ଲକ୍ଷ୍ନୌ,୧୧।୪: ଉତ୍ତର ପ୍ରଦେଶର ଗାଜିପୁର ଲୋକ ସଭା ନିର୍ବାଚନମଣ୍ଡଳୀରୁ ପାରସନାଥ ରାୟଙ୍କୁ ପ୍ରାର୍ଥୀ କରି ଭାଜପା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ପାରସନାଥ ନିଜେ ବିଶ୍ୱାସ କରିପାରୁ ନଥିଲେ ଯେ ସେ ଟିକେଟ ପାଇଛନ୍ତି। ଯେତେବେଳେ ପାରସନାଥଙ୍କ ନାମ ଘୋଷଣା ହେଲା, ସେତେବେଳେ ସେ ନିଜ ସ୍କୁଲରେ ସାତଜଣ ଛାତ୍ରଙ୍କୁ ସଂସ୍କୃତ ଶିକ୍ଷା ଦେଉଥିଲେ।
ଜଣେ ଭାଜପା ଅଧିକାରୀ ତାଙ୍କୁ ଫୋନ କରି ଲୋକ ସଭା ନିର୍ବାଚନ ଟିକେଟ ପାଇବା ବିଷୟରେ ସୂଚନା ଦେଇଥିଲେ। ଏହା ଶୁଣି ପାରସନାଥ କହିଥିଲେ, ଏହା କଣ ସତ କିି?ଟିକେଟ୍ ପାଇବାର ୨ ଘଣ୍ଟା ପରେ ସେ ଏହାକୁ ବିଶ୍ୱାସ କରିପାରିଥିଲେ। ମୁଁ ଏହା କଳ୍ପନା କରରିପାରୁ ନାହିଁ, କିନ୍ତୁ ଦଳ ଛୋଟ କାର୍ଯ୍ୟକର୍ତ୍ତାମାନଙ୍କୁ ମଧ୍ୟ ସମ୍ମାନ କରେ।
ପାରସନାଥ ରାୟ, ୨ ଜାନୁୟାରୀ ୧୯୫୫ରେ ଜନ୍ମ ହୋଇଥିଲେ। ସେ ମଣିହାରୀ ବ୍ଲକର ଶିଖାଡି ନିବାସୀ। ସେ ଆରମ୍ଭରୁ ରାଷ୍ଟ୍ରିୟ ସ୍ବୟଂ ସଂଗଠନ (ଆରଏସଏସ) ସହିତ ଜଡିତ ଥିଲେ। ସେ ଜମ୍ମୁ କଶ୍ମୀରର ଲେଫ୍ଟନାଣ୍ଟ ଗଭର୍ନର ମନୋଜ ସିହ୍ନାଙ୍କ ନିକଟତର। ତାଙ୍କର ଦୁଇଟି ପୁଅ ଏବଂ ଦୁଇ ଝିଅ ଅଛନ୍ତି। ବଡ ପୁଅ ଆଶୁତୋଷ ରାୟ ଭାଜପା ସଂଗଠନରେ କାର୍ଯ୍ୟ କରୁଛନ୍ତି। ସାନପୁଅ ଆଶିଷ ରାୟ ଏକ ପ୍ରାଥମିକ ବିଦ୍ୟାଳୟର ଶିକ୍ଷକ।
ପାରସନାଥ ରାୟ ଭାଜପାରୁ ଟିକେଟ ପାଇ ଖୁସି ବ୍ୟକ୍ତ କରିଛନ୍ତି। ସେ କହିଛନ୍ତି, ପଣ୍ଡିତ ମଦନ ମୋହନ ମାଲବ୍ୟ ଶିଖାଡି ଇଣ୍ଟର କଲେଜର ୭ ଜଣ ଛାତ୍ରଙ୍କୁ ସେ ସଂସ୍କୃତ ଶିକ୍ଷା ଦେଉଥିଲେ। ଏହି ସମୟରେ ଭାଜପା ଜିଲା ସଭାପତି ସୁନୀଲ ସିଂଙ୍କ ନିକଟକୁ ଏକ କଲ ଆସିଥିଲା। ସେ ମୁଁ ପ୍ରାର୍ଥୀ ହେବା ନେଇ ସୂଚନା ଦେଇଥିଲେ। ଯଦିଓ ମୁଁ ଏହାକୁ ଦୁଇ ଘଣ୍ଟା ପର୍ଯ୍ୟନ୍ତ ବିଶ୍ୱାସ କରି ନ ଥିଲି। ଏହା ପରେ ଘରକୁ ଆସି ପୂର୍ବ ବ୍ୟବସ୍ଥା ଅନୁଯାୟୀ ଜିଲାସ୍ତରରେ ଆୟୋଜିତ ୟୁନିଅନ ବୈଠକକୁ ଯାଇଥିଲି। ସେତେବେଳେ ଲୋକେ ସମ୍ବର୍ନ୍ଧନା ଦେବାରୁ ମୋର ବିଶ୍ୱାସ ହୋଇଥିଲା। ଲୋକ ସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ମୁଁ କେବେ ଇଚ୍ଛା ପ୍ରକାଶ କରିନାହିଁ। କେବେ ବି ଟିକେଟ ମାଗି ନ ଥିଲି, କିନ୍ତୁ ଭାଜପା ଏହାର କାର୍ଯ୍ୟକର୍ତ୍ତାମାନଙ୍କର ଯତ୍ନ ନିଏ।
