ଭୋପାଳ,୧୧।୧୨ : ଭାରତୀୟ ଜନତା ପାର୍ଟି (ଭାଜପା) ବିଧାୟକ ଦଳ ବୈଠକ ସୋମବାର ଅନୁଷ୍ଠିତ ହେବାକୁ ଯାଉଛି। ଭାଜପା ରାଜ୍ୟ ସଭାପତି ସମସ୍ତ ନିର୍ବାଚିତ ବିଧାୟକଙ୍କୁ ରାଜ୍ୟ କାର୍ଯ୍ୟାଳୟରେ ଉପସ୍ଥିତ ହେବାକୁ ଆମନ୍ତ୍ରଣ କରିଛନ୍ତି। ନିମନ୍ତ୍ରଣ ପତ୍ରରେ ଦିଆଯାଇଥିବା ସୂଚନା ଅନୁଯାୟୀ ଭୋପାଳର ଭାଜପା କାର୍ଯ୍ୟାଳୟରେ ଏହି ବୈଠକ ଅନୁଷ୍ଠିତ ହେବ।
ରାଜ୍ୟରେ ଭାରତୀୟ ଜନତା ପାର୍ଟି ବିଧାୟକ ଦଳର ନେତା ବାଛିବା ପାଇଁ କେନ୍ଦ୍ରୀୟ ପର୍ଯ୍ୟବେକ୍ଷକ ଭାବରେ ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟର ଭୋପାଳ ଅଭିମୁଖେ ଯାତ୍ରା କରିଛନ୍ତି। ଭୋପାଳରେ ଅପରାହ୍ନ ୪ ଟା ବେଳେ ଭାଜପା ବିଧାନୟକ ଦଳର ଏକ ବୈଠକ ହେବାକୁ ଯାଉଛି।
ଶିବରାଜ ସିଂ ଚୌହାନଙ୍କ ପରି ଜଣେ ବରିଷ୍ଠ ନେତା ପୁଣି ଥରେ ରାଜ୍ୟର କ୍ଷମତା ଦଖଲ କରିବେ କି ନାହିଁ ସେ ନେଇ ଅନେକ ଆଲୋଚନା ଜାରି ରହିଛି।
ବୈଠକ ପୂର୍ବରୁ ସିଏମ ପଦବୀ ସମ୍ପର୍କରେ କୌଣସି ପ୍ରକାର ପ୍ରତିକ୍ରିୟା ନ ଦେବାକୁ ଭାଜପା ସମସ୍ତ ବିଧାୟକଙ୍କୁ ଅନୁରୋଧ କରିଛି। ମଧ୍ୟପ୍ରଦେଶରେ ପ୍ରଥମ ଥର ପାଇଁ ବିଧାନସଭା ନିର୍ବାଚନର ଫଳାଫଳ ପରେ ସିଏମଙ୍କ ନାମ ସ୍ଥିର କରିବାକୁ ଏତେ ସମୟ ଲାଗିଛି।
ଭାଜପାର ୧୬୩ ବିଧାୟକଙ୍କୁ ଏହି ସଭାରେ ଉପସ୍ଥିତ ରହିବାକୁ ନିର୍ଦ୍ଦେଶ ଦିଆଯାଇଛଇ। ସୂଚନା ଅନୁଯାୟୀ, ହରିୟାଣା ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟର, ଓବିସି ମୋର୍ଚ୍ଚା ମୁଖ୍ୟ ଡ. କେ, ଲକ୍ଷ୍ମଣ ଏବଂ ଜାତୀୟ ସଚିବ ଆଶା ଲାକ୍ରା ମଧ୍ୟ କେନ୍ଦ୍ରୀୟ ପର୍ଯ୍ୟବେକ୍ଷକ ଭାବରେ ଉପସ୍ଥିତ ରହିବେ। ଭାଜପାର ଅଧିକାଂଶ ବିଧାୟକ ଭୋପାଳରେ ପହଞ୍ଚିଛନ୍ତି।
ସିଏମ ଦୌଡ଼ରେ ଚାରିଥର ମୁଖ୍ୟମନ୍ତ୍ରୀ ଥିବା ଶିବରାଜ ସିଂ ଚୌହ୍ବାନଙ୍କ ନାମ ଆଗରେ ରହିଛି। ସେ ୨୦୦୫, ୨୦୦୮, ୨୦୧୩ ଏବଂ ୨୦୨୦ରେ ସେ ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଥିଲେ।
