ମୁମ୍ବାଇ: କରୋନା ଲକ୍ଡାଉନ ଆରମ୍ଭ ହେବା ପରଠାରୁ ବଲିଉଡ୍ ଦବଙ୍ଗ ସଲମାନ ଖାଁଙ୍କ ନିଜ ପରିବାରଙ୍କ ସହ ପନଓ୍ବେଲ ସ୍ଥିତ ଫାର୍ମ ହାଉସ୍ରେ ରହି ସମୟ ବିତାଉଛନ୍ତି। ତାଙ୍କ ସହ ବଲିଉଡ୍ ଅଭିନେତ୍ରୀ ଜ୍ୟାକଲିନ ଫର୍ନାଡିଜ୍ ମଧ୍ୟ ରହିଆସୁଥିଲେ। କିନ୍ତୁ ଏବେ ଶୁଣିବାକୁ ମିଳୁଛି, ଜ୍ୟାକଲିନ ସଲମାନଙ୍କ ଫାର୍ମ ହାଉସ୍ ଛାଡିଦେଇଛନ୍ତି। ଆଉ ଏବେ ସେଠାରେ ସେ ରହୁନାହାନ୍ତି। ଜାଣିଛନ୍ତି କି ସେ ଏଭଳି କାହିଁକି କଲେ। ତାଙ୍କର ଏଭଳି କରିବା ପଛରେ ଏକ କାରଣ ରହିଛି। ସୂଚନା ମୁତାବକ ଜ୍ୟାକଲିନଙ୍କ ଜଣେ ନିକଟତର ସାଙ୍ଗ ମାନସିକ ବିସାଦଗ୍ରସ୍ତ ଥିବା ବେଳେ ସେ ମୁମ୍ବାଇରେ ଏକୁଟିଆ ରହୁଛନ୍ତି। ତେଣୁ ଏହି ସମୟରେ ସେ ନିଜ ସାଙ୍ଗକୁ ମାନସିକ ସ୍ତରରେ ସହଯୋଗ କରିବା ଲାଗି ଏବଂ ତାଙ୍କ ସହ ରହିବାକୁ ଜ୍ୟାକଲିନ ମୁମ୍ବାଇ ଚାଲିଆସିଛନ୍ତି ବୋଲି ଜଣାପଡ଼ିଛି। କରୋନା ଯୋଗୁ ମହାରାଷ୍ଟ୍ର ସରକାର ଲକ୍ଡାଉନ ଅବଧିକୁ ଜୁଲାଇ ୩୧କ ଯାଏଁ ବୃଦ୍ଧି କରିଛନ୍ତି। ଏଭଳି ସ୍ଥିତିରେ ସେ ବାହାରକୁ ବୁଲିବାକୁ ଯାଇପାରୁ ନ ଥିବା ବେଳେ ଘରେ ଏକୁଟିଆ ରହି କାଳେ ଆହୁରି ମାନସିକ ଅବସାଦକୁ ଚାଲିଯିବେ ସେଥିପାଇଁ ଜ୍ୟାକଲିନ ପନଓ୍ବେଲ ଛାଡି ଏଠାକୁ ପଳାଇ ଆସିଛନ୍ତି।
