଙ୍ଗିତ କରୁଥିଲେ। ପ୍ରଧାନମନ୍ତ୍ରୀ ମୋଦିଙ୍କ ବୟାନ ପରେ, ସୋସିଆଲ ମିଡିଆରେ ଲକଡାଉନ ଏବଂ ୱାର୍କ ଫ୍ରମ୍ ହୋମ୍ ଏବଂ ସ୍କୁଲ ସଟ୍ ଡାଉନ ବିଷୟରେ ବେଶ ଭାଇରାଲ ହେବାରେ ଲାଗିଛି।
ଏହାରି ଭିତରେ Investment Banker, Business Educator and Bestselling Author ସାର୍ଥକ ଆହୁଜା କହିଛନ୍ତି ଯେ ଭବିଷ୍ୟତରେ, ହୋଟେଲ ଏବଂ ରେଷ୍ଟୁରାଣ୍ଟଗୁଡ଼ିକୁ ଗ୍ୟାସ ଯୋଗାଣ ବନ୍ଦ କରାଯାଇପାରେ ଯାହା ଦ୍ୱାରା ସାଧାରଣ ଜନତା ଘରେ ରୋଷେଇ କରିବା ପାଇଁ ଗ୍ୟାସ ପାଇପାରିବେ। ଏହା ବ୍ୟତୀତ, ଜେଟ୍ ଇନ୍ଧନର ଅଭାବ ବିମାନ ଭଡା ବୃଦ୍ଧି ହୋଇଯାଇଛି। ଏପରି ପରିସ୍ଥିତିରେ, ସ୍କୁଲଗୁଡ଼ିକରେ ଅସ୍ଥାୟୀ ଭାବରେ ଅନଲାଇନ୍ ପାଠପଢା ହୋଇପାରେ ବୋଲି ସେ ପୂର୍ବାନୁମାନ କରିଛନ୍ତି ।
https://www.youtube.com/shorts/JF9a_f3zIi4
