ସୁରସାମ୍ରାଜ୍ଞୀ ଲତା ମଞ୍ଜେଶକର ଆଜି ୯୨ ବର୍ଷରେ ପଦାର୍ପଣ କରିଛନ୍ତି। ଏହି ବିଶେଷ ଦିନରେ ପ୍ରଶଂସକ ତାଙ୍କୁ ଅଭିନନ୍ଦନ ଜଣାଇଛନ୍ତି। ସେ ୩୬ଟି ଭାରତୀୟ ଭାଷାରେ ଗୀତ ରେକର୍ଡିଂ କରିଛନ୍ତି। ସେ କେବଳ ହିନ୍ଦୀ ଭାଷାରେ ୧୦୦୦ରୁ ଅଧିକ ଗୀତରେ ସ୍ବର ଦେଇଛନ୍ତି। ତାଙ୍କୁ ୧୯୮୯ରେ ଦାଦାସାହେବ ଫାଲକେ ପୁରସ୍କାରରେ ମଧ୍ୟ ସମ୍ମାନିତ କରାଯାଇଛି। ୨୦୦୧ରେ ଲତାଙ୍କୁ ଭାରତର ସର୍ବୋଚ୍ଚ ନାଗରିକ ପୁରସ୍କାର ‘ଭାରତ ରତ୍ନ’ ପ୍ରଦାନ କରାଯାଇଥିଲା।
ସମସ୍ତେ ଜାଣନ୍ତି ଲତା ଜୀ ବିବାହ କରିନାହାଁନ୍ତି। ଏହି ପ୍ରଶ୍ନ ଲତା ଜୀଙ୍କର ପ୍ରଶଂସକଙ୍କ ମନରେ ନିଶ୍ଚୟ ଆସିଛି ସେ ଆଜି ପର୍ଯ୍ୟନ୍ତ କାହିଁକି ବିବାହ କରିନାହାଁନ୍ତି । କୁହାଯାଏ ଯେ ସେ ମଧ୍ୟ ଥରେ କାହାକୁ ଭଲ ପାଉଥିଲେ। କିନ୍ତୁ ଲତାଙ୍କ ଏହି ପ୍ରେମ କାହାଣୀ ସଫଳ ହୋଇ ନ ଥିଲା। ବୋଧହୁଏ ସେଥିପାଇଁ ଲତା ଆଜି ପର୍ଯ୍ୟନ୍ତ ବିବାହ କରିନାହାଁନ୍ତି। ଖବର ଅନୁଯାୟୀ, ଲତା ମଞ୍ଜେଶକର ଡୁଙ୍ଗରପୁର ରାଜ ପରିବାରର ମହାରାଜା ରାଜ ସିଂଙ୍କୁ ବହୁତ ଭଲ ପାଉଥିଲେ। ସେ ମହାରାଜା ଲତାଙ୍କ ଭାଇ ହୃଦୟନାଥ ମଞ୍ଜେଶକରଙ୍କ ବନ୍ଧୁ ମଧ୍ୟ ଥିଲେ। କିନ୍ତୁ ଏହି ପ୍ରେମ କାହାଣୀ ପୂରଣ ହୋଇପାରିଲା ନାହିଁ। କୁହାଯାଏ ଯେ, ରାଜ ତାଙ୍କ ମାତାପିତାଙ୍କୁ ପ୍ରତିଶ୍ରୁତି ଦେଇଥିଲେ ଯେ ସେ ସାଧାରଣ ପରିବାରର କୌଣସି ଝିଅକୁ ନିଜ ଘରର ବୋହୂ କରିବେ ନାହିଁ। ରାଜ ତାଙ୍କ ମୃତ୍ୟୁ ପର୍ଯ୍ୟନ୍ତ ଏହି ପ୍ରତିଜ୍ଞା ପାଳନ କରିଥିଲେ।
ବିବାହକୁ ନେଇ ଲତା ଜୀ କୁହନ୍ତି ତାଙ୍କ ଉପରେ ସମ୍ପୂର୍ଣ୍ଣ ଘରର ଦାୟିତ୍ୱ ଥିଲା। ସେଥିପାଇଁ ସେ କେବେ ବିବାହ କରି ନ ଥିଲେ। କିନ୍ତୁ ଲତାଙ୍କ ପରି ରାଜ ମଧ୍ୟ ସାରା ଜୀବନ ଅବିବାହିତ ରହିଥିଲେ। ରାଜ ଲତାଙ୍କଠାରୁ ୬ ବର୍ଷ ବଡ ଥିଲେ। ରାଜ କ୍ରିକେଟକୁ ବହୁତ ଭଲ ପାଉଥିଲେ। ଏହି କାରଣରୁ ସେ ବହୁ ବର୍ଷ ଧରି ବିସିସିଆଇ ସହିତ ଜଡିତ ଥିଲେ। ରାଜ ସ୍ନେହରେ ଲତାଙ୍କୁ ମିଠୁ ଡାକନ୍ତି। ତାଙ୍କ ପକେଟରେ ସବୁବେଳେ ଏକ ଟେପ ରେକଡର୍ର୍ ଥିଲା। ଏଥିରେ ଲତାଙ୍କ ପସନ୍ଦର ଗୀତ ବାଜୁଥିଲା। ରାଜ ସିଂ ୧୨ ସେପ୍ଟେମ୍ବର ୨୦୦୯ରେ ମୃତ୍ୟୁବରଣ କରିଥିଲେ। ତେବେ ଲତା ମଞ୍ଜେଶକରଙ୍କ ନାମ ରାଜଙ୍କ ବ୍ୟତୀତ ଅନ୍ୟ କାହା ସହିତ ଜଡିତ ନ ଥିଲା।
