ଖଣିଜ ଚୋରା ଚାଲାଣ ପାଇଁ ହ୍ବାଟ୍‌ସଆପ୍‌ ଗ୍ରୁପ୍‌

ଓଡ଼ାପଡ଼ା,୧୦।୭(ଡି.ଏନ୍‌.ଏ.)ଢେଙ୍କାନାଳ ଜିଲା ଓଡ଼ାପଡ଼ା ତହସିଲରେ ବାଡ଼ ଖାଉଛି ଫସଲ। ଚଢ଼ାଉ ପୂର୍ବରୁ ପ୍ରଶାସନର ବ୍ଲୁ-ପ୍ରିଣ୍ଟ ସମ୍ପର୍କରେ ତହସିଲ କର୍ମଚାରୀ ଅସାଧୁ ବ୍ୟବସାୟୀଙ୍କୁ ପଠାଇ ଦେଉଛନ୍ତି ସୂଚନା। ଏଥିପାଇଁ ସ୍ବତନ୍ତ୍ର ଭାବେ ତିଆରି ହୋଇଛି ହ୍ବାଟ୍‌ସଆପ୍‌ ଗ୍ରୁପ୍‌। ଅଧିକାରୀମାନେ ଚଢ଼ାଉ ସମୟରେ କେଉଁ ଗାଡ଼ି ବ୍ୟବହାର କରୁଛନ୍ତି, କେତେଜଣ ଯାଉଛନ୍ତି, ଗାଡ଼ିର ନମ୍ବର, ରୁଟ୍‌ ମ୍ୟାପ୍‌ ସବୁ କିଛି ଆଗୁଆ ପହଞ୍ଚତ୍ ଯାଉଛି ଖଣିଜ ଚାଲାଣକାରୀଙ୍କ ପାଖରେ। ତହସିଲର ଜଣେ କର୍ମଚାରୀ ଏବଂ ଚୋରା ବ୍ୟବସାୟୀଙ୍କ ମଧ୍ୟରେ ହୋଇଥିବା ବାର୍ତ୍ତାଳାପର ଅଡିଓ ଭାଇରାଲ ହେବା ପରେ ଏହି କାରବାର ପଛରେ ଏକ ର଼୍ୟାକେଟ କାମ କରୁଥିବା ଚର୍ଚ୍ଚା ଜୋର୍‌ ଧରିଛି। ଏଥିରୁ ଖଣିଜ ଚୋରା ଚାଲାଣର ଚେର ବହୁତ ଗହୀରକୁ ଲମ୍ବିଥିବା ଅନୁମାନ କରାଯାଉଛି।
ଢେଙ୍କାନାଳ ଜିଲାରେ ଲଘୁ ଖଣିଜ ଦ୍ରବ୍ୟ ଚୋରା ଚାଲାଣ ରୋକିବାକୁ ଜିଲା ପ୍ରଶାସନ ପକ୍ଷରୁ ନିକଟରେ ସ୍ବତନ୍ତ୍ର ଯୋଜନା କରାଯାଇଛି। ଲଘୁ ଖଣିଜ ଚୋରା ଚାଲାଣ ରୋକିବାରେ ବିଫଳ ଓଡ଼ାପଡ଼ା ସମେତ ୬ ବ୍ଲକର ତହସିଲଦାରଙ୍କୁ କାରଣ ଦର୍ଶାଅ ନୋଟିସ୍‌ ମଧ୍ୟ ଜାରି କରାଯାଇଛି। ଏହାପରେ ବ୍ଲକ ଅଞ୍ଚଳରେ ଚଢ଼ାଉକୁ ଜୋର୍‌ଦାର କରାଯାଇଛି। ହେଲେ ଅସାଧୁ କର୍ମଚାରୀଙ୍କ ସହ ମାଫିଆଙ୍କ ଲିଙ୍କ୍‌ ଯୋଗୁ ପ୍ରଶାସନର ଯୋଜନା ଫସର ଫାଟିବା ଭଳି ପରିସ୍ଥିତି ସୃଷ୍ଟି ହୋଇଛି।
୪ ରାଜସ୍ବ ସର୍କଲକୁ ନେଇ ଗଠିତ ଓଡ଼ାପଡ଼ା ତହସିଲ ଲଘୁ ଖଣିଜରେ ଭରପୂର। ଅଞ୍ଚଳରେ ମିଳୁଥିବା କଳାମୁଗୁନି ପଥରର ଚାହିଦା ରାଜ୍ୟ ସମେତ ରାଜ୍ୟ ବାହାରେ ମଧ୍ୟ ରହିଛି। ବ୍ରାହ୍ମଣୀ ନଦୀର ବାଲି ମଧ୍ୟ ନିର୍ମାଣ କାର୍ଯ୍ୟ ଲାଗି ବେଶ୍‌ ଉପଯୋଗୀ। ଫଳରେ ଏହି ଲଘୁ ଖଣିଜ ଦ୍ରବ୍ୟର ଉତ୍ସଗୁଡ଼ିକ ଉପରେ ଅସାଧୁ ବ୍ୟବସାୟୀଙ୍କ ନଜର ପଡ଼ିଛି। ଦୈନିକ ଶତାଧିକ ଟ୍ରକ୍‌ କଳା ମୁଗୁନି ପଥର ଚୋରାରେ ଉତ୍ତୋଳନ କରାଯାଉଛି। ସେଥିରୁ ପ୍ରସ୍ତୁତ ଚିପ୍ସ ବିଭିନ୍ନ ସ୍ଥାନକୁ ଚାଲାଣ ହେଉଛି। ସୂଚନା ଅନୁଯାୟୀ, ବ୍ଲକରେ ୧୫ ଊର୍ଦ୍ଧ୍ୱ ସଇରାତ ନିଲାମ କରାଯାଇଛି। ଚୋରାରେ ୧୦୦ ଖଣିରୁ ଅଧିକ ଚାଲୁଥିବା ବିଶ୍ୱସ୍ତସୂତ୍ରରୁ ଜଣାପଡ଼ିଛି। ଏସବୁ ଖାଦାନରେ ଚଢ଼ାଉ କରିବା ଲାଗି ଜିଲା ପ୍ରଶାସନର ନିର୍ଦ୍ଦେଶରେ ତହସିଲ ଅଧିକାରୀ ଏବଂ କର୍ମଚାରୀଙ୍କୁ ନେଇ ସ୍ବତନ୍ତ୍ର ଗ୍ରୁପ୍‌ ଗଠନ କରାଯାଇଛି। ତେବେ ତଳୁଆ କର୍ମଚାରୀଙ୍କ କାର୍ଯ୍ୟକଳାପ ଯୋଗୁ ଯେଉଁ ଲକ୍ଷ୍ୟ ନେଇ ଉକ୍ତ ଗ୍ରୁପ୍‌ କରାଯାଇଛି ତାହା ସଫଳ ହୋଇପାରୁନାହିଁ। ଚଢ଼ାଉ ପୂର୍ବରୁ ସବିଶେଷ ତଥ୍ୟ ଚୋରା ବ୍ୟବସାୟୀଙ୍କୁ ମିଳିଯାଉଛି। ଫଳରେ ଚୋରା ଖଣିଜ ଦ୍ରବ୍ୟ ରୋକିବାରେ ପ୍ରଶାସନ ସଫଳ ହୋଇପାରୁ ନ ଥିବାବେଳେ ଚଢ଼ାଉ ବେଳେ ଅନେକ ସମୟରେ ଅଧିକାରୀଙ୍କୁ ଖାଲି ହାତରେ ଫେରିବାକୁ ପଡୁଛି। ଚୋରାଚାଲାଣ ଯୋଗୁ ମୁନାଫାଖୋର୍‌ ବ୍ୟବସାୟୀ ମାଲାମାଲ ହେଉଥିବାବେଳେ ରାଜସ୍ବ ଆଦାୟ କମି ଚାଲିଛି। ଅନ୍ୟପକ୍ଷରେ ଏପରି କାର୍ଯ୍ୟକଳାପ ଯୋଗୁ ନିଲାମ ନେଇ ଲଘୁ ଖଣିଜ ଦ୍ରବ୍ୟ ଉତ୍ସ ଚଳାଉଥିବା ବ୍ୟବସାୟୀ କ୍ଷତି ସହୁଛନ୍ତି। ଭାଇରାଲ ହୋଇଥିବା ଅଡିଓର ବୈଷୟିକ ଯାଞ୍ଚ କରାଗଲେ ଏଥିରେ ସମ୍ପୃକ୍ତ କର୍ମଚାରୀଙ୍କ ବିରୋଧରେ ବହୁ ତଥ୍ୟ ପଦାକୁ ଆସିବା ସହ ପ୍ରକୃତ ସତ୍ୟାସତ୍ୟ ଜଣାପଡ଼ିବ ବୋଲି ସାଧାରଣରେ ଚର୍ଚ୍ଚା ହେଉଛି। ଘଟଣା ସମ୍ପର୍କରେ ଉପଜିଲାପାଳ ସାଫଲ୍ୟ ମଣ୍ଡିତ ପ୍ରଧାନ କୁହନ୍ତି, ଅଡିଓ ଭାଇରାଲ ନେଇ ତାଙ୍କ ନିକଟରେ ସୂଚନା ରହିଛି। ଏ ସଂକ୍ରାନ୍ତରେ ତହସିଲଦାରଙ୍କ ସହ ଆଲୋଚନା କରାଯିବା ପରେ ଆବଶ୍ୟକ ପଦକ୍ଷେପ ନିଆଯିବ ବୋଲି ସେ ସୂଚନା ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

