ସାଧାରଣତଃ ଆମ ଦେଶରେ ପୋଲିସମାନେ ଖାକି ରଙ୍ଗର ପୋଷାକ ପିନ୍ଧିଥାନ୍ତି। ମାତ୍ର ଆପଣ ଜାଣନ୍ତି କି କେବଳ କୋଲକାତାର ପୋଲିସମାନେ ହିଁ ଧଳା ପୋଷାକ ପିନ୍ଧିଥାନ୍ତି। ଜାଣନ୍ତୁ କ’ଣ ରହିଛି ଏହାର କାରଣ…
ଖାକି ଏବଂ ଧଳା ପୋଷାକ ଇଂରେଜମାନଙ୍କ ଅମଳରୁ ଚାଲିଆସୁଛି। ବ୍ରିଟିଶ ଶାସନ ସମୟରେ ଯେତେବେଳେ ପୋଲିସ ଗଠନ ହୋଇଥିଲା ସେତେବେଳେ ପୋଲିସ ଧଳାରଙ୍ଗର ପୋଷାକ ପିନ୍ଧୁଥିଲେ। ମାତ୍ର ଅଧିକ ସମୟ ପର୍ଯ୍ୟନ୍ତ ଡ୍ୟୁଟି କରିବାରୁ ପୋଷାକ ନଷ୍ଟ ହୋଇଗଲା। ଏହି କାରଣରୁ ପୋଲିସକର୍ମୀମାନେ ଭିନ୍ନ ଭିନ୍ନ ରଙ୍ଗର ପୋଷାକ ପିନ୍ଧିବାକୁ ଆରମ୍ଭ କଲେ। ଧଳାରଙ୍ଗର ପୋଷାକ ଉପରେ ଅନ୍ୟ ରଙ୍ଗ ଲାଗିବା କାରଣରୁ ଯବାନଙ୍କ ୟୁନିଫର୍ମ ଭିନ୍ନ ଦେଖାଗଲା। ସେତେବେଳେ ଚିହ୍ନି ହେଲା ନାହିଁ କିଏ ଯବାନ କିଏ ପୋଲିସ। ଏହି ସମସ୍ୟାରୁ ରକ୍ଷା ପାଇବା ପାଇଁ ଇଂରେଜମାନେ ଖାକି ରଙ୍ଗର ପୋଷାକ ତିଆରି କଲେ। ଯାହାକି ଶୀଘ୍ର ନଷ୍ଟ ହେବ ନାହିଁ।
୧୮୪୭ ମସିହାରେ ଇଂରେଜ ଅଫିସର ହେରି ଲମ୍ସଡେନ ପ୍ରଥମଥର ଖାକି ରଙ୍ଗର ପୋଷାକ ପିନ୍ଧିଥିଲେ। ସେବେଠାରୁ ଭାରତୀୟ ପୋଲିସଙ୍କ ପୋଷାକ ଖାକି ରଙ୍ଗର ହୋଇଥିଲା। କୋଲକାତା ପୋଲିସ ପାଇଁ ମଧ୍ୟ ଖାକି ରଙ୍ଗର ପୋଷାକ ପିନ୍ଧିବା ପାଇଁ ପ୍ରସ୍ତାବ ଦିଆଯାଇଥିଲା। ମାତ୍ର ସେ ଏହାକୁ ଖାରଜ କରିଦେଇଥିଲେ। ଏହା ପଛରେ ସେ କାରଣ ଦର୍ଶାଇଥିଲେ ଯେ କୋଲକାତା ଉପକୂଳବର୍ତ୍ତୀ ଅଞ୍ଚଳ। ଏଠାରେ ପ୍ରବଳ ଗରମ ହୋଇଥାଏ। ତେଣୁ ବୈଜ୍ଞାନିକ କାରଣ ଦୃଷ୍ଟିରୁ ଏଠାରେ ଧଳା ପିନ୍ଧିବା ସବୁଠୁ ଭଲ। ଏହି ରଙ୍ଗ ସୂର୍ଯ୍ୟକରିଣକୁ ପ୍ରତିଫଳିତ କରିବ। ଫଳରେ ଅଧିକ ଗରମ ହେବ ନାହିଁ।
