ବିବାହ ଏବଂ ଧାର୍ମିକ ରୀତିନୀତିକୁ ନେଇ ପ୍ରତ୍ୟେକ ଦେଶରେ ଭିନ୍ନ ଭିନ୍ନ ନିୟମ ରହିଛି। ଏକ ସମୟ ଥିଲା ଅନେକ ସ୍ଥାନରେ ବହୁ ବିବାହ ପ୍ରଥା ପ୍ରଚଳିତ ଥିଲା। କିନ୍ତୁ ଧୀରେ ଧୀରେ ଏହି ପ୍ରଥା କିଛି ସ୍ଥାନରୁ ଉଠିଗଲାଣି। କିନ୍ତୁ ଏବେ ବି ଏମିତି ଏକ ଦେଶ ଅଛି, ଯେଉଁଠାରେ ଗୋଟିଏ ନୁହେଁ; ଦୁଇଟି ବିବାହ କରାଯାଇଥାଏ। ପୁରୁଷମାନଙ୍କ ପାଇଁ ଦୁଇଟି ବିବାହ କରିବା ଆଇନଗତ ଭାବରେ ବାଧ୍ୟତାମୂଳକ ଅଟେ। ମନା କଲେ ସେମାନଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନର ବ୍ୟବସ୍ଥା ରହିଛି। ଏପରିକି ସ୍ତ୍ରୀମାନେ ସ୍ବାମୀଙ୍କୁ ମଧ୍ୟ ଅନ୍ୟ ସ୍ତ୍ରୀ ଆଣିବାରେ ଅଟକାଇ ପାରିବେ ନାହିଁ।
ଏପରି ପ୍ରଥା ଆଫ୍ରିକାର ଇରିଟ୍ରିଆରେ ପ୍ରଚଳିତ ହେଉଛି। ପୁରୁଷଙ୍କ ପାଇଁ ଦୁଇଟି ବିବାହ କରିବା ଏଠାରେ ବାଧ୍ୟତାମୂଳକ ଅଟେ। ଏପରିକି ମନା କରିଦେଲେ ଆଜୀବନ କାରାଦଣ୍ଡ ବି ହୋଇପାରେ। ମହିଳାମାନେ ସ୍ବାମୀଙ୍କୁ ଯଦି ଦ୍ୱିତୀୟ ବିବାହ କରିବାକୁ ଅଟକାନ୍ତି ତେବେ ସେମାନଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
ଏହି ଅଦ୍ଭୁତ ପ୍ରଥା ପଛର କାରଣ ହେଉଛି ଦେଶରେ ମହିଳା ସଂଖ୍ୟା ଅଧିକ। ପୁରୁଷଙ୍କ ସଂଖ୍ୟା କମ୍। ତେଣୁ ଏଥିରେ ସନ୍ତୁଳନ ରକ୍ଷା କରିବାର ଏକମାତ୍ର ଉପାୟ ହେଉଛି ପ୍ରତ୍ୟେକ ପୁରୁଷ ଦୁଇଜଣ ମହିଳାଙ୍କୁ ବିବାହ କରିବା ଉଚିତ। ଯଦି ଜଣେ ପୁରୁଷର କେବଳ ଗୋଟିଏ ସ୍ତ୍ରୀ ଥାନ୍ତି ତେବେ ସେ ଆଇନ ବିରୋଧୀ ହୋଇଥାନ୍ତି। ଇରିଟ୍ରିଆର ଏହି ସ୍ବତନ୍ତ୍ର ପ୍ରଥା ପାଇଁ ଅନେକ ସମାଲୋଚନାର ଶିକାର ହେବାକୁ ପଡ଼ିଛି। କିନ୍ତୁ ନିଜ ଦେଶ ମଧ୍ୟରେ ସମସ୍ୟାର ସମାଧାନ ପାଇଁ ସର୍ବଦଳୀୟ ସମାଲୋଚନା ପରେ ଏପରି ଅଦ୍ଭୁତ ନିଷ୍ପତ୍ତି ନେବାକୁ ବାଧ୍ୟ ହୋଇଛି।
