ତ୍ରିନିଦାଦ,୨୦।୭: ତ୍ରିନିଦାଦ ସ୍ଥିତ କୁଇନ୍ ପାର୍କ ଓଭାଲ ପୋର୍ଟ ଅଫ ସ୍ପେନ ଷ୍ଟାଡିୟମରେ ଭାରତ ଏବଂ ୱେଷ୍ଟଇଣ୍ଡିଜ ମଧ୍ୟରେ ଖେଳାଯାଉଥିବା ଟେଷ୍ଟ ସିରିଜର ଦ୍ୱିତୀୟ ମ୍ୟାଚ୍ରେ ୱେଷ୍ଟଇଣ୍ଡିଜ ଟସ୍ ଜିତି ବୋଲିଂ ନିଷ୍ପତ୍ତିି ନେଇଛି। ଫଳରେ ଆମନ୍ତ୍ରଣ ପାଇ ଭାରତ ବ୍ୟାଟିଂ ଆରମ୍ଭ କରିଛି। ଭାରତର ଦୁଇ ଓପନର ଅଧିନାୟକ ରୋହିତ ଶର୍ମା ଏବଂ ଯଶସ୍ବୀ ଜସ୍ୱାଲ କ୍ରିଜ୍ରେ ଥିବା ବେଳେ ୬ ଓଭର ଖେଳ ସୁଦ୍ଧା ଦଳୀୟ ସ୍କୋର ୨୮ ରନ୍ରେ ପହଞ୍ଚିଛି।
ପ୍ରଥମ ଟେଷ୍ଟ ମ୍ୟାଚରେ ଭାରତ ୱେଷ୍ଟଇଣ୍ଡିଜକୁ ଏକ ଇନିଂସ ଏବଂ ୧୪୧ ରନ୍ରେ ପରାସ୍ତ କରିଥିଲା। ଏଥି ସହିତ ଦ୍ୱିତୀୟ ଟେଷ୍ଟ ଜିତି ସିରିଜ୍ କବଜା କରିବାର ଲକ୍ଷ୍ୟ ରଖଛି।
ଭାରତ: ରୋହିତ ଶର୍ମା(ଅଧିନାୟକ), ଯଶସ୍ବୀ ଜସ୍ୱାଲ, ଶୁଭମାନ ଗିଲ, ବିରାଟ କୋହଲି, ଆଜିଙ୍କ୍ୟ ରାହାନେ, ରବିନ୍ଦ୍ର ଜାଡେଜା, ଇଶାନ କିଷନ, ରବିଚନ୍ଦ୍ରନ ଅଶ୍ୱିନ, ଜୟଦେବ ଉନାଦକତ, ମୁକେଶ କୁମାର, ମହମ୍ମଦ ସିରାଜ
ୱେଷ୍ଟଇଣ୍ଡିଜ: କ୍ରେଗ ବ୍ରାଥୱାଇଟ(ଅଧିନାୟକ), ଟାଗନାରିନ ଚାନ୍ଦପାଲ, ର୍କିକ ମ୍ୟାକେଙ୍କି, ଜେରମାଇନ ବ୍ଲାକଉଡ, ଆଲିକ ଆଥାନାଜ, ଜୋଶୁଆ ଡା ସିଲଭା (ଉଇକେଟ କିପର), ଜେସନ ହୋଲ୍ଡର, ଅଲଜାରି ଜୋସେଫ, କେମର ରୋଚ, ଜୋମେଲ ୱାରିକାନ, ଶାନନ ଗାବ୍ରିଏଲ
