କନ୍ଦାଉଛି ରାସ୍ତା ପାର୍ଶ୍ୱ କଟକଣା

ଅନୁଗୋଳ ଅଫିସ, ୧୧।୧୧ – ମାତ୍ର ତିନିଦିନ ପରେ ଦୀପାବଳି। କରୋନା କାଳ ହୋଇ ନ ଥିଲେ ଏତେବେଳକୁ ଦୀପ ଓ ବାଣ ବ୍ୟବସାୟ ଶିଖର ଛୁଉଁଥାଆନ୍ତା। ରାସ୍ତା ପାର୍ଶ୍ୱରେ ଭଳିକି ଭଳି ଦୋକାନ ଚମକୁଥାନ୍ତା। ସକାଳୁ ସନ୍ଧ୍ୟା ଯାଏ ଗ୍ରାହକଙ୍କ ଭିଡ଼ ଦେଖିବାକୁ ମିଳିଥାନ୍ତା। କିନ୍ତୁ ମହାମାରୀ କୋଭିଡ୍‌-୧୯ ପାଇଁ ଚଳିତବର୍ଷ ସବୁ ଉତ୍ସବ କଡ଼ା କଟକଣା ମଧ୍ୟରେ ପାଳନ କରାଯାଉଛି। ଦୀପାବଳିରେ ବାଣ ବିକ୍ରି ଓ ଫୁଟାଇବା ନିଷେଧ କରାଯାଇଛି। ଏପରି କି ରାସ୍ତା ପାର୍ଶ୍ୱରେ ବସି ଦୀପ ବିକିବାକୁ ମଧ୍ୟ ବାରଣ କରାଯାଇଛି। ହେଲେ ସଂକ୍ରମଣ ବୃଦ୍ଧି ରୋକିବାକୁ ଏହି ସରକାରୀ କଟକଣା ଦୀପ କାରିଗର, ବ୍ୟବସାୟୀଙ୍କୁ କନ୍ଦାଇବାରେ ଲାଗିଛି।
ଅନୁଗୋଳ ସହରକୁ ଛେଳିଆପଡ଼ା କୁମ୍ଭାର ସାହି ଦୀପ ଯୋଗାଇଥାଏ। ଦୀପାବଳି ପୂର୍ବରୁ ଏହି ଗାଁ ଚଳଚଞ୍ଚଳ ହୋଇଉଠେ। ଏଠାରେ ଥିବା ୩୦ରୁ ୪୦ ପରିବାର ଦେଢ଼ମାସ ପୂର୍ବରୁ ନିର୍ମାଣ କାର୍ଯ୍ୟରେ ଲାଗିପଡ଼ିଥାନ୍ତି। ଚାହିଦା ଅନୁସାରେ ଏହି କାରିଗରମାନେ କମ୍‌ ଅର୍ଥରେ ସାମଗ୍ରୀ ଯୋଗାଉଥିବାରୁ ବହୁ ଦୂରଦୂରାନ୍ତ ଗ୍ରାହକ, ବ୍ୟବସାୟୀମାନେ ଛେଳିଆପଡ଼ା ଆସିଥାନ୍ତି। ସାଧାରଣତଃ ଏହି ରାସ୍ତା ଦେଇ ଯାଉଥିବା ଲୋକେ ଗାଁ ଛକରେ ପସରା ମେଲାଇଥିବା କାରିଗରଙ୍କଠାରୁ ଦୀପ କିଣିଥାନ୍ତି। ଫଳରେ ଗୋଟିଏ ଗୋଟିଏ ପରିବାର ୧୦ରୁ ୧୫ ହଜାର ଦୀପ ବିକ୍ରି କରିଥାନ୍ତି। ଚଳିତବର୍ଷ କରୋନା ସଂକ୍ରମଣକୁ ଦୃଷ୍ଟିରେ ରଖି ସରକାର ବାଣ ବିକ୍ରି ବନ୍ଦ ନିର୍ଦ୍ଦେଶ ଦେଇଥିବାରୁ ଦୀପ ବେପାର ଭଲ ହେବ ବୋଲି ସମସ୍ତେ ଆଶା କରିଥିଲେ। ସେଥିପାଇଁ କାରିଗରମାନେ ଗତବର୍ଷ ଅପେକ୍ଷା ଅଧିକ ଦୀପ ତିଆରି କରିଥିଲେ। ହେଲେ ସରକାର ରାସ୍ତା କଡ଼ରେ ଦୀପ ବିକ୍ରି ମନା ବୋଲି କହିବା ପରେ ହତାଶ ହୋଇପଡ଼ିଛନ୍ତି ଏହି କାରିଗର ଓ ବ୍ୟବସାୟୀ। ସରକାରଙ୍କ ଏହି କଟକଣା କେବଳ ଛେଳିଆପଡ଼ା ନୁହେଁ, ଅନୁଗୋଳ ଜିଲାର ଶତାଧିକ ଦୀପ ବ୍ୟବସାୟୀଙ୍କୁ ନିରାଶ କରିଛି। ବସ୍ତା ବସ୍ତା ଦୀପ ଧରି ଗାଁ ଛକ, ରାସ୍ତା ପାର୍ଶ୍ୱରେ ବେପାର କରୁଥିବା କାରିଗରମାନେ ଏବେ କେଉଁଠି ଓ କିପରି ଏହାକୁ ବିକି ପାରିଶ୍ରମିକ ଉଠାଇବେ ତାହାକୁ ନେଇ ଚିନ୍ତାରେ ପଡ଼ିଛନ୍ତି।
