ଜେନେଭା,୮ ।୧୧: ବିଶ୍ୱ ସ୍ୱାସ୍ଥ୍ୟ ସଙ୍ଗଠନ(ଡବ୍ଲୁଏଚଓ) ୟୁରୋପର କ୍ଷେତ୍ରୀୟ ନିର୍ଦ୍ଦେଶକ ଡା. ହଂସ ହେନରି କ୍ଲୁଜ ସୋମବାର କହିଛନ୍ତି, ଚଳିତ ବର୍ଷ ୟୁରୋପରେ ଗରମ ଯୋଗୁ ଅତିକମରେ ୧୫,୦୦୦ଙ୍କ ମୃତ୍ୟୁ ହୋଇଛି । କ୍ଲୁଜ ଏକ ବୟାନରେ କହିଛନ୍ତି, ଏବେ ପର୍ଯ୍ୟନ୍ତ ପ୍ରସ୍ତୁତ କରାଯାଇଥିବା ଦେଶର ସଂଖ୍ୟା ଆଧାରରେ ଅନୁମାନ କରାଯାଇଛି କି ୨୦୨୨ରେ ବିଶେଷ ଭାବେ ଗରମ ଯୋଗୁ ୧୫,୦୦୦ ଲୋକଙ୍କ ମୃତ୍ୟୁ ହୋଇଛି । ଏଥିରେ ସ୍ପେନରେ ପ୍ରାୟ ୪,୦୦୦, ପର୍ତ୍ତୁଗାଲରେ ୧,୦୦୦ରୁ ଅଧିକ, ବ୍ରିଟେନରେ ୩,୨୦୦ରୁ ଅଧିକ ଓ ଜର୍ମାନୀରେ ୪,୫୦୦ରୁ ଅଧିକ ମୃତ୍ୟୁ ହୋଇଥିବା କୁହାଯାଇଛି । ସ୍ୱାସ୍ଥ୍ୟ ଅଧିକାରୀଙ୍କ ଦ୍ୱାରା ତିନି ମାସ ମଧ୍ୟରେ ଦିଆଯାଇଥିବା ରିପୋର୍ଟରେ ଏହି ସୂଚନା ରହିଛି ।
ଡବ୍ଲୁଏଚଓର ଆଞ୍ଚଳିକ ନିର୍ଦ୍ଦେଶକ କହିଛନ୍ତି ଯେ, ଉତ୍ତାପ ଯୋଗୁ ଅଧିକାଂଶ ଦେଶରେ ମୃତ୍ୟୁ ସଂଖ୍ୟା ବଢୁଛି ଓ ଆଗକୁ ଏହା ଆହୁରି ବୃଦ୍ଧି ହେବ ବୋଲି ଆଶା କରାଯାଉଛି । ସେ ଆହୁରି ମଧ୍ୟ କହିଛନ୍ତି, ଉଦାହରଣ ସ୍ୱରୂପ ଫ୍ରାନ୍ସର ନ୍ୟାଶନାଲ ଇନଷ୍ଟିଚ୍ୟୁଟ ଅଫ୍ ଷ୍ଟାଟିସଟିକ୍ସ ଆଣ୍ଡ ଇକୋନମିକ ଷ୍ଟଡିଜ(ଆଇଏନ୍ଏସଇଇ) ରିପୋର୍ଟ କହିଛି ଯେ ୨୦୧୯ରେ (କୋଭିଡ ୧୯ ମହାମାରୀ ପୂର୍ବରୁ ଗତ ବର୍ଷ) ଏହି ସମୟ ତୁଳନାରେ ଜୁନ ୧ରୁ ଅଗଷ୍ଟ ୨୦୨୨ ମଧ୍ୟରେ ୧୧,୦୦୦ରୁ ଅଧିକ ଲୋକଙ୍କର ମୃତ୍ୟୁ ହୋଇଥିଲା । ଆଇଏନଏସଇଇ କହିଛି ଏହି ସଂଖ୍ୟା ଜୁନର ମଧ୍ୟଭାଗରେ ସମୟ ପୂର୍ବରୁ ପ୍ରାରମ୍ଭିକ ଉତ୍ତାପ ପରେ ସାମ୍ନାକୁ ଆସିଛି, ଯାହା ସାଧାରଣ ଭାବେ ଜୁଲାଇ ମଧ୍ୟ ଭାଗରେ ହିଟୱେଭ ଆସିବାର ସମ୍ଭାବନା ଥାଏ ।
