କୋଲକାତା,୭।୯: ପଶ୍ଚିମବଙ୍ଗର ନଦିଆ ଜିଲାରେ ଏକ ଅଭାବନୀୟ ଘଟଣା ଘଟିଛି। ପବଜୀ ବ୍ୟାନ୍ ପରେ ଭାଙ୍ଗିପଡିଥିବା ଜଣେ ୨୧ ବର୍ଷୀୟ ଛାତ୍ର ଆତ୍ମହତ୍ୟା କରିଥିବା ଅଭିଯୋଗ ହୋଇଛି। ଏହି ମାମଲା ଚକଦାହ ପୋଲିସ ଷ୍ଟେଶନ ଅଞ୍ଚଳର ପୁରବା ଲାଲପୁରର ବୋଲି ଜଣାପଡିଛି। ପୋଲିସ ଘଟଣାସ୍ଥଳରୁ କୌଣସି ଆତ୍ମହତ୍ୟା ନୋଟ ଉଦ୍ଧାର କରି ନାହିଁ। ପୋଲିସ କହିଛି ଯେ ଆଇଟିଆଇ ଛାତ୍ର ପ୍ରୀତମ ହଲଦାର ନିଜ କୋଠରୀରେ ଫାଶୀ ଲଗାଇ ଦେଇଛନ୍ତି। ଛାତ୍ରଙ୍କ ମା ରତ୍ନା କହିଛନ୍ତି ଯେ ତାଙ୍କ ପୁଅ ପ୍ରୀତମ ପବଜୀ ନିଷେଧାଦେଶ ପରେ ସମ୍ପୂର୍ଣ୍ଣ ଭାଙ୍ଗିପଡିଥିଲେ। ମଧ୍ୟାହ୍ନ ଭୋଜନ ପାଇଁ ପୁଅକୁ ଡାକିବାକୁ ଯାଇଥିଲି, ତା ରୁମ୍ ଭିତରୁ ବନ୍ଦ ଥିଲା। ବାରମ୍ବାର ଠକ ଠକ କରିବା ପରେ ମଧ୍ୟ କବାଟ ଖୋଲି ନ ଥିଲା। ତେଣୁ ମୁଁ ପଡ଼ୋଶୀମାନଙ୍କୁ ଡାକିଥିଲି। କବାଟ ଭାଙ୍ଗି ଭିତରକୁ ପ୍ରବେଶ କଲାବେଳକୁ ପୁଅକୁ ଫ୍ୟାନରେ ଝୁଲୁଥିବାର ଦେଖିଲେ। ପ୍ରୀତମଙ୍କ ପିତା ବିଶ୍ୱଜିତ ହାଲଦାର ଜଣେ ଅବସରପ୍ରାପ୍ତ ସେନା କର୍ମଚାରୀ। ମାତା ରତ୍ନା ଜଣେ ଗୃହିଣୀ । ପ୍ରୀତମଙ୍କର ଏକ ସାନ ଭଉଣୀ ମଧ୍ୟ ଅଛନ୍ତି। ସୂଚନାଯୋଗ୍ୟ, ସରକାର ପବଜୀ ସମେତ ଚାଇନାରେ ୧୧୮ଟି ଆପ ଉପରେ ପ୍ରତିବନ୍ଧକ ଲଗାଇଛି।