କାରିଗରଙ୍କ ପେଟ ପୋଡ଼ିଯାଉଛି
ଦୀପାବଳି ପାଇଁ ୬ରୁ ୭ ପ୍ରକାରର ୧୫ ହଜାର ଦୀପ ତିଆରି କରାଯାଇଛି। ବର୍ତ୍ତମାନ ସୁଦ୍ଧା ୧୦ ହଜାର ବିକ୍ରି ହୋଇଯିବା କଥା। କିନ୍ତୁ ସରକାରଙ୍କ ରାସ୍ତା ପାର୍ଶ୍ୱ କଟକଣା ଯୋଗୁ ଛକମାନଙ୍କରେ ବସିପାରୁନୁ। ଗାଁକୁ ଗ୍ରାହକ ଆସୁ ନ ଥିବାରୁ କାରିଗରଙ୍କ ପେଟ ପୋଡ଼ିଯାଉଛି।
-ତ୍ରିପୁର ମୁଦୁଲି, କାରିଗର, ଛେଳିଆପଡ଼ା
ପାରିଶ୍ରମିକ ମିଳିବ କି ନାହିଁ ଦ୍ୱନ୍ଦ୍ୱ
କରୋନା ଭୂତାଣୁ ପାଇଁ ଚଳିତବର୍ଷ ଉତ୍ସାହ ନାହିଁ କି ବେପାର ନାହିଁ। ଦୀପ ନେବାକୁ ବ୍ୟବସାୟୀ କିମ୍ବା ଖାଉଟିଙ୍କ ଦର୍ଶନ ମିଳୁନି। ଫଳରେ ଦିନରାତି ପରିଶ୍ରମ କରି ଗଢ଼ିଥିବା ଦୀପ ବାବଦ ପାରିଶ୍ରମିକ ଉଠିବ କି ନାହିଁ ତାହାକୁ ନେଇ କାରିଗରମାନେ ଦ୍ୱନ୍ଦ୍ୱରେ ଅଛନ୍ତି।
-ନିରଞ୍ଜନ ମୁଦୁଲି, କାରିଗର, ଛେଳିଆପଡ଼ା
ପୂର୍ବବର୍ଷ ଭଳି ବେପାର ନାହିଁ
ଟଙ୍କାଏ ଠାରୁ ଆରମ୍ଭ କରି କୋଡ଼ିଏ ଟଙ୍କା ପର୍ଯ୍ୟନ୍ତ ଦୀପର ମୂଲ୍ୟ ରଖାଯାଇଛି। କିଣିବାକୁ ଲୋକ ଆସୁଥିଲେ ମଧ୍ୟ ଗତବର୍ଷ ଭଳି ଅଧିକ ପରିମାଣର ବିକ୍ରି ହେଉନି। ହାତରେ ଆଉ ମାତ୍ର ୩ଦିନ ଥିବାରୁ ଚଳିତବର୍ଷ ବ୍ୟବସାୟ ସେପରି ହେବାର ସମ୍ଭାବନା ଦେଖାଯାଉ ନାହିଁ। ସରକାର ରାସ୍ତା ପାର୍ଶ୍ୱରେ ବିକ୍ରି ଉପରେ କଟକଣା ଲଗାଇ ନ ଥିଲେ ଭଲ ହୋଇଥାନ୍ତା।
-ରଜତ ବେହେରା, ବ୍ୟବସାୟୀ, ଜରାସିଂହା
ବ୍ୟବସାୟୀ, କାରିଗର ନିରାଶ
ବାଣ ବିକ୍ରି ଓ ଫୁଟାଯିବା ଉପରେ ଏଥର କଟକଣା ଲଗାଯାଇଥିବାରୁ ଦୀପର ଚାହିଦା ବଢ଼ିବ ବୋଲି ଆଶା ଥିଲା। କିନ୍ତୁ ବିକ୍ରି ସ୍ଥାନ ବଦଳିଥିବାରୁ ବେପାର ପ୍ରଭାବିତ ହେଉଛି। ସରକାର ରାସ୍ତାପାର୍ଶ୍ୱରେ ବିକ୍ରି ପାଇଁ ଅନୁମତି ଦେଇଥିଲେ ବ୍ୟବସାୟୀ, କାରିଗର ସମସ୍ତେ ଲାଭବାନ ହୋଇଥାନ୍ତେ।
-ଚିକୁନ୍‌ ସାହୁ, ବ୍ୟବସାୟୀ


