ମସ୍କୋ,୨ ।୩: ରୁଷିଆ ରାଷ୍ଟ୍ରପତି ଭ୍ଲାଦିମିର ପୁଟିନ ଏବେ ତାଙ୍କ ପ୍ରେମିକାଙ୍କ ସହ ରହୁଥିବା କୁହାଯାଉଛି । ସୂଚନା ଅନୁଯାୟୀ, ତାଙ୍କ ପ୍ରେମିକା ଜଣେ ଜିମନାଷ୍ଟ । ମିଡିଆ ରିପୋର୍ଟରେ ଦାବି କରାଯାଇଛି କି ପୁଟିନ ତାଙ୍କ ପ୍ରେମିକାଙ୍କ ସହ ଏକ ବିରାଟ ମହଲରେ ରହୁଛନ୍ତି, ଯେଉଁଠାରେ ତାଙ୍କ ପିଲାଙ୍କ ପାଇଁ ଏକ ଖେଳ ପଡିଆ ରହିଛି । ୩୯ ବର୍ଷିୟ ଜିମନାଷ୍ଟ ଅଲିନା କବାଏବା ଅଲିମ୍ପିକ ରିଦମିକ(ଲୟବଦ୍ଧ ପ୍ରତିଯୋଗୀତାର ଚାମ୍ପିୟାନ ରହିଛନ୍ତି) । ତାଙ୍କ ନାମ ଦୀର୍ଘଦିନ ହେବ ଭ୍ଲାଦିମିର ପୁଟିନଙ୍କ ସହ ଯୋଡି ହୋଇଯାଇଛି । ରୁଷିଆ ମିଡିଆର ସୂଚନା ଅନୁଯାୟୀ, ଏହି ସମ୍ପତ୍ତି ଭାଦ୍ଲାଇ ହିଲରେ ରହିଛି, ଯାହା ମସ୍କୋର ଉତ୍ତର ପଶ୍ଚିମରେ ।
ରିପୋର୍ଟରେ ଦାବି କରାଯାଇଛି କି ପୁଟିନ ସାଇପ୍ରସରେ ଏକ ସ୍ଲେସ ଫଣ୍ଡ ମାଧ୍ୟମରେ ୧୨୦ ମିଲିୟନ ଡଲାରର ସମ୍ପତ୍ତି କ୍ରୟ କରିଛନ୍ତି । ଏଠାରେ ଥିବା ମହଲର ନିର୍ମାଣ କାର୍ଯ୍ୟ ୨୦୨୦ରେ ଆରମ୍ଭ ହୋଇ ୨ ବର୍ଷ ପରେ ଶେଷ ହୋଇଛି । ରିପୋର୍ଟରେ ଆହୁରି ମଧ୍ୟ କୁହାଯାଇଛି କି ମହଲଟି ପ୍ରାୟ ୧୩.୦୦୦ ବର୍ଗଫୁଟ ପର୍ଯ୍ୟନ୍ତ ଲମ୍ବିଛି । ଏହା ସମ୍ପୂର୍ଣ୍ଣ ଭାବେ ରୁଷିଆ ଢାଞ୍ଚାର ଶୈଳିରେ କାଠରେ ନିର୍ମାଣ କରାଯାଇଛି ।
ରିପୋର୍ଟରେ ଜଣେ ଅଜଣା ଅଧିକାରୀଙ୍କ ସୂଚନା ଅଧାରରେ କୁହାଯାଇଛି କି ଏହି ମହଲ ପରିସରରେ ପିଲାମାନଙ୍କୁ ଦେଖିବା ସହ ଅଲିନା କବାଏବାଙ୍କ କେତେଜଣ ମହିଳା ସମ୍ପର୍କୀୟଙ୍କୁ ଦେଖିବାକୁ ମିଳିଛି । ସାଇଟ ପକ୍ଷରୁ ଜାରି କରାଯାଇଥିବା କିଛି ଫଟୋରେ ଏକ କାଚ ମେଜ ଓ ଏକ ଗୋଲାକାର ଝୁମରର ଚାରିପଟେ ସୁନାର ଚୌକି ଲାଗିଛି । ଏହାସହ ପୁଟିନଙ୍କ ବେଡରୁମ ଅଧିକ ପାରମ୍ପରିକ ହୋଇଛି ।
