କେଶ ଧଳା ହେବା ଏକ ସାଧାରଣ ସମସ୍ୟାରେ ପରିଣତ ହେଲାଣି। ବର୍ତ୍ତମାନ ଏହି ସମସ୍ୟା ବୟସ୍କଙ୍କଠାରୁ ଆରମ୍ଭ କରି ଛୋଟ ପିଲାଙ୍କଠାରେ ମଧ୍ୟ ଦେଖାଯାଉଛି। ତେବେ ଏହି ସମସ୍ୟାରୁ ମୁକ୍ତି ପାଇବା ଲାଗି ବଜାରରେ ମିଳୁଥିବା ଅନେକ ରାସାୟନିକ ପଦାର୍ଥ ବ୍ୟବହାର କରୁଛନ୍ତି, ଯାହା ଅଳ୍ପ ସମୟରେ ଏହି କେଶ ଧଳା ସମସ୍ୟାକୁ ଦୂର କରିଥାଏ। ମାତ୍ର ପରେ ଏହାର ଖରାପ ପ୍ରଭାବ ପଡ଼ି କେଶ ଝଡିବା ସହ ରୁକ୍ଷ ଦେଖାଯାଇଥାଏ। ତେବେ କେଶକୁ ପ୍ରାକୃତିକ ଉପାୟରେ କଳା ରଖିବାକୁ ଚାହୁଁଥିଲେ ଜାଣନ୍ତୁ କିଛି ଟିପ୍ସ।
ପ୍ରାକୃତିକ ଉପାୟରେ କେଶ କଳା ପାଇଁ ମେହେନ୍ଦି ଏକ ଘରୋଇ ଉପଚାର। ଏଥିରେ ବାଦାମ ତେଲ ମିଶାଇ ଲଗାଇବା ଫଳରେ କେଶ ଅନେକ ସମୟ ପର୍ଯ୍ୟନ୍ତ କଳା ରହିଥାଏ।
ବାଦାମ ତେଲରେ ପୋଷଣ ଓ ଭିଟାମିନ୍ ରହିଥାଏ। ଏହା କେଶ ଲାଗି ଉପକାରୀ ହୋଇଥାଏ। ଏହାକୁ ମେହେନ୍ଦିରେ ମିଶାଇ ଲଗାଇବା ଫଳରେ କେଶ ଧଳା ସମସ୍ୟା ଦୂର ହୋଇଥାଏ।
ବ୍ୟବହାର
ପାଣିକୁ ଫୁଟାଇ ସେଥିରେ ମେହେନ୍ଦି ପାଉଡର ମିଶାଇ ପ୍ୟାକ ପ୍ରସ୍ତୁତ କରନ୍ତୁ। ସେଥିରେ ଅଳ୍ପ ବାଦାମ ତେଲ ମିଶାନ୍ତୁ। ଏହାକୁ ୩୦ରୁ ୪୦ ମିନିଟ୍ ପର୍ଯ୍ୟନ୍ତ ରଖି ଧୋଇ ଦିଅନ୍ତୁ। ୨ ସପ୍ତାହକୁ ଥରେ ବ୍ୟବହାର କରିବା ଉଚିତ। ଏପରି କରିବା ଫଳରେ ପ୍ରାକୃତିକ ଉପାୟରେ କେଶ କଳା ହୋଇଥାଏ।
