ଦକ୍ଷିଣ ଆଫ୍ରିକାର ବ୍ୟାଟ୍ସମ୍ୟାନ ଏବି ଡି ଭିଲିୟର୍ସ କ୍ରିକେଟରେ ଅନେକ ରେକର୍ଡ ହାସଲ କରିଛନ୍ତି। ପ୍ରଶଂସକମାନେ ତାଙ୍କୁ ଶ୍ରୀ ୩୬୦, ସୁପରମ୍ୟାନ, ଏବି ଡି ଡାକନ୍ତି। ଫିଲ୍ଡର ଯେକୌଣସି କୋଣକୁ ବଲ ପଠାଇଦେବାର ଦକ୍ଷତା ତାଙ୍କର ଅଛି। ୨୦୧୮, ମେ ୨୩ରେ ଅନ୍ତର୍ଜାତୀୟ କ୍ରିକେଟରୁ ଅବସର ନେଇଥିବା ଏବି ଡି ଭିଲିୟର୍ସ ଆଜି ନିଜର ୩୭ତମ ଜନ୍ମଦିନ ପାଳନ କରିଛନ୍ତି।
ଫେବୃଆରୀ ୧୭, ୧୯୮୪ରେ ଜନ୍ମ ହୋଇଥିବା ଏବି ଡି ଭିଲିୟର୍ସ ଜଣେ ମହାନ କ୍ରିକେଟର୍ ଥିଲେ। ତାଙ୍କ ଅବସର ପରେ ଆଫ୍ରିକୀୟ ଦଳର ପ୍ରଦର୍ଶନ କ୍ରମାଗତ ଭାବରେ ନିମ୍ନ ହୋଇଯାଇଛି। ୧୮ ଜାନୁୟାରୀ ୨୦୧୫ରେ, ଡି ଭିଲିୟର୍ସ ୱେଷ୍ଟଇଣ୍ଡିଜ ବିପକ୍ଷରେ ୩୧ ଟି ବଲରେ ଶତକ ହାସଲ କରିଥିଲେ। ତାଙ୍କର ରେକର୍ଡ ଏବେ ବି ଅବିସ୍ମରଣୀୟ। ସେ ୧୧୪ ଟେଷ୍ଟରେ ୮୭୬୫ ରନ ସ୍କୋର କରିଥିଲେ। ଏଥିରେ ୨୨ ଶତକ ଏବଂ ୪୬ ଅର୍ଦ୍ଧଶତକ ଅନ୍ତର୍ଭୁକ୍ତ। ଏକଦିବସୀୟ କ୍ରିକେଟରେ ୨୨୮ ମ୍ୟାଚ ଖେଳିଥିଲେ। ୨୫ଟି ଶତକ ସହିତ ୯୫୭୭ ରନ ସ୍କୋର କରିଥିଲେ। ଉଭୟ ଏକଦିବସୀୟଏବଂ ଟେଷ୍ଟ ଫର୍ମାଟରେ ଏବିଙ୍କ ଆଭରେଜ୍ ୫୦ରୁ ଅଧିକ। ଏବିଡି ଗୋଟିଏ ଓଭରରେ ୩୪ ରନ ସ୍କୋର କରିବା ମଧ୍ୟ ଏକ ରେକର୍ଡ ସୃଷ୍ଟି କରିଛି। ୱେଷ୍ଟଇଣ୍ଡିଜ ବିପକ୍ଷ ୨୦୧୫ ବିଶ୍ୱକପ ମ୍ୟାଚ ସମୟରେ ଡି ଭିଲିୟର୍ସ ଏକ ଓଭରରେ ୩୪ ରନ ସଂଗ୍ରହ କରିଥିଲେ।
ଏବି ଡି ଭିଲିୟର୍ସ ଦ୍ରୁତତମ ଶତକ, ଅର୍ଦ୍ଧଶତକ ଏବଂ ୧୫୦ ରନର ରେକର୍ଡ କରିଛନ୍ତି। ସେ ୧୬ ବଲରେ ୫୦ ରନ, ୩୧ ବଲରେ ଶତକ ହାସଲ କରିଥିଲେ। ସେ ୪୪ ବଲରେ ୧୪୯ ରନ ସଂଗ୍ରହ କରିଥିଲେ। ସେ ୨୦୧୫ରେ ୱେଷ୍ଟଇଣ୍ଡିଜ ବିପକ୍ଷରେ ଏହି ଇନିଂସ ଖେଳିଥିଲେ।
