ଗରୁଣ ପୁରାଣ ମୃତ୍ୟୁ ଏବଂ ଆତ୍ମା ସହିତ ଜଡିତ ଗୁପ୍ତ କଥା ପ୍ରକାଶ କରେ। ଗରୁଡ଼ ପୁରାଣ ଅନୁସାରେ, ଶରୀରର ନଅଟି ଦ୍ୱାର ଅଛି । ମୃତ୍ୟୁ ସମୟରେ ଆତ୍ମା ଶରୀରର ଏହି ନଅଟି ଦ୍ୱାର ମଧ୍ୟରୁ ଗୋଟିଏରୁ ବାହାରି ଯାଏ। ଯେତେବେଳେ ଜଣେ ବ୍ୟକ୍ତିର ମୃତ୍ୟୁ ହୁଏ ତେବେ ଶରୀରର କେଉଁ ଅଂଶରୁ ଆତ୍ମା ବାହାରି ଯାଏ? ପୁରାଣରେ କୁହାଯାଇଛି ଯେ ବ୍ୟକ୍ତିର କର୍ମ ଅନୁସାରେ, ତାର ଆତ୍ମା ଶରୀରର ବିଭିନ୍ନ ଅଂଶରୁ ଶରୀର ଛାଡିଥାଏ।
ଶରୀରର କେଉଁ ଦ୍ୱାରରୁ ମଣିଷର ଆତ୍ମା ବାହାରକୁ ଯାଏ, ତାହା ତା’ର ସ୍ବଭାବ ଏବଂ କର୍ମ ଅନୁସାରେ ର୍ନିଣ୍ଣୟ କରାଯାଏ। ଉଦାହରଣ ସ୍ବରୂପ, ଯେତେବେଳେ ଜଣେ ବ୍ୟକ୍ତି ମୃତ୍ୟୁବରଣ କରନ୍ତି, ପ୍ରାୟତଃ ତାଙ୍କର ମୁହଁ କିମ୍ବା ଆଖି ଖୋଲା ରହିଥାଏ, କାରଣ ତାଙ୍କ ଆତ୍ମା ତାଙ୍କ ମୁହଁ କିମ୍ବା ଆଖି ଦେଇ ବାହାରି ଯାଏ।
ଆତ୍ମା ଶରୀରର ୯ଟି ଦ୍ୱାର ଦେଇ ଶରୀର ଛାଡିଥାଏ। ୯ଟି ଦ୍ୱାର ହେଉଛି ଉଭୟ ଆଖି, ଉଭୟ କାନ, ମୁହଁ, ଉଭୟ ନାକ ଏବଂ ଶରୀରର ଉଭୟ ମଳତ୍ୟାଗ ଅଙ୍ଗ। ଯେଉଁ ବ୍ୟକ୍ତି ନିଜର ସମଗ୍ର ଜୀବନକୁ ଈଶ୍ୱରଙ୍କ ପୂଜାରେ ଉତ୍ସର୍ଗ କରିଛନ୍ତି, ତାଙ୍କ ଆତ୍ମା ନାକ ଦେଇ ଶରୀର ଛାଡିଥାଏ। ଏହାକୁ ଭାଗ୍ୟବାନ ବୋଲି ବିବେଚନା କରାଯାଏ।
ଏହିପରି ଜଣେ ପାପୀ ବ୍ୟକ୍ତିଙ୍କ ଆତ୍ମା ମଳତ୍ୟାଗ ଅଙ୍ଗ ମାଧ୍ୟମରେ ଶରୀର ଛାଡିଥାଏ। ଏହାକୁ ଅତ୍ୟନ୍ତ ଅଶୁଭ ବୋଲି ବିବେଚନା କରାଯାଏ। ଯେତେବେଳେ ଏପରି ଲୋକମାନେ ମୃତ୍ୟୁ ସମୟରେ ଯମଙ୍କ ଦୂତମାନଙ୍କୁ ଦେଖନ୍ତି, ସେମାନେ ଭୟଭୀତ ହୋଇଯାଆନ୍ତି ଏବଂ ସେମାନଙ୍କର ଆତ୍ମା ତଳକୁ ଗତି କରିବାକୁ ଲାଗେ। ଏହା ପରେ, ମଳ କିମ୍ବା ପରିସ୍ରାର ଦ୍ୱାର ଦେଇ ଜୀବନୀ ବାୟୁ ବାହାରକୁ ଆସେ। ଏପରି ଲୋକମାନେ ମୃତ୍ୟୁ ସମୟରେ ପରିସ୍ରା ଏବଂ ମଳ ତ୍ୟାଗ କରନ୍ତି।
ଗରୁଡ଼ ପୁରାଣ ଅନୁସାରେ, ଯେଉଁମାନେ ସାଂସାରିକ କାମନାରେ ପୀଡିତ ଏବଂ ବଞ୍ଚିବାର ପ୍ରବଳ ଇଚ୍ଛା ରଖନ୍ତି, ସେମାନଙ୍କର ଜୀବନ ଆଖି ଦେଇ ଚାଲିଯାଏ। ଯମରାଜଙ୍କ ଦୂତମାନେ ବଳପୂର୍ବକ ତାଙ୍କ ଜୀବନ ନେଇଯାଆନ୍ତି, ଯାହା ଫଳରେ ତାଙ୍କ ଆଖି ଓଲଟାଇ ଯାଏ। ଯେଉଁ ବ୍ୟକ୍ତି ସର୍ବଦା ଧାର୍ମିକତାର ପଥ ଅନୁସରଣ କରିଆସିଛି, ତାଙ୍କର ଆତ୍ମା ମୁଖରୁ ପ୍ରତ୍ୟାବର୍ତ୍ତନ କରେ ଏବଂ ଏପରି ଆତ୍ମା ସ୍ବର୍ଗକୁ ଯାଏ।
