ନୂଆଦିଲ୍ଲୀ,୧୮ା୭: ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା ଦାବି କରି ଜନ୍ତରମନ୍ତରରେ ଅନଶନରେ ବସିଥିବା ଶିକ୍ଷାବିତ୍ ସୋନମ ଓ୍ବାଙ୍ଗଚୁକ୍ଙ୍କ ମାମଲାରେ ଏକ ନୂଆମୋଡ଼ ଆସିଛି। ଦିଲ୍ଲୀ ପୋଲିସ ଓ୍ବାଙ୍ଗଚୁକ୍ଙ୍କୁ ପ୍ରତିବାଦ ସ୍ଥଳରୁ ନେଇଯାଇଛି। ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିବା ସୂଚନା ମିଳିଛି। ଏହି ଖବର ପ୍ରଚାର ହେବା ମାତ୍ରେ କାର୍ଯ୍ୟାନୁଷ୍ଠାନ ସମୟର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି।
दिल्ली हाईकोर्ट के निर्देश और गिरती सेहत को देखते हुए दिल्ली पुलिस ने सामाजिक कार्यकर्ता सोनम वांगचुक को अस्पताल में भर्ती कराया। वांगचुक जंतर-मंतर पर 21 दिनों से आमरण अनशन पर बैठे थे। अब उनके स्वास्थ्य की निगरानी मेडिकल टीम की देखरेख में की जा रही है। pic.twitter.com/VK6FMQyK71
— Waseem Zaidi (@NewsZD) July 18, 2026
ଏହି ଭିଡିଓରେ ପୋଲିସ କର୍ମଚାରୀମାନେ ସୋନମ ଓ୍ବାଙ୍ଗଚୁକ୍ଙ୍କୁ ପ୍ରତିବାଦ ସ୍ଥଳରୁ ଜୋରଜବରଦସ୍ତି ନେଇ ଯାଉଥିବାର ଦେଖାଯାଉଛି। କାର୍ଯ୍ୟାନୁଷ୍ଠାନର ସିଧାସଳଖ ଦୃଶ୍ୟକୁ ଲୁଚାଇବା ପାଇଁ ଏକ ଧଳା ବେଡ୍ସିଟ୍ ବା ଚାଦର ଚାରିପଟୁ ଘୋଡ଼ା ଯାଇଥିଲା। ପରବର୍ତ୍ତୀ ସମୟରେ ଓ୍ବାଙ୍ଗଚୁକ୍ଙ୍କୁ ପୋଲିସ ଉଠାଇ ନେଉଥିବାର ଏକ ଭିଡିଓ ସାମ୍ନାକୁ ଆସିଛି। ସେ ଜନସାଧାରଣଙ୍କୁ ହାତ ହଲାଉଥିବାର ଦେଖାଯାଇଛି।
ଏହା ପରେ ଆଉ ଏକ ଭିଡିଓ ସାମ୍ନାକୁ ଆସିଛି ଯେଉଁଥିରେ ଓ୍ବାଙ୍ଗଚୁକ୍ଙ୍କୁ ଡାକ୍ତରଖାନାକୁ ନିଆଯାଇଥିବାର ଦେଖାଯାଇଛି। ସେ ସେଠାରେ ଉପସ୍ଥିତ ଲୋକମାନଙ୍କୁ ହାତ ହଲାଇ ସବୁକିଛି ଠିକ୍ ଅଛି ବୋଲି ଆଶ୍ୱସ୍ତ କରିବା ଦେଖାଯାଇଛି। ଏହି ସମ୍ପୂର୍ଣ୍ଣ ଘଟଣା ସୋସିଆଲ ମିଡିଆରେ ଜୋର୍ଦାର ବିତର୍କ ସୃଷ୍ଟି କରିଛି।
ଓ୍ବାଙ୍ଗଚୁକ୍ ୨୧ ଦିନ ଧରି ଜନ୍ତରମନ୍ତରରେ ଅନଶନରେ ବସିଥିଲେ। ଦିଲ୍ଲୀ ହାଇକୋର୍ଟଙ୍କ ନିର୍ଦ୍ଦେଶ ଏବଂ ତାଙ୍କ ସ୍ବାସ୍ଥ୍ୟାବସ୍ଥା ଖରାପ ହେବା ପରେ ଦିଲ୍ଲୀ ପୋଲିସ ତାଙ୍କୁ ହସ୍ପିଟାଲରେ ଭର୍ତ୍ତି କରିବାକୁ ନିଷ୍ପତ୍ତି ନେଇଥିଲା। ବର୍ତ୍ତମାନ ତାଙ୍କୁ ସମୟ ମଧ୍ୟରେ ଆବଶ୍ୟକୀୟ ଚିକିତ୍ସା ଯୋଗାଇବା ପାଇଁ ଏକ ଡାକ୍ତରୀ ଦଳ ତାଙ୍କ ସ୍ବାସ୍ଥ୍ୟାବସ୍ଥା ଉପରେ କଡ଼ା ନଜର ରଖିଛନ୍ତି।
