ଇସଲାମାବାଦ୍,୧୦।୨: ପାକିସ୍ତାନ କ୍ରିକେଟ ବୋର୍ଡ ଅଧ୍ୟକ୍ଷ ମୋହସିନ ନକବିଙ୍କ ICC T20 ବିଶ୍ୱକପ ୨୦୨୬ରେ ଭାରତ ବିପକ୍ଷ ମ୍ୟାଚ ବର୍ଜନ କରିବା ସମ୍ପର୍କରେ ବୟାନ ପରେ ଏହା ଏବେ ଏକ ନୂତନ ବିତର୍କ ସୃଷ୍ଟି କରିଛି। ପାକିସ୍ତାନ ଫେବୃଆରୀ ୯ରେ ଭାରତ ବିପକ୍ଷ ମ୍ୟାଚ ଖେଳିବାକୁ ରାଜି ହୋଇଥିଲା। କିନ୍ତୁ ନକବି ଦାବି କରିଛନ୍ତି ପାକିସ୍ତାନ ନିଜ ଲାଭ ପାଇଁ ନୁହେଁ ବରଂ ବାଂଲାଦେଶକୁ ସମର୍ଥନ କରିବା ପାଇଁ ଏହି ମତ ରଖିଛି। ମୋହସିନ ନକଭି କହିଛନ୍ତି, ପାକିସ୍ତାନ ICC ନିକଟରେ କୌଣସି ଦାବି କରିନାହିଁ ଏବଂ ଏହାର ସମସ୍ତ ପ୍ରୟାସ କେବଳ ବାଂଲାଦେଶର ସ୍ବାର୍ଥ ପାଇଁ ଥିଲା। ଏହା ଉଲ୍ଲେଖନୀୟ ଯେ, ସୁରକ୍ଷା କାରଣ ଦର୍ଶାଇ ବାଂଲାଦେଶକୁ ପୂର୍ବରୁ ଭାରତରେ ଖେଳିବାକୁ ମନା କରିବାରୁ ଟୁର୍ନାମେଣ୍ଟରୁ ବାଦ ଦିଆଯାଇଥିଲା।
ପାକିସ୍ତାନ ICC ସହିତ ଏକ ବୈଠକରେ ଭାରତ ସହିତ ଦ୍ୱିପାକ୍ଷିକ କ୍ରିକେଟ ସିରିଜ ପୁନଃ ଆରମ୍ଭ କରିବାକୁ ଦାବି କରିଥିଲା। ଏହା ବ୍ୟତୀତ ପାକିସ୍ତାନ, ଭାରତ, ପାକିସ୍ତାନ ଏବଂ ବାଂଲାଦେଶ ମଧ୍ୟରେ ତ୍ରିକୋଣୀୟ ସିରିଜ ଆୟୋଜନ କରିବାକୁ ମଧ୍ୟ ପ୍ରସ୍ତାବ ଦେଇଥିଲା। କିନ୍ତୁ ICC ଉଭୟ ଦାବିକୁ ପ୍ରତ୍ୟାଖ୍ୟାନ କରି କହିଛି। ଏହା ସତ୍ତ୍ୱେ ମୋହସିନ ନକବି ସାର୍ବଜନୀନ ଭାବରେ କହିଛନ୍ତି ଯେ, ପାକିସ୍ତାନ ନିଜ ପାଇଁ କିଛି ଅନୁରୋଧ କରିନାହିଁ।
ପାକିସ୍ତାନର ୟୁ-ଟର୍ନ ପରେ ଏହା ନିଶ୍ଚିତ ହୋଇଛି ଯେ, ଭାରତ ଏବଂ ପାକିସ୍ତାନ ୨୦୨୬ ଟି-୨୦ ବିଶ୍ୱକପରେ ଫେବୃଆରୀ ୧୫ରେ ପରସ୍ପରକୁ ଭେଟିବେ। ଏସିଆ କପ ଫାଇନାଲ ପରେ ଏହା ଦୁଇ ଦଳ ମଧ୍ୟରେ ପ୍ରଥମ ସାକ୍ଷାତ ହେବ।
Dharitri – Odisha’s No.1 Odia Daily
