ରାଜ୍ୟରେ ମହିଳାଙ୍କ ପାଇଁ କାହିଁକି ଲାଗୁ ହୋଇନି ସଂରକ୍ଷଣ: କେନ୍ଦ୍ରକୁ ସୁପ୍ରିମ୍‌କୋର୍ଟଙ୍କ ପ୍ରଶ୍ନ…

ନୂଆଦିଲ୍ଲୀ,୨୫।୭ : ମଙ୍ଗଳବାର ଏକ ମାମଲାର ଶୁଣାଣି ବେଳେ ସୁପ୍ରିମକୋର୍ଟ କେନ୍ଦ୍ର ସରକାରଙ୍କୁ ତାଗିଦ କରିଛନ୍ତି। ଭାଜପା ଶାସିତ ରାଜ୍ୟଗୁଡିକ ବିରୋଧରେ ଦୃଢ଼ ଆଭିମୁଖ୍ୟ ଗ୍ରହଣ ନ କରି ଥିବାରୁ ସୁପ୍ରିମକୋର୍ଟ କେନ୍ଦ୍ର ସରକାରଙ୍କୁ ଚେତାବନୀ ଦେଇଛନ୍ତି। ଉତ୍ତର-ପୂର୍ବ ରାଜ୍ୟ ନାଗାଲାଣ୍ଡରେ ସଂରକ୍ଷଣ ପ୍ରସଙ୍ଗରେ କେନ୍ଦ୍ର ସରକାରଙ୍କ ବିରୋଧରେ ସୁପ୍ରିମକୋର୍ଟ ଦୃଢ଼ ନଜର ରଖିଛନ୍ତି।

ରାଜ୍ୟରେ ମହିଳାଙ୍କ ସଂରକ୍ଷଣ କାହିଁକି ଲାଗୁ ହେଲା ନାହିଁ ବୋଲି ସୁପ୍ରିମକୋର୍ଟ ପ୍ରଶ୍ନ ଉଠାଇଛନ୍ତି? ସୁପ୍ରିମକୋର୍ଟ କେନ୍ଦ୍ରକୁ କହିଛନ୍ତି, ଆପଣ ନିଜ ଦଳର ରାଜ୍ୟ ସରକାରଙ୍କ ବିରୋଧରେ କାହିଁକି କାର୍ଯ୍ୟାନୁଷ୍ଠାନ ଗ୍ରହଣ କରୁନାହାଁନ୍ତି? ସୁପ୍ରିମକୋର୍ଟ କେନ୍ଦ୍ରକୁ କହିଛନ୍ତି ଆପଣ ଅନ୍ୟ ରାଜ୍ୟ ସରକାରଙ୍କ ବିରୋଧରେ କଠୋର ଆଭିମୁଖ୍ୟ ଗ୍ରହଣ କରୁଛନ୍ତି ଯାହା ଆପଣଙ୍କ ପାଇଁ ଦାୟୀ ନୁହେଁ, କିନ୍ତୁ ଯେଉଁଠି ଆପଣଙ୍କ ଦଳ କ୍ଷମତାରେ ଅଛି ସେହି ରାଜ୍ୟରେ ଆପଣ କିଛି କାହିଁକି କରୁ ନାହାନ୍ତି।

ଜଷ୍ଟିସ କୌଲ ପ୍ରଶ୍ନ କରିଛନ୍ତି ମହିଳାମାନଙ୍କ ପାଇଁ ସଂରକ୍ଷଣ ବିରୋଧରେ କୌଣସି ବ୍ୟବସ୍ଥା ଅଛି କି? ମହିଳାମାନେ ବିଭିନ୍ନ ବର୍ଗରେ ସମାନ ଭାବରେ ଜଡିତ ଥିବାବେଳେ କାହିଁକି ମହିଳାଙ୍କ ଅଂଶଗ୍ରହଣକୁ ବିରୋଧ କରାଯାଉଛିି? ଏହାର ଉତ୍ତରରେ ନାଗାଲାଣ୍ଡର ଆଟର୍ନି ଜେନେରାଲ କହିଛନ୍ତି ସେଠାରେ ମହିଳା ସଂଗଠନ ଅଛନ୍ତି ଯେଉଁମାନେ କହିଛନ୍ତି ସେମାନେ ସଂରକ୍ଷଣ ଚାହୁଁ ନାହାଁନ୍ତି।