ନୂଆଦିଲ୍ଲୀ,୧୪।୧: ପୂର୍ବତନ JNU ଛାତ୍ର ସଂଘ ସଭାପତି ଏବଂ କଂଗ୍ରେସ ନେତା କହ୍ନେୟା କୁମାର ଏକ ପ୍ରକାର ନିଖୋଜ ହୋଇଯାଇଛନ୍ତି। ତାଙ୍କୁ ଆଉ ଦିଲ୍ଲୀ ନିର୍ବାଚନ ପ୍ରଚାର ପଡିଆରେ ଦେଖିବାକୁ ମିଳୁନାହିଁ। ଦିଲ୍ଲୀ ଯୁଦ୍ଧରେ ରାହୁଲ ଗାନ୍ଧୀଙ୍କ ସମେତ ଅନେକ କଂଗ୍ରେସ ନେତା ଅରବିନ୍ଦ କେଜରିୱାଲ ଏବଂ ଭାଜପାକୁ ଲଗାତାର ଟାର୍ଗେଟ କରୁଥିବାର ଦେଖିବାକୁ ମିଳୁଛି। ହେଲେ କହ୍ନେୟାଙ୍କ ପତ୍ତା ମିଳୁନାହିଁ। କୌଣସି ଦଳୀୟ କାର୍ଯ୍ୟକଳାପରେ ମଧ୍ୟ ସେ ଦେଖାଯା ନାହାନ୍ତି। ଏପରି ପରିସ୍ଥିତିରେ, ରାଜନୀତିରେ କିଛି ବଡ଼ ହଲଚଲ ଦେଖିବାକୁ ମିଳିପାରେ ବୋଲି କୁହାଯାଉଛି। ଏପରି କି ତାଙ୍କ ସୋସିଆଲ ମିଡିଆ ଆକାଉଣ୍ଟ ମଧ୍ୟ ଦର୍ଶାଉଛି ଯେ ତାଙ୍କର ଦିଲ୍ଲୀ ନିର୍ବାଚନରେ କୌଣସି ଆଗ୍ରହ ନାହିଁ। ଗତ ଲୋକ ସଭା ର୍ନିବାଚନରେ, କହ୍ନେୟା କୁମାରଙ୍କୁ, କଂଗ୍ରେସ ଉତ୍ତର-ପୂର୍ବ ଦିଲ୍ଲୀରୁ ଭାଜପାର ମନୋଜ ତିୱାରୀଙ୍କ ବିପକ୍ଷରେ ପ୍ରାର୍ଥୀ କରିଥିଲା। ଏପରି ପରିସ୍ଥିତିରେ, ବଡ଼ ପ୍ରଶ୍ନ ହେଉଛି କହ୍ନୈୟା କୁମାର ଆମ ଆଦମୀ ପାର୍ଟିର ସଂଯୋଜକ ଅରବିନ୍ଦ କେଜରିୱାଲଙ୍କ ନିକଟତର ହୋଇଥିବାରୁ ଦିଲ୍ଲୀ ର୍ନିବାଚନରୁ ଦୂରେଇ ଅଛନ୍ତି ନା ରାଜ୍ୟ କଂଗ୍ରେସ କହ୍ନେୟାଙ୍କୁ ଏଥିରୁ ଦୂରେଇ ରଖିଛି?
କହ୍ନୈୟା କୁମାର ନୂଆ ବର୍ଷରୁ ଏପର୍ଯ୍ୟନ୍ତ ଚାରି ଥର ଏକ୍ସରେ ପୋଷ୍ଟ କରିଛନ୍ତି। ନୂଆ ବର୍ଷରେ, ଜାନୁଆରୀ ୩, ୫, ୭ ଏବଂ ୧୨ ତାରିଖରେ ସେ ପୋଷ୍ଟ କରିଥିଲେ, ଯେଉଁଥିରେ ଜାନୁଆରୀ ୩ରେ ସେ BPSC ଛାତ୍ରମାନଙ୍କ ପ୍ରତିବାଦ ବିଷୟରେ ପୋଷ୍ଟ କରିଥିଲେ। ଜାନୁଆରୀ ୫ରେ କହ୍ନୈୟା ତାଙ୍କ ପୋଷ୍ଟରେ ଭାଜପା ନେତା ରମେଶ ବିଧୁରୀଙ୍କ ବୟାନକୁ ସମାଲୋଚନା କରିଥିଲେ। ଜାନୁଆରୀ ୭ରେ ଦିଲ୍ଲୀ ବିଧାନସଭା ର୍ନିବାଚନ ଉପରେ ପୋଷ୍ଟ କରିବା ସମୟରେ ସେ ଲେଖିଥିଲେ, ‘ଭୋଟ ତାରିଖ ଫେବୃଆରୀ ୫, ପରିବର୍ତ୍ତନ ପାଇଁ କଂଗ୍ରେସ ଆବଶ୍ୟକ।’ ଯେତେବେଳେ କି ଜାନୁଆରୀ ୧୨ରେ ସେ ସ୍ବାମୀ ବିବେକାନନ୍ଦଙ୍କ ଜନ୍ମବାର୍ଷିକୀ ଉପରେ ପୋଷ୍ଟ କରିଥିଲେ।