୪ ମାସ ପରେ ହୋଇଥାନ୍ତା ବାହାଘର: ପ୍ରେମିକାଙ୍କୁ ଅପହରଣ ପରେ ହତ୍ୟା କଲେ ପ୍ରେମିକ

ବ୍ରହ୍ମଗିରି,୨୫ା ୦୭(ଡି.ଏନ.ଏ): ପ୍ରଥମେ ପ୍ରେମ। ତା’ପରେ ପ୍ରତାରଣା କରି ଶେଷରେ ପ୍ରେମିକାକୁ ଅପହରଣ କରି ହତ୍ୟା କରିଛି ପ୍ରେମିକ। ସମସ୍ତ ପ୍ରମାଣକୁ ଲୁଚାଇବାକୁ ଯାଇ ଗାଁଠାରୁ...

ଚତୁର୍ଥ ଶନିବାର ବିଭାଗୀୟ କାର୍ଯ୍ୟ ସମୀକ୍ଷା କଲେ ଜିଲାପାଳ : ପ୍ରତି ସପ୍ତାହରେ ଲୋକଙ୍କ ନିକଟକୁ ଯିବାକୁ ନିର୍ଦ୍ଦେଶ

ଅନୁଗୋଳ ଅଫିସ, ୨୫।୮ – ଅଗଷ୍ଟ ମାସର ଚତୁର୍ଥ ଶନିବାରରେ ଅନୁଗୋଳ ଜିଲାପାଳ ବିଭିନ୍ନ ବିଭାଗର ଉନ୍ନୟନ କାର୍ଯ୍ୟର ସମୀକ୍ଷା କରିଛନ୍ତି। ସମସ୍ତ ଅଧିକାରୀଙ୍କୁ ଜିଲାପାଳ...

ନକଲି ଆଇଆରଏସ ଅଧିକାରୀଙ୍କୁ ୬ ବର୍ଷ ଜେଲ ଦଣ୍ଡ

ବାରିପଦା ଅଫିସ,୧ା୮- ମୟୂରଭଞ୍ଜ ଜିଲା ବାରିପଦା ସ୍ଥିତ ଏସଡିଜେଏମ କୋର୍ଟର ବିଚାରପତି ସୁମିତା ଆଚାର୍ଯ୍ୟ ବୁଧବାର ଏକ ଠକେଇ ମାମଲାର ବିଚାର କରି ଜଣେ ନକଲି...

