ନୂଆଦିଲ୍ଲୀ,୨୬।୨: ନିକଟରେ Supreme Court କେନ୍ଦ୍ର ସରକାରଙ୍କଠାରୁ ଜବାବ ମାଗିଥିଲେ ଯେ ଦୋଷୀ ସାବ୍ୟସ୍ତ ହୋଇଥିବା ଏମପି ଏବଂ ବିଧାୟକମାନଙ୍କୁ ର୍ନିବାଚନ ଲଢ଼ିବା ପାଇଁ ସ୍ଥାୟୀ ଭାବରେ ନିଷେଧ କରାଯିବା ଉଚିତ କି ନାହିଁ। ଏନେଇ କେନ୍ଦ୍ର ସରକାରଙ୍କ ପକ୍ଷରୁ ଏକ ସତ୍ୟପାଠ ଦାଖଲ କରାଯାଇଛି। ଜବାବରେ କୁହାଯାଇଛି ଯେ ଫୌଜଦାରୀ ମାମଲାରେ ଦୋଷୀ ସାବ୍ୟସ୍ତ ରାଜନେତାମାନଙ୍କୁ ଦଣ୍ଡାଦେଶ ପରେ ଜୀବନବ୍ୟାପୀ ର୍ନିବାଚନ ଲଢ଼ିବା ପାଇଁ ନିଷେଧ କରାଯାଇପାରିବ ନାହିଁ।
ସଂସଦ ପରିସ୍ଥିତିକୁ ଦୃଷ୍ଟିରେ ରଖି ବ୍ୟବସ୍ଥା କରିଛି। ଗୃହରୁ ଜଣଙ୍କୁ ଅଯୋଗ୍ୟ ଘୋଷଣା କରିବାର ସର୍ତ୍ତଗୁଡ଼ିକ ମଧ୍ୟ ସ୍ପଷ୍ଟ। ଆବେଦନକାରୀଙ୍କ ଦ୍ୱାରା ଦାଖଲ କରାଯାଇଥିବା ଆବେଦନରେ ବିଭିନ୍ନ ଦିଗକୁ ଅସ୍ପଷ୍ଟ ଭାବରେ ଉପସ୍ଥାପନ କରାଯାଇଛି। କେନ୍ଦ୍ର ସରକାର Supreme Courtଙ୍କୁ ୨୦୧୬ରେ ଦାୟର ହୋଇଥିବା ଆବେଦନକୁ ଖାରଜ କରିବାକୁ ଅନୁରୋଧ କରିଛନ୍ତି।
ସୁପ୍ରିମକୋର୍ଟ ଏହି ମାମଲାରେ ସରକାର ଏବଂ ର୍ନିବାଚନ କମିଶନଙ୍କଠାରୁ ଜବାବ ମାଗିଥିଲେ ଏବଂ କହିଥିଲେ ଯେ ଯଦି ଜଣେ ସରକାରୀ କର୍ମଚାରୀ ଦୋଷୀ ସାବ୍ୟସ୍ତ ହୁଅନ୍ତି, ସେ ଜୀବନବ୍ୟାପୀ ଚାକିରିରୁ ବହିଷ୍କାର ହୋଇଯାଆନ୍ତି, ତେବେ ଦୋଷୀ ନେତା କିପରି ସଂସଦକୁ ଫେରିପାରିବେ? ଆଇନ ଭଙ୍ଗକାରୀମାନେ ଆଇନ ତିଆରି କରିବା ପାଇଁ କିପରି କାମ କରିପାରିବେ?
ଆଡଭୋକେଟ ଅଶ୍ୱିନୀ ଉପାଧ୍ୟାୟ ୨୦୧୬ରେ ଏକ ପିଆଇଏଲ ଦାୟର କରିଥିଲେ। ଏଥିରେ, ଜନପ୍ରତିନିଧି ଆଇନ 1951ର ଧାରା 8 ଏବଂ 9ର ସାମ୍ବିଧାନିକ ବୈଧତାକୁ ଚ୍ୟାଲେଞ୍ଜ କରାଯାଇଛି। ଆବେଦନକାରୀଙ୍କ ପକ୍ଷରୁ କୁହାଯାଇଥିଲା ଯେ ରାଜନୈତିକ ଦଳଗୁଡ଼ିକ ସ୍ପଷ୍ଟ କରିବା ଉଚିତ ଯେ ସେମାନେ କାହିଁକି ସୱଚ୍ଛ ଭାବମୂର୍ତ୍ତି ଥିବା ଲୋକଙ୍କୁ ପାଇପାରୁନାହାଁନ୍ତି।
ପ୍ରଚଳିତ ଆଇନ ଅନୁଯାୟୀ, ଯଦି କୌଣସି ବ୍ୟକ୍ତିଙ୍କୁ ଫୌଜଦାରୀ ମାମଲାରେ ୨ ବର୍ଷ କିମ୍ବା ତା’ଠାରୁ ଅଧିକ ସଜା ଦିଆଯାଏ, ତେବେ ସଜା ପୂରଣ ହେବା ପରେ ତାଙ୍କୁ ୬ ବର୍ଷ ପର୍ଯ୍ୟନ୍ତ ର୍ନିବାଚନ ଲଢ଼ିବା ପାଇଁ ବାରଣ କରାଯାଏ। ଆବେଦନକାରୀ ଅଶ୍ୱିନୀ ଉପାଧ୍ୟାୟ ଆବେଦନରେ ଦୋଷୀ ରାଜନେତାଙ୍କ ଉପରେ ଆଜୀବନ ପ୍ରତିବନ୍ଧକ ଲଗାଇବା ଏବଂ ବିଭିନ୍ନ ଅଦାଲତରେ ସେମାନଙ୍କ ବିରୋଧରେ ବିଚାରାଧୀନ ମାମଲାଗୁଡ଼ିକର ଶୀଘ୍ର ସମାଧାନ କରିବାକୁ ଦାବି କରିଛନ୍ତି।
