ଓ୍ବାଶିଂଟନ,୯ା୧୧: ଡୋନାଲ୍ଡ ଟ୍ରମ୍ପ୍ଙ୍କୁ ପରାସ୍ତ କରିବା ପରେ ନୂତନ ରାଷ୍ଟ୍ରପତି ହୋଇଛନ୍ତି ଜୋ ବାଇଡେନ। ତେବେ ଆସନ୍ତା ଜାନୁୟାରୀ ୨୦ରେ ବାଇଡେନ ରାଷ୍ଟ୍ରପତି କାର୍ଯ୍ୟକାଳ ଆରମ୍ଭ କରିବେ। ଏଭଳି ପରିସ୍ଥିତିରେ ନିର୍ବାଚନ ହାରିଥିଲେ ମଧ୍ୟ ଟ୍ରମ୍ପ୍ଙ୍କୁ ଆସନ୍ତା ଅଢ଼େଇ ମାସ ପର୍ଯ୍ୟନ୍ତ ଆମେରିକାର ରାଷ୍ଟ୍ରପତି କୁହାଯିବ। ଏହା ପଛରେ ଏକ କାରଣ ରହିଛି। ପରାଜୟ ପରେ ନୂତନ ରାଷ୍ଟ୍ରପତିଙ୍କୁ କ୍ଷମତା ହସ୍ତାନ୍ତର ପାଇଁ ଯେଉଁ ସମୟ ମିଳେ ତାହାକୁ ପରିବର୍ତ୍ତନ ସମୟ କୁହାଯାଏ।
ପରିବର୍ତ୍ତନ ପ୍ରକ୍ରିୟା କ’ଣ?
ରାଷ୍ଟ୍ରପତିଙ୍କ ପରିବର୍ତ୍ତନ ପ୍ରକ୍ରିୟା ଅନୁଯାୟୀ, ଆମେରିକାର ପୂର୍ବତନ ରାଷ୍ଟ୍ରପତି ନୂତନ ରାଷ୍ଟ୍ରପତିଙ୍କୁ ସମସ୍ତ କ୍ଷମତା ତଥା ସମସ୍ତ ବିଭାଗ ସହ ଜଡ଼ିତ ନୀତିଗତ ଦସ୍ତାବିଜକୁ ହସ୍ତାନ୍ତର କରିଥାନ୍ତି। ଏହି ପ୍ରକ୍ରିୟା ନିର୍ବାଚନ ଫଳାଫଳ ଦିନଠାରୁ ଶପଥ ଗ୍ରହଣ ପର୍ଯ୍ୟନ୍ତ ହୋଇଥାଏ। ତେବେ ନିର୍ବାଚନ ପୂର୍ବରୁ ଯେକୌଣସି ସମୟରେ କ୍ଷମତା ହସ୍ତାନ୍ତର ଆରମ୍ଭ ହୋଇପାରିବ।
ପୂର୍ବରୁ ଏହି ପରିବର୍ତ୍ତନ ଅବଧି ଅଧିକ ଦିନ ଥିଲା। ଏପରି ରାଷ୍ଟ୍ରପତିଙ୍କୁ ‘ଲେମ ଡକ’ ରାଷ୍ଟ୍ରପତି ମଧ୍ୟ କୁହାଯାଏ। ଇଏ ଏମିତି ଜଣେ ରାଷ୍ଟ୍ରପତି ଯିଏ ପଦରେ ରହିଥାନ୍ତି, କିନ୍ତୁ ରହିବାର ଶକ୍ତି ତାଙ୍କ ପାଖରେ ନ ଥାଏ। ୧୯୩୩ରେ ଆମେରିକା ସମ୍ବିଧାନର ୨୦ତମ ସଂଶୋଧନରେ ପରିବର୍ତ୍ତନ ସମୟକୁ କମ୍ କରି ଦିଆଯାଇଥଲା। ଏହାପୂର୍ବରୁ ଏହି ଅବଧି ୪ ମାର୍ଚ୍ଚ ପାଇଁ ଧାର୍ଯ୍ୟ କରାଯାଇଥିଲା। ଯାହାକି ବର୍ତ୍ତମାନ ୨୦ ଜାନୁୟାରୀ କରାଯାଇଛି।
ନିର୍ବାଚନ ପୂର୍ବରୁ ହୋଇଥାଏ ଯୋଜନା:
ବର୍ତ୍ତମାନ ଆମେରିକାରେ ଏହି ପ୍ରକ୍ରିୟାର ମୂଳଦୁଆ ରାଷ୍ଟ୍ରପତି ଟ୍ରାନ୍ସମିଶନ ଆକ୍ଟ ୧୯୬୩ ଦ୍ୱାରା ସ୍ଥାପିତ ହୋଇଥିଲା। ଏହି ଅନୁଯାୟୀ, ଶାନ୍ତିପୂର୍ଣ୍ଣ ଢଙ୍ଗରେ କ୍ଷମତା ପ୍ରଦାନ କରିବାର ବ୍ୟବସ୍ଥା କରାଯାଇଥିଲା। ନିର୍ବାଚନ ପୂର୍ବରୁ ଏହି ପ୍ରକ୍ରିୟା ଯୋଜନା କରାଯାଇଛି। କାରଣ ଏଠାରେ ବଡ଼ ପ୍ରଶାସନିକ ପରିବର୍ତ୍ତନ ଅଛି, ତେଣୁ ଆଗୁଆ ଅଭ୍ୟାସ ପ୍ରସ୍ତୁତି ଚାଲିଛି।