Enter your email to get our daily news in your inbox.

All Right Reserved By Dharitri.Com

ଅର୍ଡର ବାତିଲ ହେଲେ ଖୁସି ବାଣ୍ଟୁଛନ୍ତି ଡେଲିଭରି ବୟ ସଞ୍ଜୀବ

କଟକ ଅଫିସ,୨୯ା୫:କଟକର ଜଣେ ସ୍ବିଗି ଡେଲିଭରି ବୟଙ୍କ ପ୍ରଶଂସନୀୟ କାର୍ଯ୍ୟ ଏବେ ସୋସିଆଲ ମିଡ଼ିଆରେ ବେଶ୍‌ ଭାଇରାଲ ହେଉଛି। ଜଣେ ଅସହାୟ ବୃଦ୍ଧଙ୍କୁ ସେ ଏକ...

ଖାଉଟି ଠକେଇ

ନବରଙ୍ଗପୁର ଜିଲାରେ ଖାଉଟି ଠକାମିର ଶିକାର ହେଉଛନ୍ତି। ଏବେ ବି ଜିଲାରେ ମାଣ ଓ ଅଡା କାରବାର ହାଟ ବଜାରରେ ଦେଖିବାକୁ ମିଳୁଛି। ଆଦିବାସୀ ଅଧ୍ୟୁଷିତ...

ଜବତ ବଜ୍ରକାପ୍ତା ଜନ୍ମ ଦେଲା ଶାବକ

ବାରିପଦା ଅଫିସ,୧ା୧୧- ମୟୂରଭଞ୍ଜ ଜିଲା ବାରିପଦା ବନଖଣ୍ଡ ପକ୍ଷରୁ ଗତ ମଙ୍ଗଳବାର ରାତିରେ କୁଳିଅଣା ଥାନା ଅଧୀନ ଅସନଯୋଡ଼ା ନିକଟସ୍ଥ ଏକ ଢାବାରୁ ୧୮ କିଗ୍ରା...

