ବେଙ୍ଗାଲୁରୁ,୧୩ ।୩: କର୍ନାଟକର ଭାରତୀୟ ଜନତା ପାର୍ଟି(ଭାଜପା) ନେତା ଈଶ୍ୱରପା ଅଜାନକୁ ନେଇ ବିବାଦୀୟ ବୟାନ ଦେଇଛନ୍ତି । ସେ କହିଛନ୍ତି କ’ଣ ଆଲ୍ଲାହା ବଧିର ହୋଇଛନ୍ତି ଯେ ଆପଣ ମାଇକରେ ଚିଲାଉଛନ୍ତି । ଭାଜପା ନେତା କହିଛନ୍ତି ଅଜାନର ଶବ୍ଦରେ ମୋର ମୁଣ୍ଡ ବିନ୍ଧିଥାଏ । ଏବେ ଭାଜପା ନେତାଙ୍କ ଏହି ବିବାଦୀୟ ବୟାନକୁ ନେଇ ବହୁ ଆଲୋଚନା ସମାଲୋଚନା ହୋଇପାରେ ବୋଲି ଅନୁମାନ କରାଯାଉଛି ।
ମାଙ୍ଗଲୁରୁରେ ଭାଜପା ବିଧାୟକ ଈଶ୍ୱରପ୍ପା କହିଛନ୍ତି, ମୁଁ ଯୁଆଡେ ବି ଯାଉଛି ଏହି ଅଜାନ ମୋ ପାଇଁ ବୁଣ୍ଡବ୍ୟଥାର କାରଣ ପାଲଟି ଯାଉଛି । ଏଥିରେ ଆଉ କୌଣସି ସନ୍ଦେହ କରିବାର ନାହିଁ ଯେ ଏହା ଖୁବଶୀଘ୍ର ଶେଷ ହୋଇଯିବ କାରଣ ସୁପ୍ରିମକୋର୍ଟଙ୍କ ରାୟ ଆସିଯିବ । ଏହା ଆଜି ନୁହେଁ ତ କାଲି ଆସିଯିବ ।
ସେ ଆହୁରି ମଧ୍ୟ କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସବୁ ଧର୍ମର ସମ୍ମାନ କରିବାକୁ କହିଛନ୍ତି, ହେଲେ ମୋର ପ୍ରଶ୍ନ ହେଉଛି ଆଲ୍ଲାହା କ’ଣ ସେତିକିବେଳେ ଶୁଣିପାରନ୍ତି ଯେତେବେଳେ ଆପଣ ମାଇକରେ ଚିଲାଇଥାଆନ୍ତି ।
ହିନ୍ଦୁମାନେ ମଧ୍ୟ ମନ୍ଦିରରେ ଭଜନ ଓ ପ୍ରାର୍ଥନା କରିଥାଆନ୍ତି । ଆମେ ଏହାଠାରୁ ଅଧିକ ଧାର୍ମିକ ଓ ଏହା ଭାରତ ମାତା ଯିଏ ଧର୍ମର ରକ୍ଷା କରିଥାଏ । ହେଲେ ଯଦି ଆପଣ କହିବେ ଯେତେବେଳେ ଆମେ ମାଇକ ବ୍ୟବହାର କରୁ ଆଲ୍ଲାହା କେବଳ ସେତିକିବେଳେ ଶୁଣିପାରନ୍ତି, ତେବେ ମୁଁ ନିଶ୍ଚୟ ପଚାରିବି ଆଲ୍ଲାହା କ’ଣ ବଧିର ।
