ଢାକା, ୧୫ା୨ (ଏପି)- ବାଂଲାଦେଶ ବିପକ୍ଷ ଦ୍ୱିତୀୟ ତଥା ଅନ୍ତିମ କ୍ରିକେଟ ମ୍ୟାଚ୍କୁ ଓ୍ବେଷ୍ଟଇଣ୍ଡିଜ ୧୭ ରନରେ ଜିତି ନେଇଛି। ଏଥିସହିତ ଭ୍ରମଣକାରୀ ଦଳ ୨-୦ରେ କ୍ଲିନ ସୁଇପ୍ ସିରିଜ ବିଜୟ ହାସଲ କରିଛି। ପ୍ରଥମ ଟେଷ୍ଟରେ ଓ୍ବେଷ୍ଟଇଣ୍ଡିଜ ୩୯୫ରନର ବିଶାଳ ବିଜୟ ଲକ୍ଷ୍ୟକୁ ହାସଲ କରିଥିଲା। ଦଳ ୩ ଉଇକେଟରେ ଘରୋଇ ଦଳକୁ ପରାସ୍ତ କରିଥିଲା। ରବିବାର ଶେଷ ହୋଇଥିବା ଦ୍ୱିତୀୟ ଟେଷ୍ଟରେ ଓ୍ବେଷ୍ଟଇଣ୍ଡିଜକୁ ଜିତାଇବାରେ ଅଫ୍ସ୍ପିନର ରକିମ କର୍ନଓ୍ବାଲ ବିଶେଷ ଭୂମିକା ଗ୍ରହଣ କରିଥିଲେ। ମେହିଦି ହସନଙ୍କ ଲଢୁଆ ବ୍ୟାଟିଂ ସତ୍ତ୍ୱେ ସେ ମ୍ୟାଚରେ ୧୭୯ ରନ ବିନିୟରେ ୯ ଉଇକେଟ ଦଖଲ କରିଥିଲେ। ମ୍ୟାଚରେ ବିଜୟ ହାସଲ କରିବା ଲାଗି ବାଂଲାଦେଶ ସମ୍ମୁଖରେ ୨୩୧ ରନର ଟାର୍ଗେଟ ରହିଥିଲା। କର୍ନଓ୍ବାଲ ପ୍ରଥମ ଇନିଂସରେ ୭୪ ରନ ବିନିମୟରେ ୫ ଏବଂ ଦ୍ୱିତୀୟ ଇନିଂସରେ ୧୦୫ ରନ ଦେଇ ୪ ଉଇକେଟ ଅକ୍ତିଆର କରିବାରୁ ଘରୋଇ ଦଳ ଏହାର ଦ୍ୱିତୀୟ ଇନିଂସରେ ୨୧୩ରେ ଅଲଆଉଟ ହୋଇଯାଇଥିଲା। ଓ୍ବେଷ୍ଟଇଣ୍ଡିଜର ଏହି ଅପ୍ ସ୍ପିନର ମ୍ୟାଚର ବିଭିନ୍ନ ମୁହୂର୍ତ୍ତରେ ଏକାଧିକ ମହତ୍ତ୍ୱପୂର୍ଣ୍ଣ ପାର୍ଟନରଶିପ୍ ଭଙ୍ଗ କରିଦେଇଥିଲେ।
କର୍ନଓ୍ବାଲ ପ୍ଲେୟର ଅଫ୍ ଦି ମ୍ୟାଚ ଏବଂ ଏନ୍କ୍ରୁମା ବୋନର ପ୍ଲେୟର ଅଫ୍ ଦି ସିରିଜ ବିବେଚିତ ହୋଇଥିଲେ।
ସଂକ୍ଷିପ୍ତ ସ୍କୋର
ଓ୍ବେଷ୍ଟଇଣ୍ଡିଜ ପ୍ରଥମ ଇନିଂସ: ୪୦୯
ବାଂଲାଦେଶ ପ୍ରଥମ ଇନିଂସ: ୨୯୬
ଓ୍ବେଷ୍ଟଇଣ୍ଡିଜ ଦ୍ୱିତୀୟ ଇନିଂସ: ୧୧୭
ବାଂଲାଦେଶ ଦ୍ୱିତୀୟ ଇନିଂସ: ୨୧୩ (ତାମିମ ଇକ୍ବାଲ-୫୦, ମେହିଦି ହସନ-୩୧, ମୋମିନୁଲ ହକ୍-୨୬; କର୍ନଓ୍ବାଲ-୪/୧୦୫, ଜୋମେଲ ଓ୍ବାରିକାନ୍-୩/୪୭, କ୍ରେଗ୍ ବ୍ରାଥଓ୍ବେଟ୍-୩/୨୫ )।