ବ୍ରହ୍ମପୁରରେ ବନ୍ଦ ରହିଲା ବ୍ୟାଙ୍କ

ବ୍ରହ୍ମପୁର ଅଫିସ୍‌,୨୨ା୧୦- ରାଷ୍ଟ୍ରାୟାତ୍ତ ବ୍ୟାଙ୍କଗୁଡ଼ିକର ମିଶ୍ରଣ ପାଇଁ କେନ୍ଦ୍ର ସରକାର ଘୋଷଣା କରିବା ପରଠୁ ଏହାକୁ ନେଇ ବିବାଦ ସୃଷ୍ଟି ହୋଇଛି। ବ୍ୟାଙ୍କ କର୍ମଚାରୀଙ୍କର ବିଭିନ୍ନ...

ଆନ୍ଧ୍ରରୁ ରେଳ ଲାଇନ୍‌ରେ ଚାଲି ଚାଲି ଗାଁକୁ ଫେରିଲେ ୪ ଦାଦନ ଶ୍ରମିକ

କଣ୍ଟାବାଞ୍ଜି, ୧୬।୪(ଡି.ଏନ.ଏ.)- କରୋନା ମହାମାରର ସଂକ୍ରମଣ ରୋକିବା ପାଇଁ ସାରା ଦେଶ ଲକ୍‌ ଡାଉନ ରହିଛି। ଏଣୁ ଟ୍ରେନ୍‌ ସହ ଯାନବାହାନ ବନ୍ଦ ରହିଛି। ହେଲେ...

କଲେଜ ଛାତ୍ରୀଙ୍କୁ ଅପହରଣ

  ଭାପୁର,୧୫ା୧୨(ଡି.ଏନ୍‌.ଏ.): ଫତେଗଡ ଥାନା ଅଞ୍ଚଳର ଜଣେ ବିବାହିତ ଯୁବକ ଯୁକ୍ତ ୨ ଶ୍ରେଣୀରେ ପଢୁଥିବା ଛାତ୍ରୀଙ୍କୁ ଅପହରଣ କରିନେଇଥିବା ନେଇ ଥାନାରେ ଅଭିଯୋଗ ହୋଇଛି।...

ଚେତି ଶୁଇଛେ ପରଶାସନ:ଗଁ। ବାସୀକୁ ଘାରୁଛେ କିଡ଼୍‌ନୀ ରୋଗ୍‌ ଭଏ

ଗଣ୍ଡତୁରୁମ, ୨୯।୬ (ଡି.ଏନ୍‌.ଏ): ଭେଡ଼େନ ବ୍ଲକ ମହୁଲପାଲି ପଁଚେତ୍‌ ଟିହିକିପାଲି ଗଁ। ରେ କିଡ଼୍‌ନୀ ରୁଗୀକଁର ସଂଖ୍ୟା ଦିନୁଦିନ୍‌କେ ବଢ଼ବାରେ ଲାଗିଛେ। ଗଲା ୩ ବଛର...

କେଜିବିଭି ହଷ୍ଟେଲରେ ପାଣି ସମସ୍ୟା, ଛାତ୍ରୀଙ୍କୁ ଧମକଚମକ: ରାସ୍ତାକୁ ଓହ୍ଲାଇଲେ ଅନ୍ତେବାସିନୀ

ଲୋଇସିଂହା,୬।୮(ଡି.ଏନ.ଏ.): ବଲାଙ୍ଗୀର ଜିଲା ଲୋଇସିଂହା କସ୍ତୁରବା ଗାନ୍ଧୀ ଆବାସିକ ବାଳିକା ବିଦ୍ୟାଳୟ(କେଜିବିଭି)ର ଅନ୍ତେବାସିନୀମାନେ ନାନା ସମସ୍ୟା ଦେଇ ଗତି କରୁଛନ୍ତି। ଏହାର ପ୍ରତିବାଦ କଲେ ସେମାନଙ୍କୁ...

Advertisement

BGU

Archives

Model This Week

Why Dharitri