ପ୍ରୟାଗରାଜ,୨୨।୪: ୟୁନିଅନ ପବ୍ଲିକ ସର୍ଭିସ କମିଶନ (UPSC) ସିଭିଲ ସର୍ଭିସ ପରୀକ୍ଷାର ଚୂଡ଼ାନ୍ତ ଫଳାଫଳ ଆଜି ପ୍ରକାଶ ପାଇଛି। ଶକ୍ତି ଦୁବେ UPSC ସିଭିଲ ସର୍ଭିସେସ ପରୀକ୍ଷା ୨୦୨୪ରେ ଶୀର୍ଷ ସ୍ଥାନ ହାସଲ କରି ଦେଶ ପାଇଁ ଗୌରବ ଆଣିଛନ୍ତି। ଆଜି ପ୍ରକାଶିତ UPSC CSE ପରୀକ୍ଷା ଫଳାଫଳରେ ଶକ୍ତି ଅଲ ଇଣ୍ଡିଆ ର଼୍ୟାଙ୍କ ୧ ହାସଲ କରିଛନ୍ତି।
UPSC ସିଭିଲ ସର୍ଭିସେସ ପରୀକ୍ଷା 2024ରେ ପ୍ରଥମ ସ୍ଥାନ ହାସଲ କରିଥିବା ଶକ୍ତି ଦୁବେ ପ୍ରମାଣ କରିଛନ୍ତି ଯେ କଠିନ ପରିଶ୍ରମ ଏବଂ ଦୃଢ଼ ଇଚ୍ଛାଶକ୍ତି ସହିତ ଯେକୌଣସି ଲକ୍ଷ୍ୟ ହାସଲ କରାଯାଇପାରିବ। ତାଙ୍କର ଶିକ୍ଷାଗତ ଯାତ୍ରା ବିଜ୍ଞାନ କ୍ଷେତ୍ରରୁ ଆରମ୍ଭ ହୋଇଥିଲା।
ଶକ୍ତି ଦୁବେ ଉତ୍ତରପ୍ରଦେଶର ପ୍ରୟାଗରାଜର ବାସିନ୍ଦା। ସେ ପ୍ରୟାଗରାଜରୁ ତାଙ୍କର ସ୍କୁଲ ଏବଂ କଲେଜ ଶିକ୍ଷା ସମାପ୍ତ କରିଥିଲେ। ସେ ଆଲ୍ଲାହାବାଦ ବିଶ୍ୱବିଦ୍ୟାଳୟରୁ ବିଏସସି କରିଥିଲେ, ତା’ପରେ ସେ ୨୦୧୬ରେ ବନାରସ ହିନ୍ଦୁ ବିଶ୍ୱବିଦ୍ୟାଳୟ (BHU)ରୁ ଜୈବ ରସାୟନ ବିଜ୍ଞାନରେ ସ୍ନାତକୋତ୍ତର ସମାପ୍ତ କରିଥିଲେ। ପାଠପଢ଼ା ସମୟରେ, ସେ ପ୍ରଶାସନିକ ସେବାରେ ଯୋଗଦେବାର ସ୍ବପ୍ନ ଦେଖିଥିଲେ ଏବଂ ୨୦୧୮ରୁ ସେ UPSC ପାଇଁ ପ୍ରସ୍ତୁତିରେ ସମ୍ପୂର୍ଣ୍ଣ ଭାବରେ ସାମିଲ ହୋଇଗଲେ।
ବିଜ୍ଞାନ ଷ୍ଟ୍ରିମ୍ରୁ ଆସିଥିବା ସତ୍ତ୍ୱେ, ଶକ୍ତି ଦୁବେ UPSC ପରୀକ୍ଷା ପାଇଁ ରାଜନୀତି ବିଜ୍ଞାନ ଏବଂ ଇଣ୍ଟରନ୍ୟାଶନାଲ ରିଲେସନ (Political Science & International Relations) ଭଳି ବିଷୟଗୁଡ଼ିକୁ ତାଙ୍କର ଇଚ୍ଛାଧୀନ ବିଷୟ (Optional Subject) ଭାବରେ ବାଛିଥିଲେ। UPSC ପରୀକ୍ଷାର ଫଳାଫଳ ଘୋଷଣା ହେବା ପରେ ତାଙ୍କ ପରିବାରରେ ଖୁସିର ଲହରୀ ଖେଳିଯାଇଛି।
