ବଲିଉଡ ସୁପରଷ୍ଟାର ରଣବୀର କପୁର ଆଜିକାଲି ତାଙ୍କର ଆଗାମୀ ଫିଲ୍ମ ‘ଶମଶେରା’ ପ୍ରମୋଶନରେ ବ୍ୟସ୍ତ ଅଛନ୍ତି। ଫିଲ୍ମକୁ ସହ ସେ ବ୍ୟକ୍ତିଗତ ଜୀବନକୁ ନେଇ ମଧ୍ୟ ଚର୍ଚ୍ଚାରେ ଅଛନ୍ତି। ଖୁବ୍ଶୀଘ୍ର ସେ ବାପା ହେବାକୁ ଯାଉଛନ୍ତି। ଏଥିପାଇଁ ରଣବୀୟ ବେଶ୍ ଖୁସି ମଧ୍ୟ ଅଛନ୍ତି। ନିକଟରେ ଏକ ସାକ୍ଷାତକାରରେ ସ୍ତ୍ରୀ ଆଲିଆଙ୍କୁ ନେଇ ଏକ ବଡ଼ ଖୁଲାସା କରିଛନ୍ତି। ମା’ ହେବା ପରେ ଆଲିଆଙ୍କ ଫିଲ୍ମ ପରଦାକୁ ଫେରିବେ ନା ନାହିଁ ପ୍ରଶ୍ନରେ ରଣବୀର କହିଛନ୍ତି, ମୁଁ ଏବଂ ଆଲିଆ ଆମର ଆଗାମୀ ସନ୍ତାନ ପାଇଁ ବହୁତ ଖୁସି। ଆମେ ବିବାହ ପୂର୍ବରୁ ମଧ୍ୟ ସନ୍ତାନ ଜନ୍ମ ପାଇଁ ଯୋଜନା ଆରମ୍ଭ କରିଥିଲୁ। ଆଲିଆ ଅଭିନୟ କ୍ୟାରିୟର ଉପରେ ମଧ୍ୟ ବିଚାର କରିଛୁ। ମୁଁ ଚାହେଁ ନାହିଁ, ଆଲିଆ ତାଙ୍କ ସ୍ବପ୍ନ ଅଧାରୁ ଛାଡନ୍ତୁ କିମ୍ବା ତାଙ୍କ ଫିଲ୍ମ କ୍ୟାରିୟର ବନ୍ଦ କରନ୍ତୁ। ତାଙ୍କୁ ସବୁକିଛି ସନ୍ତୁଳିତ କରି ଚାଲିବାକୁ ପଡିବ। ମୁଁ ସବୁବେଳେ ତାଙ୍କ ସହିତ ଅଛି। ନିକଟରେ ଆଲିଆ ଭଟ୍ଟ ମା’ ହେବାର ଖୁସି ଖବର ସୋସିଆଲ ମିଡିଆରେ ଶେୟାର କରିଥିଲେ।
ରଣବୀର କପୁରଙ୍କ ଆଗାମୀ ଫିଲ୍ମ ‘ଶମଶେରା’ ଜୁଲାଇ ୨୨ରେ ପ୍ରେକ୍ଷାଳୟକୁ ଆସିବ। ଫିଲ୍ମ ‘ଶମଶେରା’ ମାଧ୍ୟମରେ ହିଁ ରଣବୀର କପୁର ପ୍ରାୟ ୪ ବର୍ଷ ପରେ ବଡ ପରଦାକୁ ଫେରିବାକୁ ଯାଉଛନ୍ତି। ଫିଲ୍ମର ଟ୍ରେଲର ଦେଖିବା ପରେ ପ୍ରଶଂସକଙ୍କ ଉତ୍ସାହ ବହୁତ ବୃଦ୍ଧି ପାଇଛି।
