ଭୁବନେଶ୍ୱର,୧୨।୨: ୟୁନିୟନ ବ୍ୟାଙ୍କ ଅଫ୍ ଇଣ୍ଡିଆ ପକ୍ଷରୁ ଭଏସ୍ ବ୍ୟାଙ୍କିଙ୍ଗ୍ ସେବାର ଶୁଭାରମ୍ଭ କରାଯାଇଛି। ଅତ୍ୟାଧୁନିକ ଉପାୟରେ ବ୍ୟାଙ୍କର ସେବା ଓ ସୁବିଧାକୁ ସହଳ ଭାବେ ପହଞ୍ଚାଇବା ଆଶାରେ ‘ୟୁନିୟନ ବ୍ୟାଙ୍କ ଭଏସ୍ ଆସିଷ୍ଟାଣ୍ଟ’ (ୟୁବା)ର ବ୍ୟବହାରକୁ ଗୁରୁତ୍ୱାରୋପ କରାଯାଇଛି। ସେହିଭଳି ୟୁବା ଗ୍ରାହକଙ୍କ ପାଖରେ ଭଏସ୍ କମାଣ୍ଡ ମାଧ୍ୟମରେ ବ୍ୟାଙ୍କିଙ୍ଗ୍ ସେବା ପହଞ୍ଚାଇବାର ଏକ ଅଭିନବ ଉପାୟ । ଏ ସମ୍ପର୍କରେ ବ୍ୟାଙ୍କର ଏମ୍ଡି ତଥା ସିଇଓ ଏ. ମଣିମେଖାଲାଇ କହିଛନ୍ତି, ଗ୍ରାହକମାନେ ଚେକ୍ ବୁକ୍ ପାଇଁ ଅନୁରୋଧ, ଚେକ୍ ସ୍ଥିତି, ଲକର ଭଡ଼ା ଦେୟ, ଡେବିଟ୍ କାର୍ଡ ବ୍ଲକ୍, ଡେବିଟ୍ କାର୍ଡ ଅନ୍ବ୍ଲକ୍, କ୍ରେଡିଟ୍ କାର୍ଡ ବିଲ୍ ଦେୟ ଭଳି ବ୍ୟାଙ୍କିଙ୍ଗ୍ ସେବାଗୁଡ଼ିକ ଶୀଘ୍ର ୟୁବା ମାଧ୍ୟମରେ ଗ୍ରାହକଙ୍କ ପାଇଁ ଆରମ୍ଭ କରାଯିବ। ଏପରିକି ବ୍ୟାଙ୍କର ସମସ୍ତ ଗ୍ରାହକଙ୍କୁ ଉତ୍ତମ ଡିଜିଟାଲ ସେବା ପ୍ରଦାନ କରିବାକୁ ଆମେ ନିରନ୍ତର ପ୍ରୟାସ ଜାରି ରଖିଛୁ ବୋଲି ଏ. ମଣିମେଖାଲାଇ ମତପ୍ରକାଶ କରିଛନ୍ତି।
ଅପରପକ୍ଷରେ ବ୍ୟାଙ୍କର ପୂର୍ବରୁ ଥିବା ହ୍ବାଟ୍ସଆପ୍ ବ୍ୟାଙ୍କିଙ୍ଗ୍ (ୟୁଭିକନ୍) ସେବା ମାଧ୍ୟମରେ ଗ୍ରାହକଙ୍କ ନିକଟତର ହୋଇପାରିଥିଲା। ଏପରିକି ଲକ୍ଷେରୁ ଅଧିକ ଗ୍ରାହକ ବ୍ୟାଙ୍କ ପରିଦର୍ଶନ ନ କରି ଗ୍ରାମୀଣ କ୍ଷେତ୍ରରେ ଉତ୍ତମ ଡିଜିଟାଲ ସେବା ଉପଲବ୍ଧ କରିପାରିଛନ୍ତି। ବର୍ତ୍ତମାନ ଭଏସ୍ ବ୍ୟାଙ୍କିଙ୍ଗ୍ ସଲ୍ୟୁସନ ଦ୍ୱାରା ଗ୍ରାହକମାନେ ଆହୁରି ଅଧିକ ସେବା ପାଇପାରିବେ। ଏପରିକି ଯେଉଁଠାରେ ଓ ଯେକୌଣସି ସମୟରେ ନିଜର ଆବଶ୍ୟକତା ଅନୁଯାୟୀ ତୁରନ୍ତ ବ୍ୟକ୍ତିଗତ ବ୍ୟାଙ୍କିଙ୍ଗ୍ ସେବା ପାଇପାରିବେ।
ସୂଚନାଯୋଗ୍ୟ, ଉତ୍ତର ପ୍ରଦେଶର ଲକ୍ଷ୍ନୌଠାରେ ଆୟୋଜିତ ‘ଉତ୍ତର ପ୍ରଦେଶ ଗ୍ଲୋବାଲ ଇନ୍ଭେଷ୍ଟର୍ସ ସମିଟ୍-୨୦୨୩’ ଅବସରରେ ବ୍ୟାଙ୍କର ପରିଚାଳନା ନିର୍ଦ୍ଦେଶକ ତଥା ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (ଏମ୍ଡି ତଥା ସିଇଓ) ଏ.ମଣିମେଖାଲାଇଙ୍କ ଦ୍ୱାରା ‘ଭଏସ୍ ବ୍ୟାଙ୍କିଙ୍ଗ୍’ର ଶୁଭାରମ୍ଭ କରାଯାଇଥିଲା।
