ସୋରଡା,୧।୫(ଡି.ଏନ୍.ଏ.): ପଞ୍ଚାୟତ ନିର୍ବାଚନରେ ଖାଲି ପଡିଥିବା ୱାର୍ଡ ସଭ୍ୟା ଏବଂ ସଭ୍ୟଙ୍କ ପାଇଁ ମେ’ ୨ ତାରିଖ ମଙ୍ଗଳବାର ନିର୍ବାଚନ ହେବା। ଏନେଇ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଶେଷ ହୋଇଛି। ସୋରଡା ବ୍ଲକର ୨୬ ପଞ୍ଚାୟତ ମଧ୍ୟରୁ ୧୪ ପଞ୍ଚାୟତରେ ଏହି ନିର୍ବାଚନ ହେବ। ୩୬ ବୁଥ୍ରେ ୩୬ ୱାର୍ଡ ମେମ୍ବର ପ୍ରାର୍ଥିନୀ, ପ୍ରାର୍ଥୀ ନିର୍ବାଚିତ ହେବାକୁ ଥିବାବେଳେ ମଇଦାନରେ ଅଛନ୍ତି ୭୬ ପ୍ରାର୍ଥୀ । ଏନେଇ ଗ୍ରାମାଞ୍ଚଳ ରାଜନୀତି ବେଶ୍ ସରଗରମ ହୋଇଛି। ପ୍ରାର୍ଥୀମାନେ ଭୋଟରଙ୍କୁ ମନେଇବାକୁ ଭରପୁର ପ୍ରୟାସ କରିଛନ୍ତି। ବଡଗଡ ପଞ୍ଚାୟତରେ ୫, ବୋରଦା ୩, ବୋରାଶିଙ୍ଗୀ ୨, ଭଗବାନପୁର ୨, ଏକଲପୁର ୧, ଗାଙ୍ଗପୁର ୪, ଜିପିଶାସନ ୨, ହୁକୁମା ୧, କୁଳାଙ୍ଗି ୧, ରାଇବନ୍ଧ ୫, ସିଦ୍ଧପୁର ୩ , ଅମୃଟୁଲୁ ୫, ଅଶୂରବନ୍ଧ ୨, ବଡ଼ବଡାଙ୍ଗୀ ଗୋଟିଏ ବୁଥ୍ରେ ନିର୍ବାଚନ ହେବ। ମୋଟ ୧୩୨୪୪ ମହିଳା, ପୁରୁଷ ଭୋଟର ନିଜ ମତ ସାବ୍ୟସ୍ତ କରିବେ। ଏବି ସଞ୍ଜୀବ ରାଜ ସେନାପତି ନିର୍ବାଚନ ପରିଚାଳନା କରୁଥିବା ବେଳେ ସୋରଡା ଆଇଆଇସି ରମେଶ କୁମାର ପ୍ରଧାନ, ବଡଗଡ ଆଇଆଇସି ସୂରଜ ଝଙ୍କାର ଶାନ୍ତି ଶୃଙ୍ଖଳା ପ୍ରତି ନଜର ରଖିଛନ୍ତି। ସୋମବାର ବ୍ଲକ ଅଫିସ ପରିସରରୁ ସମସ୍ତ ୩୬ ବୁଥ୍କୁ ପୋଲିଂ ଦଳ ପଠାଯାଇଛି।