ଖୋଲା ଆକାଶ ତଳେ ଅସହାୟ ପରିବାର: ମିଳୁନି ସରକାରୀ ସୁବିଧା

ତରବୋଡ଼,୩।୧(ଡି.ଏନ.ଏ): ନୂଆପଡ଼ା ଜିଲା ସିନାପାଲି ବ୍ଲକ ଲିଟିଗୁଡା ପଞ୍ଚାୟତ କୋକପଦର ଗ୍ରାମ ଜଙ୍ଗଲ ନିକଟରେ ରୁହନ୍ତି କାହ୍ନୁ ମାଝୀ(୫୦)। ସ୍ତ୍ରୀ ବାସନ୍ତି ମାଝୀ(୪୫) ଓ ପୁଅ...

ରେଳ ଧାରଣାରେ ପଡିଛି ଅଜଣା ଯୁବକଙ୍କ ମୃତଦେହ

ଚଣ୍ଡିଖୋଲ,୨୭।୧୦(ଡି.ଏନ୍‌.ଏ): ଯାଜପୁର ଜିଲା ହରିଦାସପୁର-ଧାନମଣ୍ଡଳ ଖୋସାଲିପୁର ରେଳ ଧାରଣା ନିକଟରୁ ଏକ ମୃତଦେହ ମିଳିଛି। ଖବରପାଇ ପୋଲିସ ଘଟଣାସ୍ଥଳରେ ପହଞ୍ଚି ଛାନ୍‌ଭିନ୍‌ ଆରମ୍ଭ କରିଛି। ସୂଚନାଯୋଗ୍ୟ,...

ଲଗାଣ ବର୍ଷା : ଫସଲ ହାନୀ ସମ୍ଭାବନାକୁ ନେଇ ଚିନ୍ତାରେ ଚାଷୀ

ରାଜଗାଙ୍ଗପୁର/କୁତ୍ରା, ୨୪।୧୦ (ଡି.ଏନ.ଏ)-  ସୁନ୍ଦରଗଡ ଜିଲା ରାଜଗାଙ୍ଗପୁର ଓ କୁତ୍ରା ବ୍ଲକ ଅଞ୍ଚଳରେ ବୁଧବାର ଅପରାହ୍ନରୁ ଲଗାଣ ବର୍ଷା ଲାଗି ରହିଛି। ଫଳରେ ଫସଲହାନୀ ସମ୍ଭାବନାକୁ...

ଭଏସ୍‌ ଅଫ ନୟାଗଡ଼ ସିଜିନ୍‌ ୨: ବାଜି ମାରିଲେ ମୋନାଲିସା

ନୟାଗଡ଼ ଅଫିସ,୯ା୧୨: ଜିଲାର ଯୁବ କଣ୍ଠଶିଳ୍ପୀଙ୍କୁ ଲୋକଲୋଚନ ଆଣିବା ଲକ୍ଷ୍ୟରେ ନୟାଗଡ଼ କ୍ଲବ ପକ୍ଷରୁ ଆୟୋଜିତ ଭଏସ୍‌ ଅଫ ନୟାଗଡ଼ ସିଜିନ୍‌-୨ରେ ମୋନଲିସା ସ୍ବାଇଁ ବାଜି...

କୁଆମରାରେ ହାତୀ ଉପଦ୍ରବ

କୁଆମରା,୨୭ା୧୨(ଡି.ଏନ୍‌.ଏ.): ବାଲେଶ୍ୱର ଜିଲା ନୀଳଗିରିର କୁଲଡ଼ିହା ଅଞ୍ଚଳରୁ ଏକ ଦନ୍ତା ସମେତ ମୋଟ ୭ଟି ହାତୀ କୁଆମରା ଫରେଷ୍ଟ ଅଞ୍ଚଳରେ ପ୍ରବେଶ କରିବାରୁ ସାଧାରଣରେ ଆତଙ୍କ...

Advertisement
Archives

Model This Week