କହ୍ନୈୟାଙ୍କ ସାମ୍ପ୍ରତିକ ବୟାନ ଏବଂ ଇନଷ୍ଟାଗ୍ରାମରେ ପୋଷ୍ଟ ସ୍ପଷ୍ଟ ଭାବରେ ଦର୍ଶାଉଛି ଯେ ସେ ଦିଲ୍ଲୀରେ କଂଗ୍ରେସର କାର୍ଯ୍ୟକଳାପରୁ ବହୁତ ଦୂରରେ ଅଛନ୍ତି। ଏପରି ପରିସ୍ଥିତିରେ, ବଡ଼ ପ୍ରଶ୍ନ ହେଉଛି, ସେ ପୂର୍ବାଞ୍ଚଳ ବହୁଳ ଉତ୍ତର-ପୂର୍ବ ଆସନରେ କଂଗ୍ରେସ ପ୍ରାର୍ଥୀଙ୍କ ସମର୍ଥନରେ କାହିଁକି ପ୍ରଚାର କରୁନାହାଁନ୍ତି? ସେ କଂଗ୍ରେସରେ ଆଭ୍ୟନ୍ତରୀଣ ଗୋଷ୍ଠୀ ବିବାଦ ଯୋଗୁଁ ପ୍ରଚାରରୁ ନିଜକୁ ଦୂରେଇ ରଖିଛନ୍ତି ନା ସେ କେନ୍ଦ୍ରୀୟ ନେତୃତ୍ୱର ନିଷ୍ପତ୍ତିକୁ ଅପେକ୍ଷା କରିଛନ୍ତି?
କହିରଖୁଛୁ କି, କହ୍ନୈୟା କୁମାର ୨୦୧୯ରେ ବିହାରର ବେଗୁସରାଇରୁ ସିପିଆଇ ଟିକେଟରେ ଲୋକ ସଭା ର୍ନିବାଚନ ଲଢ଼ିଥିଲେ କିନ୍ତୁ ଭାଜପା ନେତା ଗିରିରାଜ ସିଂହଙ୍କଠାରୁ ପରାସ୍ତ ହୋଇଥିଲେ। ୨୦୨୪ ମସିହାରେ ମଧ୍ୟ କନହୈୟା କୁମାର ବେଗୁସରାଇରୁ ର୍ନିବାଚନ ଲଢ଼ିବା ନେଇ ଆଲୋଚନା ହେଉଥିଲା। କିନ୍ତୁ, ଆରଜେଡି ନେତା ତେଜସ୍ବୀ ଯାଦବ ଚାହୁଁ ନଥିଲେ ଯେ କହ୍ନୈୟା ବେଗୁସରାଇରୁ ର୍ନିବାଚନ ଲଢ଼ନ୍ତୁ। ଏପରି ପରିସ୍ଥିତିରେ, ରାହୁଲ ଗାନ୍ଧୀଙ୍କ ସହ ଘନିଷ୍ଠତା ଯୋଗୁଁ କହ୍ନୈୟାଙ୍କୁ ଦିଲ୍ଲୀରୁ ର୍ନିବାଚନ ଲଢ଼ିବାକୁ ବାଧ୍ୟ କରାଯାଇଥିଲା। ତଥାପି, ସେ ଏହି ର୍ନିବାଚନରେ ମଧ୍ୟ ଭାଜପା ଠାରୁ ପରାସ୍ତ ହୋଇଥିଲେ।
୨୦୨୧ରେ କହ୍ନୈୟା କଂଗ୍ରେସରେ ଯୋଗ ଦେଇଥିଲେ। ପରେ ସେ ରାହୁଲ ଗାନ୍ଧୀଙ୍କ ସହ ଭାରତ ଯୋଡୋ ଯାତ୍ରାରେ ବହୁତ ସକ୍ରିୟ ଥିଲେ। ବିହାରର ବେଗୁସରାଇର ବାସିନ୍ଦା କହ୍ନୈୟା କୁମାର ଗତ କିଛି ବର୍ଷ ଧରି ଭାରତୀୟ ରାଜନୀତିରେ ନିଜର ପାଦ ରଖିବାକୁ ଚେଷ୍ଟା କରୁଛନ୍ତି। ଏପରି ପରିସ୍ଥିତିରେ, କୁହାଯାଉଛି ଯେ କଂଗ୍ରେସର ଆଭ୍ୟନ୍ତରୀଣ ଗୋଷ୍ଠୀ ବିବାଦ ଯୋଗୁଁ ସେ ଦିଲ୍ଲୀ ର୍ନିବାଚନରେ ବହୁ ଦୂରରେ ରହୁଛନ୍ତି।
