ସୋସିଆଲ ମିଡିଆରୁ ତାଙ୍କ ସ୍ବାମୀ ନିକ ଜୋନାସଙ୍କ ସରନେମ୍କୁ ହଟାଇ ଦେଇଥିବା ପ୍ରିୟଙ୍କା ଚୋପ୍ରା ଏହି ପ୍ରସଙ୍ଗରେ ପ୍ରଥମ ଥର ମୁହଁ ଖୋଲିଛନ୍ତି। ମୁଁ ମୋର ୟୁଜରନେମ୍ ମୋ ଟୁଇଟର୍ ସହିତ ସମାନ୍ କରିବାକୁ ଚାହୁଁଥିଲି ସେଥିପାଇଁ ଏପରି କଲି। କିନ୍ତୁ ଏହା କାହିଁକି ଲୋକଙ୍କ ପାଇଁ ଏତେ ବଡ ପ୍ରସଙ୍ଗ ହୋଇଗଲା ମୁଁ ଆଶ୍ଚର୍ଯ୍ୟ। ଏହା ହେଉଛି ସୋସିଆଲ ମିଡିଆ, ତୁମେମାନେ ସମସ୍ତେ ଥଣ୍ଡା ରୁହ।
ନିକଟରେ ପ୍ରିୟଙ୍କା ଇନଷ୍ଟାଗ୍ରାମରେ କିଛି ଖବରର ସ୍କ୍ରିନସଟ ଶେୟାର କରିଥିଲେ। ଏଥିରେ ନିକ ଜୋନାସଙ୍କ ସ୍ତ୍ରୀ ଗୁଡ ମର୍ନିଂ ଆମେରିକା ଶୋ’ରେ ମ୍ୟାଟ୍ରିକ୍ସ ଚଳଚ୍ଚିତ୍ରର ସହ-ତାରକା କିଆନୁ ରିଭସଙ୍କ ବିଷୟରେ କଥାବାର୍ତ୍ତା କରିଥିଲେ।ଏନେଇ ପ୍ରିୟଙ୍କା କହିଛନ୍ତି, ମୁଁ ଏପର୍ଯ୍ୟନ୍ତ ସବୁଠୁ ପ୍ରତିଷ୍ଠିତ ଚଳଚ୍ଚିତ୍ର ଫ୍ରାଞ୍ଚାଇଜ ପାଇଁ ପ୍ରଚାର କରୁଛି ଏବଂ ମୋତେ ଏବେ ବି ‘ନିକ ଜୋନାସଙ୍କ ସ୍ତ୍ରୀ’ ବୋଲି ଦର୍ଶାଯାଉଛି।
ଭାରତୀୟ ଅଭିନେତ୍ରୀ ପ୍ରିୟଙ୍କା ଚୋପ୍ରା ମଧ୍ୟ ମୋଷ୍ଟ ଆଡମିଟେଡ ମହିଳା -୨୦୨୧ ତାଲିକାରେ ସ୍ଥାନ ପାଇଛନ୍ତି। ଚଳିତ ବର୍ଷ ଶ୍ରେଷ୍ଠ ୧୦ ତାଲିକାରେ ସ୍ଥାନ ପାଇଥିବା ପ୍ରିୟଙ୍କା ହେଉଛନ୍ତି ଏକମାତ୍ର ଭାରତୀୟ ଅଭିନେତ୍ରୀ। ଗତ ବର୍ଷ ଏହି ତାଲିକାରେ ସେ ୧୫ ନମ୍ବରରେ ଥିଲେ। କିନ୍ତୁ ତାଙ୍କର ର଼୍ୟାଙ୍କିଙ୍ଗ ବୃଦ୍ଧି କରି ସେ ଚଳିତ ବର୍ଷ ଦଶମ ସ୍ଥାନ ହାସଲ କରିଛନ୍ତି। ଏହି ସର୍ଭେରେ ୩୮ ଟି ଦେଶରୁ ମୋଟ ୪୨,୦୦୦ ଲୋକ ସାମିଲ ହୋଇଥିଲେ।
